YUSAK 15:16 - BALA LUK DO'

¹⁶ Idi kebala Kaleb, “Ide luk munu' Kiriat Seper ineh, idi ngelaya' neneh, ui miak maré kuanneh Aksa, anakku, ku awanneh.”

YUSAK 15:16 Iomraidhean Croise

INUL LUK PUN-PUN 2:49

Idi muci ieh nenginul Sap luk nemudut bawang Madmana, idi Siwa luk nemudut bawang Makbina idi Gibia. Idi anak decur Kaleb, ieh ineh Aksa.

YUSAK 15:15

Idi rat ieneh ieh nenalan iné' matun lun bang bawang Debir. Idi atun ngadan Debir ineh Kiriat Seper.

YUSAK 15:17

Idi bawang ineh linaya' Otniel anak Kenas, kinanak Kaleb. Idi ieh nemaré Aksa, anakneh, kuanneh mangun ku awanneh.

LUN LUK NGUYUT 1:6

Adonibesek neburo. Idi ideh nengerada' neneh idi nengakem neneh, idi ideh nenetek bua' ticu' mebpuh idi bua' kukud mebpuhneh.

SEMUIL LUK PUN-PUN 17:25

Kebaladeh, “Pangehké iko nenier nelun luk nacing tungé' ineh? Inan peh acingneh iné' tungé', ieh ineh pian situnga nelun Israil. Idi idé luk miak ngaté neneh, ieh miak inan raca' maré binaweh luk mula'. Idi ieh maré anakneh kuanneh ku awanneh. Idi lun bang tetek ruma' tamanneh miak uen ngagka' ratnan amung kekamen kuan raca'.”