YUSAK 14:6 - BALA LUK DO'

⁶ Idi lun Yahuda iné' matun Yusak déi' Gilgal. Idi kebala Kaleb Yepuneh lun Kenisi ineh kuandeh, “Iko teh luk nekali' bala Tuhan luk ni Musa demulun Tuhan ineh ratnan ui idi iko déi' Kadis Barnia.

YUSAK 14:6 Iomraidhean Croise

RACA'-RACA' LUK PUN-PUN 13:1

Idi nacing aceh nabi rat Yahuda iné' Baitel, maya' kudeng luk bila Tuhan, laba' Yerebom tuped iring bubpun ineh pian maré baré.

RACA'-RACA' LUK PUN-PUN 13:14

Idi ieh nenalan maya' puet nabi rat Yahuda ineh. Idi ieh nepigket neneh tudo liang kayuh luk meraben. Idi kebalaneh neneh, “Ikoké nabi Allah rat Yahuda ineh?” Kebalaneh, “Ui ini.”

RACA'-RACA' LUK KEDUEH 4:16

Idi kebala Elisa neneh, “Lak baruh, kareb luk kudeng ini, iko inan anak deléi.” Idi kebala decur ineh, “O nabi Allah aleg iko naluk negku ini.”

RACA'-RACA' LUK KEDUEH 4:42

Idi seburur deléi rat Baal Salisa nenguit kuan Elisa tuda'-tuda' pinaram padé baruh, dueh ngepulu' balad pinaram ikun, idi teh dalé luk isebneh. Idi kebala Elisa, “Maré ineh kenen lun mula' ini.”

RACA'-RACA' LUK KEDUEH 4:9

Idi kebala decur ineh inan awanneh, “Ui kali nabi Allah luk megéi' lemaba bawang tau ineh, ieh ineh seburur lun luk meligan.

RACA'-RACA' LUK KEDUEH 8:11

Idi Elisa nenutong ni Hasel, pad ieh migu'. Idi Elisa nangi'.

RACA'-RACA' LUK KEDUEH 8:7

Idi Elisa iné' déi' Damsik kareb Benhadad raca' bawang Siria ineh mét. Idi kebaladeh kuan raca', “Nabi Allah idi tungé'.”

INUL LUK PUN-PUN 23:14

Idi anak Musa, nabi Allah tetanen arang inul pupu Liwi.)

NANI UBUR 90:1

O Tuhan, Iko megéi' mangun ku libung kai.

YEREMIA 35:4

Idi Yeremia nenguit nedeh amé' bang Ruma' Allah, ieh ineh bang takep anak Hanan Igdalia luk demulun Allah. Takep ineh muneng ku takep amung lun rayeh idi pa luun takep Salum Masia, aceh lun rayeh bang Ruma' Allah.

IAP 13:26

Idi ideh iné' papu' ni Musa idi Arun, idi amung lun Israil déi' su luk ali-ali déi' Paran bang bawang Kadis. Idi ideh nengacing bala kuandeh, idi kuan amung lun Israil, idi nemada' bua' rat bawang ineh sirendeh.

IAP 13:30

Idi Kaleb nengecuk nelun Israil ineh pirud pa kiung Musa, kebalaneh, “Do' tau nalan nekini idi ngaro tana' ineh. Ngaceku kali' rungen tau miak ngelaya' nedeh.”

IAP 14:24

Iamo' ngaceku demulunKu Kaleb inan terawé luk baken, idi ieh pangeh lutep maya' Negku, idi Ui miak nguit neneh amé' bawang luk ulekneh, idi inulneh pana' miak ngimet bawang ineh.

IAP 14:30

na tu-tu muyuh miak semuet bang bawang luk pangeh pijani'Ku nemuyuh, iamo' Kaleb Yepuneh idi Yusak Nun luk miak semuet mo'.

IAP 14:6

Iamo' Yusak Nun idi Kaleb Yepuneh luk rat arangdeh luk iné' nier bawang ineh teh nengedarak kuyu' didueh sebuleng,

IAP 26:65

Ngaceku kebala Tuhan nedeh, ideh miak maté déi' su ali-ali. Iamo' Kaleb Yepuneh idi Yusak Nun mo' miak mulun.

IAP 32:12

Iamo' Kaleb Yepuneh lun Kenisi idi Yusak Nun mo' miak kali' bawang ineh ngaceku didueh pangeh lutep maya' Negku.’

BADA' RATNAN UKUM 33:1

Idi ini peruan luk pangeh biré Musa, nabi Allah, kuan amung lun Israil kareb nateh ieh naté.

BADA' RATNAN UKUM 34:10

Idi rat arang lun Israil na luk idi seburur nabi pana' luk mepad kudeng Musa luk nepapu' Tuhan kiung dengan kiung,

BADA' RATNAN UKUM 34:5

Idi Musa demulun Tuhan ineh naté su ineh déi' tana' Moab maya' kudeng bala Tuhan.

1 TIMOTIUS 6:11

Iamo' iko ini, O demulun Allah, ngado bururmu ratnan amung-amung ineh, idi nakap luk matu, baya', anu, awa, ulai niat, idi niat luk do'.

2 TIMOTIUS 3:17

pad demulun Allah ineh meligan, idi tinina; kuan amung-amung kekamen luk do'.

YUSAK 10:43

Idi Yusak nelemubed dengan bawehneh iné' su luk inandeh nelupo déi' Gilgal.

YUSAK 14:14

Idi Hebron mangun ku babpat Kaleb Yepuneh lun Kenisi ineh, macing aco sini, ngaceku ieh nelutep maya' bala Tuhan Allah lun Israil.

YUSAK 15:17

Idi bawang ineh linaya' Otniel anak Kenas, kinanak Kaleb. Idi ieh nemaré Aksa, anakneh, kuanneh mangun ku awanneh.

YUSAK 4:19

Idi kareb lun mula' inul numak rat bang Abpa' Yarden, ieh ineh pulu' aco bulan apat, ieh ineh bulan luk pun, idi ideh nemudut lepodeh déi' Gilgal, ieh ineh lakan Yeriko pa busat aco.