YUSAK 18:16 - BALA LUK DO'

¹⁶ Idi lakan ineh musul paped pegkung luk petutup ku Ruan Hinom, ieh ineh bang Ruan Repaim, pa tinueh busat aco, idi musul teh lemaba Ruan Hinom, pa kabing busat aco Surud Yebusi, idi musul amé' Enrugel.

YUSAK 18:16 Iomraidhean Croise

SEMUIL LUK KEDUEH 17:17

Yonatan Abiatar idi Ahimas Saduk ineh nenganét déi' Enrogel. Idi seburur anak adi' decur megéi' ngacing bala kuan didueh, pad didueh miak amé' mada' bala ineh kuan Raca' Daud. Ngaceku na didueh miak silagan bang bawang.

SEMUIL LUK KEDUEH 5:18

Idi lun Pilistin nacing, idi ideh nepamung bang Ruan Lun Luk Medita'.

RACA'-RACA' LUK PUN-PUN 1:9

Idi Adonia nemaré tuda'-tuda' dumba, sapi', idi anak sapi' luk melamu ku baré sabpen muneng ku Batu Menipeh luk iring bued abpa' déi' Enrogel. Idi ieh nenawar amung kinanakneh, ieh ineh amung anak raca' idi amung lun tareh raca' luk rat Yahuda.

RACA'-RACA' LUK KEDUEH 23:10

Raca' Yosia nengusag Topit luk déi' Ruan Hinom, pad seburur pana' na miak maré anak deléi idi anak decurdeh sabpen mangun ku baré kuan akang Molek.

INUL LUK PUN-PUN 14:9

Idi lun Pilistin nacing ngaro déi' Ruan Lun Luk Medita'.

INUL LUK KEDUEH 28:3

Idi ieh nengeseb umau luk do' buen déi' Ruan Anak Hinom. Idi ieh nengeseb anak-anak deléineh mangun ku baré, maya' kekamen luk dat luk pangeh inau' amung pupu baken luk pangeh inusu Tuhan ratnan babpatdeh pa kiung lun Israil.

INUL LUK KEDUEH 33:6

Idi ieh nemaré anak-anakneh ku baré sabpen déi' Ruan Anak Hinom, idi ieh nemangun makai ubat Sétan, idi nenawar ada', idi nengitun lun luk mileh mangun. Idi ieh nenganau' luk dat pa kiung Tuhan, pad Tuhan museh neneh.

YESAYA 30:33

Mon, aceh apui su luk inan ngeseb raca' Asur pangeh tinina'. Ieh medalem idi rayeh pipang, idi pelaba ula' kayuh apui binuun su ineh. Tuhan miak nginiat luun bubpun ineh, idi niatNeh mepad kudeng aceh arur apui pelé ngeseb amung ineh.

YEREMIA 19:11

idi mada' nedeh ratnan luk bila Tuhan luk Melalud, kebalaNeh, “Ui miak mila' pupu ini idi bawang ini, mepad kudeng muyuh mila' kuden, pad ieh na miak mangun ku kuden baruh. Lemulun miak nanem nelundeh luk maté déi' Topet pana', ngaceku na luk inan baken su luk inan nanem nedeh.

YEREMIA 19:2

amé' Ruan Hinom luk déi' liang Tanga' Kuden Luk Mebila'. Idi ui icuk Tuhan mada' balaNeh déi'.

YEREMIA 19:6

Ngaceku ineh, muci su ineh na miak tetanen Topet idi Ruan Hinom, iamo' su ineh tetanen Ruan Até.

YEREMIA 32:35

Ideh pangeh nemudut bubpun kuan Baal déi' Ruan Hinom, pad ideh miak maré anakdeh luk deléi idi decur kuan allah Molek. Na Ui nengecuk nedeh nganau' luk kudeng ineh pad ideh nguit nelun Yahuda nganau' sala'.”

YUSAK 15:63

Iamo' lun Yahuda na miak ngusu nelun Yebusi, lun bang bawang Yerusalim, rat bang su luk inandeh. Ngaceku ineh lun Yebusi tudo perapu dengan lun Yahuda déi' Yerusalim macing aco sini.

YUSAK 18:28

Sela, Hailep, Yebusi (ieh ineh Yerusalim), Gibia idi Kiriat Yarim — amung bawang ineh pulu' apat perapu ku babpatdeh. Idi ini babpat inul Beniamin maya' tetek ruma'deh.

LUN LUK NGUYUT 1:21

Iamo' pupu Beniamin ineh na nengusu lun Yebusi luk tudo déei' bawang Yerusalim. Iamo' lun Yebusi ineh tudo bang bawang Yerusalim dengan pupu Beniamin macing aco sini.

LUN LUK NGUYUT 1:8

Pupu Yahuda nengaro bawang Yerusalim, idi nengalap ineh. Idi ideh nengatée amung lun bang bawang ineh idi nenutung amung ruma'deh.

LUN LUK NGUYUT 19:10

Iamo' na ieh sikal rudap peh, idi ieh nudur idi nenalan dengan apidneh, idi dueh keladai luk nguit babehneh. Idi ieh nacing su luk petutup ku Yebus, ieh ineh Yerusalim.