YUSAK 14:15 - BALA LUK DO'

¹⁵ Idi atun ngadan bawang Hebron ineh Kiriat Arba, ieh ineh ngadan seburur lun rayeh arang amung lun Enak. Idi bang kareb ineh bawang ineh nugka' pebunu'.

YUSAK 14:15 Iomraidhean Croise

PUDUT 23:2

Idi ieh naté déi' Hebron bang bawang Kanaan; idi Ibrahim netemido neneh.

PUDUT 35:27

Idi Yakub nacing nan tamanneh Isak déi' Mamré, luk muneng ku Hebron, su luk inan Ibrahim idi Isak netebawang.

PUDUT 37:14

Idi kebala Yakub neneh, “Do' iko amé' matun kinanak-kinanakmu, idi nier kudeng ideh do', dengan amung aya' ineh teh, idi iko miak nguit bala kuanku teh.” Kudeng ineh Yakub nengecuk neneh nalan rat Ruan Hebron. Idi Yusup iné' dei' Sikem.

INUL LUK PUN-PUN 6:4

Ini anak inul Eliasar: Pinihas, Abisua,

NEHEMIA 11:25

Mula' lemulun tudo bang bawang luk muneng ku lati'deh. Lun luk inul Yahuda tudo déi' Arba, Dibon, idi Yekabsil, idi bawang luk isuut luk muneng ku bawang ineh.

YUSAK 11:23

Idi amung bawang ineh linaya' Yusak, maya' kudeng luk icuk Tuhan ni Musa. Idi Yusak nemaré tana' ineh kuan lun Israil mangun ku babpatdeh maya' inul pupudeh. Idi ideh nugka pebunu' peh.

YUSAK 14:14

Idi Hebron mangun ku babpat Kaleb Yepuneh lun Kenisi ineh, macing aco sini, ngaceku ieh nelutep maya' bala Tuhan Allah lun Israil.

YUSAK 15:13

Idi kuan Kaleb Yepuneh inan nemaré aceh babpat rat arang lun Yahuda, maya' kudeng bala Tuhan ni Yusak, ieh ineh bawang Arba taman Enak, ieh ineh Hebron.

YUSAK 21:11

Idi ideh nemaré nedeh ineh bawang Kiriat Arba (Arba ineh taman lun Enak), ieh ineh Hebron luun pegkung-pegkung Yahuda, do' bawangdeh, idi laman luk pekelibutneh.

YUSAK 21:12

Iamo' tana' bawang ineh luk ku laman idi bawang-bawangneh luk isuut biré kuan Kaleb Yepuneh ku babpatneh.

LUN LUK NGUYUT 1:20

Idi Hebron ineh birée kuan Kaleb, maya' kudeng luk bila Musa. Idi ieh nengusu rat déei' teluh burur anak deléei Enak.

LUN LUK NGUYUT 3:11

Idi bawang ineh na inan bunu' apat ngepulu' lak kinioneh. Idi Otniel Kenas natée.

LUN LUK NGUYUT 3:30

Idi lun Israil nengelaya' Moab bang aco sineh, idi bawang ineh na inan bunu' ualuh ngepulu' lak kinioneh peh.

LUN LUK NGUYUT 5:31

“Dengan luk kudeng ineh nima' amung bunu'Mu matée, O Tuhan. Iamo' do' lun rurumMu merasat mepad kudeng asat aco.” Idi bawang ineh na inan bunu' apat ngepulu' lak kinioneh.

LUN LUK NGUYUT 8:28

Idi lun Midian linaya' lun Israil pad na luk inan matot nedeh peh. Idi bawang ineh na inan bunu' apat ngepulu' lak kinioneh bang kareb Gidion mulun.

SEMUIL LUK PUN-PUN 30:31

Hebron, idi kuan amung su luk inan Daud pangeh nenalan atun dengan amung anak itinneh.