YUSAK 17:11 - BALA LUK DO'

¹¹ Idi bang bawang Iskar idi Aser, Manasé ngimet Bait Sian idi Ibliam perapu ku bawangdeh, ieh ineh Dor, luk tangeb abpa' rayeh, Endor, Taana, idi Megido.

YUSAK 17:11 Iomraidhean Croise

SEMUIL LUK KEDUEH 21:12

idi ieh iné' ngalap amung tulang Saul idi Yonatan rat nelun bang bawang Yabis déi' Giliad. (Ideh pangeh nemano tulang ineh rat natad bawang Bait San, su luk inan lun Pilistin nengekito nedeh kareb lun Pilistin ineh pangeh nengaté ni Saul luun Pegkung Gilboa.)

RACA'-RACA' LUK PUN-PUN 9:15

Raca' Selimun nengecuk nelun duken mudut Ruma' Allah idi ruma'neh sebuleng, idi teh maad tana' pa busat aco bawang Yerusalim dengan mudut libungneh. Idi lun ineh teh icukneh mudut baruh bawang Hasor, Megido, idi Giser. (

RACA'-RACA' LUK KEDUEH 9:27

Kareb Ahasia raca' lun Yahuda nenier luk inau'deh ineh, idi ieh neburo maya' dalan amé' Bait Hagan. Iamo' Yihu nengerada' neneh, kebalaneh, “Ngaté neneh teh.” Idi ieh nengelatik ilebneh amé' neneh kareb ieh tudo bang kerétaneh, kareb ieh mudik surud déi' Gur, luk muneng ku Ibliam. Idi ieh neburo iné' Megido. Idi ieh naté déi'.

INUL LUK PUN-PUN 6:70

Bang babpat Manasé luk pa acep aco, ideh nengalap inul Manasé, bawang Aner, idi Biliam dengan amung lamandeh.

INUL LUK PUN-PUN 7:29

Iamo' inul Manasé nengimet Bait Sian, Tanak, Megido, idi Dor, dengan amung bawang libut-libutdeh. Idi bang amung bawang ini inul Yusup anak Yakub netudo.

INUL LUK KEDUEH 35:22

Iamo' na Yosia pian buro rat neneh, iamo' ieh sipalep sikal pebunu' neneh. Na ieh neninger bala Neko luk nacing ratnan Allah. Iamo' Yosia nacing déi' Ruan Megido sikal pebunu'.

NANI UBUR 83:10

luk pinaté déi' Endor, idi butungdeh nelu luun tana' ineh.

YEREMIA 49:2

Ngerawé do'-do', tarekneh miak macing kareb Ui nganau' lun bang bawang Raba ninger uni lun pebunu'. Bawang lun Amon ineh miak uen ngusag idi amung ruma'deh miak mabud sabpen. Idi lun Israil miak ngalap tana'deh lemubed ratnan lemulun luk nengaro neneh. Ui ini Tuhan pangeh nepebala.

SEKARIA 12:11

Kareb ineh inan tido luk rayeh déi' Yerusalim, mepad kudeng tido kuan Baal déi' Raked Megido.

YUSAK 11:2

idi raca'-raca' luk luun pegkung-pegkung luk pa tinueh busat aco, idi luk luun Raked Yarden luk pa kabing busat aco Takung Galilia, idi luk luun tana' patar, idi luk tangeb abpa' rayeh muneng ku Dor.

YUSAK 12:21

raca' Tanak, raca' Megido,

YUSAK 12:23

raca' Dor luk tangeb abpa' rayeh, raca' Goyim luk déi' Gilgal,

YUSAK 16:9

Idi bal selipa lakan tana'deh inan teh tuda'-tuda' bawang arang lun Epraim bang babpat lun Manasé, do' bawang-bawang, do' barardeh pana'.

YUSAK 17:10

Luk pa kabing busat aco ineh Epraim kuan. Idi pa tinueh busat aco ineh Manasé kuan. Idi Abpa' Rayeh ineh lakan didueh. Idi pa tinueh busat aco ideh macing Aser. Idi pa kabing busat aco ideh macing Iskar.

YUSAK 17:16

Idi kebala inul Yusup, “Na tana' pegkung ineh petap kuan kai. Idi amung lun Kanaani luk tudo luun raked ineh inan keréta belawan, do' luk tudo bang Bait Sian idi bang babpat-babpatdeh, do' luk tudo' déi' Raked Yesril pana'.”

LUN LUK NGUYUT 1:27

Idi pupu Manasée na nengusu nelun luk tudo bang bawang Bait Sian, Taanak, Dor, Ibliam, Megido, idi bawang luk muneng ku bawang ineh pana'. Ngaceku lun Kanaani lutep tudo luun tana' ineh.

LUN LUK NGUYUT 5:19

“Idi amung raca' nacing idi nepebunu', déei' Tanak, tangeb Abpa' Megido. Idi amung raca' Kanaan nepebunu' teh, iamo' sebalad pirak pana' nateh luk nekarodeh.

SEMUIL LUK PUN-PUN 28:7

Idi kebala Saul nelun dukenneh, “Nakap seburur decur luk mileh mangun kuanku, pelé ui ngitun neneh.” Idi lun dukenneh nengor balaneh, “Déi' Endor inan seburur decur luk mileh mangun.”

SEMUIL LUK PUN-PUN 31:10

Idi amung repapeh Saul ineh rirengdeh bang ruma' akang decur Asterot, idi butungneh tinapekdeh luun libung bawang Bait San.

SEMUIL LUK PUN-PUN 31:12

idi amung lun luk mesangit negugkang, idi nalan kedangan-kedangan ineh. Idi ideh nenguit butung Saul idi butung anakneh luk teluh ineh ratnan libung Bait San ineh. Kareb ideh nacing déi' Yabis, idi ideh nengerupung amung butung ineh déi'.