YUSAK 14:12 - BALA LUK DO'

¹² Idi ngaceku ineh do' maré kuanku tana' pegkung luk pangeh bida' Tuhan negku kareb aco sineh. Iko pana' pangeh neninger ratnan lun Enak idi déi' bang tuda'-tuda' bawang luk meraben libung. Kudeng Tuhan ngedengan negku ui miak ngusu nedeh, maya' kudeng bala Tuhan ineh.”

YUSAK 14:12 Iomraidhean Croise

RACA'-RACA' LUK KEDUEH 19:4

Raca' Asur pangeh nengecuk lun rayehneh amé' ngedat Allah luk mulun. Do' Tuhan Allahmu ninger bala luk dat ini, idi ngukum lemulun luk nepebala kudeng ineh. Do' iko sembayang nan Allah mutuh kuan pupu tau luk ketecan.”

INUL LUK KEDUEH 14:11

Idi Asa nesembayang inan Tuhan Allahneh, kebalaneh, “O Tuhan, Iko miak ngedengan baweh luk melaya' idi baweh luk metueh pana', O Tuhan Allah kai, ngedengan nekai nekini, ngaceku kai merapet Namu, idi dengan ngadanMu kai pangeh nacing sikal ngelaya' baweh luk rayeh ineh. O Tuhan, Iko mo' Allah kai. Seburur pana' nateh luk metueh rat Namu.”

NANI UBUR 44:3

Na ideh nengaro bawang ineh ku pelapetdeh, idi na nengalap neneh dengan tuehdeh sebuleng, iamo' dengan lalud idi tuehMu, idi ngaceku ideh kali' pedengan idi awaMu nedeh.

NANI UBUR 60:12

Kudeng Allah ngedengan netau kali' rungen tau metueh; Ieh miak ngelaya' bunu' tau.

IAP 13:28

Idi teh lemulun luk tudo bang bawang ineh mesangit, idi bawangdeh pelaba rayeh idi inar teh. Idi teh kai pangeh nenier inul Enak luk rayeh burur idi medita' déi'.

IAP 13:33

Idi kai nenier lemulun luk pelaba rayeh burur, ieh ineh inul Enak, idi kai nenier burur kai mepad kudeng kato, idi kudeng ineh teh ayu kai sirendeh.”

IAP 21:34

Kebala Tuhan ni Musa, “Aleg iko matot neneh, ngaceku Ui maré neneh dengan anak itinneh idi bawangneh bang paladmu, idi iko miak nganau' kuanneh mepad kudeng luk inau'mu kuan Sihon, raca' lun Amori, luk tudo déi' Hesbon.”

SURAT LUK BIRE PAULUS KUAN LUN RUM 8:31

Ngaceku ineh anunké luk belén tau nekini? Kudeng Allah ngedengan netau, idéké luk miak metueh rat netau?

BADA' RATNAN UKUM 1:28

Kudeng apehké bawang luk ulek tau? Kali' rungen tau matot? Lun luk icuk ineh nepebala, “Idi ieh ineh aceh pupu luk rayeh idi metueh rat netau. Idi bawang-bawangdeh pana' rayeh muyuh.’ Idi kebala muyuh, ‘Matu langit. Idi teh kai pangeh nenier inul lun Enak luk rayeh burur déi'.” ’

BADA' RATNAN UKUM 9:1

“Ninger, O lun Israil! Nekini muyuh guta Abpa' Yarden, pad ngelaya' tuda'-tuda' pupu luk meluun rayeh idi meluun tueh rat nemuyuh. Idi bawangdeh pelaba rayeh idi libung bawangdeh pana' macing langit.

BADA' RATNAN UKUM 9:3

Iamo' muyuh miak kali' aco sini pana' Tuhan Allah muyuh luk nalan pa atun muyuh mepad kudeng apui. Idi Ieh miak ngelaya' nedeh pa kiung muyuh, pad muyuh ngusu nedeh, idi ngaté nedeh dengan mesaget, maya' kudeng luk bilaNeh nemuyuh.

PILIPI 4:13

Ui miak nganau' luk amung-amung ngaceku Keristus luk ngetueh negku.

IBERANI 11:33

Ratnan anu teh ideh nengelaya' tuda'-tuda' bawang, idi nenganau' luk matu. Ideh nengalap luk pijani' Allah, idi neniep tang balang.

YUSAK 15:14

Idi rat déi' Kaleb nengusu teluh anak deléi Enak ineh, ieh ineh Sesai, Akiman, idi Talmai.

LUN LUK NGUYUT 1:20

Idi Hebron ineh birée kuan Kaleb, maya' kudeng luk bila Musa. Idi ieh nengusu rat déei' teluh burur anak deléei Enak.

SEMUIL LUK PUN-PUN 14:6

Idi kebala Yonatan kuan anak adi' ineh, “Amé' kiteh pebunu' inan baweh lun Pilistin luk na manu ineh, pelé tau uen Tuhan ngedengan. Ngaceku Tuhan na susa' ngedengan nelun mula' idi lun pawa' pana'.”