YUSAK 13:22 - BALA LUK DO'

²² Idi lun Israil nengaté Bilam Bior, lun luk mileh mangun ineh, idi mula' lun baken teh.

YUSAK 13:22 Iomraidhean Croise

IAP 23:23

Na luk idi bangun luk metueh rat ni Yakub. Idi na luk idi limu' luk metueh rat nelun Israil. Idi nekini Allah miak buren, ngaceku luk inau'Neh kuan Israil.

IAP 24:1

Idi kareb Bilam nekali' idi Tuhan pian ngeperuan nelun Israil, idi na ieh iné' nakap tanu' kudeng lawéneh luk atun. Iamo' ieh nelumi nier su luk ali-ali ineh.

IAP 24:14

Kebala Bilam ni Balak, “Idi nekini ui lemubed amé' inan pupuku. Idi ui miak mada' namu ratnan luk ruen pupu ini kuan pupumu muci.”

IAP 31:8

Idi teh ideh nengaté amung raca' lun Midian, ieh ineh Iwi, Rekem, Sur, Hur, idi Reba, limeh burur raca' Midian, idi teh Bilam Bior.

YUSAK 13:23

Idi lakan tana' lun Rubin ineh Abpa' Yarden. Idi amung tana' luk i tangebneh, amung ini babpat inul Rubin maya' anid-anid tetek ruma'deh, amung bawang idi barardeh.

2 PETRUS 2:15

Ideh nenecan dalan luk mesiri, idi maya' luk meraruh. Ideh maya' dalan Bilam Bior luk geregan ku tabpar kekamen luk dat;

YAHUDA 1:11

Ideh pelaba susa' ngaceku ideh nemaya' lawé Kain. Ideh nemaré bururdeh maya' sala' Bilam pad ngalap tabpar. Ideh sikal metueh mepad kudeng Kora, idi uen ngusag mepad kudeng ieh teh.

BALA LUK LINIO 19:20

Idi pung ineh pana' kikem pad-pad dengan nabi luk mebalih luk pangeh nenganau' tuda'-tuda' tanu' luk nan mawa pa kiungneh. (Idi dengan tanu'-tanu' ineh ieh nengeraruh lemulun luk inan etu pung ineh, idi luk pangeh sembayang inan akangneh.) Didueh ineh tila' dengan mulun bang takung apui luk mebudung ku batu apui.

BALA LUK LINIO 2:14

Iamo' ini sesuut adu'ku namu, inan teh denganmu lemulun luk ngimet bada' Bilam, luk nemada' ni Balak pad ngeraruh nelun pupu Israil, pad ideh kuman luk pangeh biré kuan akang, idi pasét teh.