YUSAK 13:14 - BALA LUK DO'

¹⁴ Iamo' Musa na nemaré babpat tana' kuan inul Liwi. Idi amung baré luk sabpen kuan Tuhan Allah lun Israil, ieh ineh babpatdeh, maya' kudeng balaNeh ni Musa.

YUSAK 13:14 Iomraidhean Croise

YEHISKIEL 44:28

“Babpat inul lun imam ratnan luk biréKu nelun Israil luk barén kuan anid-anid inul, ieh ineh kekamen imam. Na ideh miak ngalap tana' bang bawang Israil. Ui ini babpat imam-imam ineh.

YEHISKIEL 44:29

Baré akan idi baré ngaceku sala' idi babeh sala' mangun ku akandeh, idi ideh ngalap amung-amung luk barén kuanKu bang bawang Israil.

BADA' RATNAN UKUM 10:9

Idi ngaceku ineh lun Liwi na ngalap babpat tana' dengan amung kinanakdeh. Iamo' Tuhan mangun ku babpatdeh maya' kudeng luk pijani' Tuhan Allah muyuh nedeh.)

BADA' RATNAN UKUM 12:12

Idi do' muyuh geriguen pa kiung Tuhan Allah muyuh, do' muyuh dengan amung anak muyuh, amung lun tebarin muyuh, idi amung lun Liwi pana' luk tudo bang anid bawang muyuh. (Do' ngerawé lun Liwi luk na miak ngalap babpat tana' mepad kudeng muyuh.)

BADA' RATNAN UKUM 12:19

Aleg kelupan nelun Liwi seruked muyuh tudo bang bawang ineh.

YUSAK 13:13

Iamo' na lun Israil nengusu lun Gesuri idi lun Makati ratnan babpatdeh. Iamo' ideh tudo arang lun Israil macing aco sini.

YUSAK 13:15

Musa nemaré babpat tana' kuan anid-anid tetek ruma' pupu Rubin.

YUSAK 13:33

Iamo' Musa na nemaré babpat tana' kuan inul Liwi ngaceku Tuhan Allah lun Israil luk ku babpatdeh ineh, maya' kudeng bala Tuhan nedeh.

YUSAK 18:7

Lun Liwi ineh na ngalap babpat arang muyuh, ngaceku babpatdeh ineh kekamen imam kuan Tuhan. Idi inul Gad idi Rubin idi sebuang inul Manasé ineh pana' pangeh nengalap babpatdeh pa busat aco Abpa' Yarden, luk pangeh biré Musa lun duken Tuhan ineh kuandeh.”