YUSAK 16:10 - BALA LUK DO'

¹⁰ Iamo' na ideh nengusu lun Kanaani luk tudo déi' Giser, pad lun Kanaani ineh mudeng arang lun Epraim macing aco sini. Iamo' ideh mangun ku lun duken luk sinaad ngakem kuandeh.

YUSAK 16:10 Iomraidhean Croise

RACA'-RACA' LUK PUN-PUN 9:15

Raca' Selimun nengecuk nelun duken mudut Ruma' Allah idi ruma'neh sebuleng, idi teh maad tana' pa busat aco bawang Yerusalim dengan mudut libungneh. Idi lun ineh teh icukneh mudut baruh bawang Hasor, Megido, idi Giser. (

RACA'-RACA' LUK PUN-PUN 9:16

Raca' Masir ineh pangeh nengelaya' bawang Giser. Idi ieh nengaté amung lun bang bawang ineh, idi ieh nengeseb bawang ineh teh. Idi ieh nemaré bawang ineh kuan anakneh, ieh ineh awan Selimun, mangun ku aceh baré maya' neneh.

RACA'-RACA' LUK PUN-PUN 9:21

amung anak inuldeh luk neketecan bang bawang ineh — idi luk na pinaté lun Israil atun — amung ineh ilap Selimun mangun ku demulunneh macing aco sini.

INUL LUK KEDUEH 8:8

amung anak inuldeh luk rat neketecan bang bawang ineh idi luk na pinaté lun Israil atun, amungdeh ineh ilap Raca' Selimun mangun ku demulunneh macing aco sini.

YUSAK 10:33

Idi kareb ineh nacing Horam, raca' Giser ineh, pian ngedengan lakis, Iamo' Yusak nengelaya' neneh idi anak itinneh, pad seburur pana' nateh luk mulun.

YUSAK 15:63

Iamo' lun Yahuda na miak ngusu nelun Yebusi, lun bang bawang Yerusalim, rat bang su luk inandeh. Ngaceku ineh lun Yebusi tudo perapu dengan lun Yahuda déi' Yerusalim macing aco sini.

YUSAK 16:9

Idi bal selipa lakan tana'deh inan teh tuda'-tuda' bawang arang lun Epraim bang babpat lun Manasé, do' bawang-bawang, do' barardeh pana'.

YUSAK 17:12

Iamo' lun Manasé na miak ngusu lemulun rat bang bawang-bawang ineh. Ngaceku ineh lun Kanaani tudo déi'.

YUSAK 17:13

Idi kareb lun Israil mangun meluun tueh, idi ideh nengalap lun Kanaani ineh mangun ku lun dukendeh. Iamo' na ideh nengusu nedeh.

LUN LUK NGUYUT 1:29

Kudeng ineh teh Epraim na nengusu nelun Kanaani luk tudo déei' Giser. Iamo' lun Kanaani ineh netudo dengandeh bang bawang ineh teh.