YUSAK 18:12 - BALA LUK DO'

¹² Idi lakandeh pa tinueh busat aco, ieh ineh Abpa' Yarden. Idi lakan ineh mudik pa Yeriko amé' pa tinueh busat aco, lemaba pegkung pa acep aco, idi maki' amé' su luk ali-ali déi' Bait Awin.

YUSAK 18:12 Iomraidhean Croise

HOSIA 10:5

Lemulun luk tudo bang bawang Samaria miak matot idi temido ngaceku sapo' deléi luk inau' ratnan amas déi' Baitel pangeh tiban. Ideh dengan imam-imam luk ngakem kuan akang ineh miak temido neneh. Ideh miak temido kareb ideh ngusag amasneh.

HOSIA 4:15

“Sagan tu pana' pupu Israil na lutep maya' Negku, aleg lun Yahuda mesala' bang luk kudeng ineh. Aleg amé' sembayang déi' Gilgal idi Baitel, idi aleg pejani' su ineh bang ngadan Tuhan luk mulun.

HOSIA 5:8

Nateg tawak déi' Gibia idi déi' Rama pana'! Ngitang déi' Baitel! Amé' pebunu', O lun Beniamin!

YUSAK 16:1

Idi babpat luk litep kuan inul Yusup, ieh ineh rat Abpa' Yarden muneng ku Yeriko, macing pa busat aco bued abpa' Yeriko, idi lemaba déi' su luk ali-ali, mudik rat Yeriko amé' pegkung macing déi' Baitel.

YUSAK 18:11

Idi inul Beniamin maya' tetek ruma'deh, nengalap tana' arang pupu Yahuda dengan inul Yusup.

YUSAK 2:1

Idi Yusak nelulem ngecuk dueh burur rat Sitim amé' nier, kebalaneh, “Amé' medueh ngikak tana' ineh, idi bawang Yeriko.” Idi didueh nesemuet bang ruma' seburur decur luk mesawa', ngadanneh Rahab, idi didueh netudo déi'.

YUSAK 3:16

idi abpa' luk manud rat pa dayeh mepamung mado suet bawang Adam luk pa Saretan, idi abpa' luk manud luk amé' luun patar, ieh ineh Abpa' luk Mepaci' itad pad nacing melena' tu-tu. Idi lun mula' ineh guta tutup Yeriko.

YUSAK 6:1

Idi tanga' bawang Yeriko pangeh pilin pa atun lun Israil. Seburur pana' na miak semuet idi remuat.

YUSAK 7:2

Idi Yusak nengecuk lun rat Yeriko amé' déi' Ai, luk muneng ku Bait Awen pa busat aco Baitel, pelé ideh nier bawang ineh. Idi ideh iné' nier bawang Ai.

YUSAK 8:15

Yusak idi amung lun Israil pana' ayu-ayu melaya' pa kiungdeh. Idi ideh nupun maya' dalan iné' su luk ali-ali.

SEMUIL LUK PUN-PUN 13:5

Idi amung lun Pilistin pana' nepamung pian pebunu' nelun Israil. Idi ideh inan 30,000 keréta, idi 6,000 burur luk maya' kuda, idi bawehdeh mepad kinula' bada luk i tangeb abpa' rayeh. Idi ideh iné' lupo déi' Mikmas pa busat aco Bait Awen.