YUSAK 18:1 - BALA LUK DO'

¹ Kareb ideh pangeh nengelaya' amung bawang luk pa atundeh, amung lun Israil nepamung déi' Silo, idi ideh nemudut Lepo su luk inan papu' Tuhan.

YUSAK 18:1 Iomraidhean Croise

SEMUIL LUK KEDUEH 7:6

Idi nateh Ui netudo bang aceh ruma' rat aco Ui nenguit nelun Israil neremuat rat Masir macing aco sini. Iamo' Ui lawé-lawé, idi lepo kibung mo' ruma'Ku.

RACA'-RACA' LUK PUN-PUN 14:2

Idi kebala Yerebom kuan awanneh, “Nekini do' iko ngisu' ayu bururmu, pad lun na miti namu awanku. Idi do' iko amé' déi' Silo, ngaceku déi' inan Nabi Ahiya luk pangeh nemada' negku atun, ratnan ui mangun ku raca' Israil.

RACA'-RACA' LUK PUN-PUN 14:4

Idi decur ineh iné' ruma' Ahiya déi' Silo. Idi Ahiya ineh nebuser, ngaceku ieh mengered.

RACA'-RACA' LUK PUN-PUN 2:27

Idi Selimun ngagka' ni Abiatar ratnan kekamen imam kuan Tuhan, pad ieh ngacing bala Tuhan luk pangeh bida'Neh atun déi' Silo, ratnan lawé lun bang tetek ruma' Eli ineh.

NEHEMIA 9:24

Ideh nengalap tana' Kanaan, idi nengelaya' pupu bawang ineh. Iko nemaré lalud kuan pupuMu, pad ideh nenganau' luk piandeh kuan pupu idi raca' bawang Kanaan.

NANI UBUR 78:60

Ieh nenecan lepoNeh luk déi' silo, su luk inanNeh netudo arang lemulun;

NANI UBUR 78:66

Ieh nengelubed bunu'Neh, idi nengelaya' nedeh pad ideh migu' ruked-ruked.

YEREMIA 26:6

Kudeng muyuh na maya' luk icukKu ini, idi Ui miak ngukum Ruma' Sembayang ini mepad kudeng luk inau'Ku déi' Silo. Amung pupu bang tana' ini miak neten ngadan bawang ini ku kediman.”

YEREMIA 26:9

Ngudehké iko pebala dengan ngadan Tuhan, ‘Ruma' ini miak mangun mepad kudeng Silo, idi bawang ini miak uen ngusag, pad seburur pana' nateh luk miak tudo ieneh?’ ” Idi pupu ineh nengerieng ni Yeremia déi' bang Ruma' Allah.

YEREMIA 41:5

idi ualuh ngepulu' burur lemulun nacing rat Sikem, Silo, idi Samaria. Ideh pangeh nemingit idi nengerarak kuyu'deh, idi nengurat bururdeh sebuleng. Idi ideh nenguit baré akan idi umau luk do' buen amé' bang Ruma' Allah.

IAP 32:22

Idi kudeng bawang ineh pangeh linaya' tu-tu pa kiung Tuhan, pangeh ineh idi teh muyuh miak lemubed, idi muyuh mepuit ratnan jani' muyuh inan Tuhan idi nelun Israil. Idi tana' ini pana' miak mangun ku babpat muyuh pa kiung Tuhan.

KEKAMEN RASUL-RASUL 7:45

Pangeh ineh tepun tau luk nengalap lepo ineh ratnan tamandeh nenguit ineh semuet dengan Yusak kareb ideh nengaro bawang rat nelun pupu baken, luk inusu Allah pa kiungdeh. Lepo ineh idi déi' macing kareb Daud.

YUSAK 18:2

Idi teh ketecan arang lun Israil tudu' pupu luk nateh nengalap babpatdeh.

YUSAK 18:8

Idi ideh iné' ngayud ayu tana' ineh, idi kebala Yusak nedeh, “Amé' muyuh nalan aput-aput tana' ineh idi ngayud ayuneh, idi lemubed amé' negku, pelé ui nala' udi ngaceku muyuh pa kiung Tuhan déi' Silo.”

YUSAK 19:51

Idi ini babpat luk bibpat Eliasar luk imam idi Yusak Nun, idi amung lun rayeh pupu kuan amung inul pupu lun Israil dengan nenala' udi déi' Silo pa kiung Tuhan, pa atun Lepo su luk inan papu' Tuhan. Kudeng ineh ideh nemangeh babpat-babpat tana' ineh.

YUSAK 21:2

Kebaladeh nedeh déi' Silo bang bawang Kanaan, “Tuhan pangeh nepebala ni Musa. Ieh nengecuk maré bawang kuan kai inan tudo, idi laman kuan aya' kai pana'.”

YUSAK 22:12

Kareb lun Israil neninger bala ineh, idi amungdeh nepamung déi' Silo, pian amé' munu' nedeh.

YUSAK 22:19

Idi nekini kudeng babpat tana' muyuh ineh dat, do' amé' matun babpat tana' Tuhan su luk inan Lepo Tuhan idi ngalap babpat rat arang kai. Iamo' aleg muyuh ngedat Tuhan. Idi aleg nguyo nekai idi nganau' kuan muyuh aceh bubpun baken ratnan bubpun Tuhan Allah tau.

YUSAK 22:9

Idi amung inul Rubin nuli' idi inul Gad idi sebuang inul Manasé. Idi ideh nenecan nelun Israil déi' Silo luk tana' Kanaan idi nuli' tana' Giliad, ieh ineh tana' luk pangeh biré nedeh, maya' kudeng bala Tuhan ni Musa.

LUN LUK NGUYUT 18:31

Idi akang Mika neketecan déei' seruked Lepo Allah idi déei' Silo.

LUN LUK NGUYUT 21:12

Idi ideh nengalap 400 anak decur rat arang lun Yabis luk déei' Giliad ineh. Idi ideh nenguit nedeh inée' su luk inandeh nelupo déei' Silo, luk bang tana' Kanaan.

LUN LUK NGUYUT 21:19

Idi kebaladeh, “Inan aceh aco rayeh kuan Tuhan déei' Silo anid-anid lak.” Silo, ieh ineh pa tinueh busat aco Baitel, idi pa kabing busat aco Lebona idi pa busat aco dalan rat Baitel amée' Sikem.

SEMUIL LUK PUN-PUN 1:24

Idi kareb Hanna pangeh neniti' anakneh, idi ieh nenguit neneh, dengan sebuleng sapi' deléi, luk ulunneh teluh lak, idi ualuh gatang banak, idi sengseréi' abpa' anggur, idi iné' bang ruma' Tuhan déi' Silo. Idi anak ineh pelaba isuut.

SEMUIL LUK PUN-PUN 1:3

Idi anid-anid lak Elkana iné' rat bawangdeh pian sembayang idi maré luk barén kuan Tuhan luk Melalud déi' Silo. Idi déi' inan dueh imam Tuhan, ieh ineh Hopni idi Pinihas Eli.