YUSAK 11:8 - BALA LUK DO'

⁸ Idi Tuhan nemaré nedeh bang palad lun Israil. Idi ideh nengelaya' idi nengerada' nedeh macing déi' Sidon, idi Misrepot Maim pa busat aco, idi déi' Mispa pana'. Idi ideh nepebunu' nedeh, pad seburur pana' nateh luk mulun.

YUSAK 11:8 Iomraidhean Croise

PUDUT 10:15

Idi anak-anak Kanaan, — Sidon, anakneh luk atun, idi Hit —– mangun ku tepun pupu luk makai ngadan didueh.

PUDUT 49:13

“Sebulon miak tudo tangeb abpa' rayeh. Idi ieh miak mangun ku su luk inan kapal mapit. Idi lakanneh macing déi' Sidon.

SEMUIL LUK KEDUEH 24:6

Idi ideh nacing déi Giliad idi Kadis bang bawang lun Hiti. Ideh iné' déi' Dan, idi rat Dan ideh nelemiud iné' Sidon.

YESAYA 23:4

O bawang Sidon, iko inigu'! Abpa' rayeh idi ribaruh abpa' rayeh pana' na pian namu, kebaladeh, “Na anakku, anak deléi idi anak decur nateh luk isa'ku.”

SEKARIA 9:2

Hamat luk iring Hadrak, Tuhan kuan. Kudeng ineh teh bawang Sur idi Sidon, dengan maung ilehdeh.

BADA' RATNAN UKUM 7:2

Idi kareb Tuhan Allah muyuh pangeh nemaré nedeh bang palad muyuh, idi muyuh pangeh nengelaya' nedeh, do' muyuh ngaté amungdeh. Aleg muyuh pejani' nedeh. Idi aleg muyuh méi' nedeh.

BADA' RATNAN UKUM 9:3

Iamo' muyuh miak kali' aco sini pana' Tuhan Allah muyuh luk nalan pa atun muyuh mepad kudeng apui. Idi Ieh miak ngelaya' nedeh pa kiung muyuh, pad muyuh ngusu nedeh, idi ngaté nedeh dengan mesaget, maya' kudeng luk bilaNeh nemuyuh.

YUSAK 10:20

Yusak idi amung lun Israil nengaté nedeh, idi amung lemulun luk na pinaté ineh neburo idi nesemuet bang libung bawang.

YUSAK 11:3

Idi ieh nengecuk amé' mada' lun Kanaani luk pa busat aco, idi luk pa acep aco, idi lun Amori, lun Hiti, lun Prisi, lun Yebusi, idi lun luk luun pegkung, idi lun luk liang Pegkung Hermon bang bawang Mispa.

YUSAK 11:7

Idi Yusak dengan amung lun luk pebunu' teh nacing déi' Arur Merom. Idi denak-denak ieh nemunu' nedeh ineh.

YUSAK 13:6

Idi Ui miak ngusu amung lun luk tudo luun pegkung rat Lebanon, macing déi' Misrepot Maim, idi teh amung lun Sidoni ratnan babpatdeh pa kiung amung lun Israil. Iko miak mabpat babpat ineh maya' kudeng bala Tuhan namu.

YUSAK 19:28

Ebron, Rehob, Hamon, idi Kana, macing déi' Sidon.

YUSAK 21:44

Idi Tuhan nemaré pedo' kuandeh aput bawang ineh, maya' kudeng luk pijani'Neh kuan tepundeh ineh. Idi ratnan amung bunu'deh seburur pana' nateh miak metueh rat nedeh. Amung bunu' ineh pangeh biré Tuhan bang paladdeh.