YUSAK 11:6 - BALA LUK DO'

⁶ Idi kebala Tuhan ni Yusak, “Aleg iko matot nedeh, ngaceku pekak nebpa bang kareb luk kudeng ini Ui ngaté amungdeh ineh kuan lun Israil. Do' iko narad urat tumid amung kudadeh, idi ngeseb amung kerétadeh.”

YUSAK 11:6 Iomraidhean Croise

SEMUIL LUK KEDUEH 8:4

Idi Daud nengaro rat nedeh 1,700 lun luk maya' kuda, idi 20,000 lun luk nalan kukud. Idi Daud nenetek amung urat tumod kuda keréta. Idi ieh nenecan petap kuan meratu keréta mo'.

RACA'-RACA' LUK KEDUEH 6:16

Idi kebala Elisa, “Aleg matot, ngaceku luk ngedengan nekiteh ineh meluun ula'deh ratnan luk ngedengan nedeh.”

INUL LUK KEDUEH 20:16

Pekak nebpa do' muyuh amé' matun nedeh ineh, ngaceku ideh nalan uké rat ungeb Sis. Idi muyuh miak papu' nedeh ineh paped ruan pa busat aco su luk ali-ali déi' Yeruel.

NANI UBUR 46:10

KebalaNeh, “Ugka' pebunu' idi kali' Ui ini Allah, luk meluun rayeh arang amung pupu, idi aput-aput tana'!”

NANI UBUR 46:11

Tuhan luk Melalud idi dengan tau, Allah Yakub ineh libung tau.

NANI UBUR 46:9

Ieh ngagka' bunu' aput-aput tana'; idi Ieh mutul amung gaman idi pelapet, idi ngeseb amung-amung utap!

BALE' 20:7

Samal kuan anak luk inan taman luk mesiri idi luk nganau' luk matu.

YESAYA 30:16

Kebala muyuh, “Kai sikal buro maya' kuda.” Aganeh, buro muyuh! Idi teh kebala muyuh, “Kuda kai mawer.” Setuneh kuda lun luk ngerada' nemuyuh meluun awer!

YESAYA 31:1

Lemulun luk amé' Masir mutuh pedengan miak kumin! Ideh merapet ku tueh baweh Masir luk pelaba rayeh — kuda, keréta, idi lun pebunu' pana'. Iamo na ideh merapet inan Tuhan Allah Israil luk Meligan, idi na ideh mutuh pedengan rat Neneh.

YEHISKIEL 39:9

Lemulun luk tudo bang amung bawang Israil miak amé' ngalap repapeh luk tacin ku kayuh apui. Ideh nganau' apui ratnan utap, binor, ileb, paper, idi busu, tudu' lak kinioneh.

HOSIA 14:3

Asur na miak ngulun nekai, idi keréta bunu' na miak matar nekai. Idi na kai sikal pebala inan akang kai teh, ‘Muyuh ini allah kai.’ O Tuhan, kai ngamo, Iko mo' luk méi' inan anak maté.”

NAHUM 2:13

“Ui ini bunu'mu,” kebala Tuhan luk Melalud. “Ui miak ngeseb amung kerétamu. Amung anak balangmu ineh miak maté bang bunu', idi Ui miak ngalap amung-amung binaweh luk pinomu rat nelun baken. Idi arodmu pana' nateh pedingeren bang tana' ini.”

BADA' RATNAN UKUM 7:16

Idi muyuh miak ngabud amung pupu luk barén Tuhan Allah muyuh nemuyuh. Aleg muyuh méi' nedeh. Idi aleg muyuh sembayang nan allahdeh. Ngaceku ieh ineh mangun ku aceh abpung kuan muyuh.

YUSAK 10:8

Idi kebala Tuhan ni Yusak, “Aleg iko matot nedeh, ngaceku ideh pangeh biréKu namu. Idi seburur pana' nateh metueh rat namu.”

YUSAK 11:5

Idi amung anak itindeh ineh nepamung. Idi ideh nelupo tangeb Arur Merom, pian pebunu' nelun Israil.

YUSAK 11:7

Idi Yusak dengan amung lun luk pebunu' teh nacing déi' Arur Merom. Idi denak-denak ieh nemunu' nedeh ineh.

YUSAK 11:9

Idi Yusak nenganau' kuandeh ineh mepad kudeng luk icuk Tuhan. Idi ieh nenarad urat tumid amung kudadeh, idi nengeseb amung kerétadeh teh.

YUSAK 3:5

Kebala Yusak nelun mula' ineh, “Ngeligan burur muyuh, ngaceku pekak nebpa Tuhan pian nganau' kekamen luk rayeh arang muyuh.”

LUN LUK NGUYUT 20:28

idi Pinihas anak Eliasar luk mupun Arun nematar ineh.) Kebaladeh, “Miak kai amée' pebunu' inan kinanak kai lun Beniamin baruh teh, ku na?” Idi kebala Tuhan, “Amée' mo'. Nebpa Ui marée nemuyuh metueh rat nedeh.”

LUN LUK NGUYUT 7:9

Idi bang dacem ineh teh kebala Tuhan ni Gidion, “Tumui iko, idi amée' ngerieng baweh ineh. Ngaceku Ui pangeh nemarée nedeh bang paladmu.

SEMUIL LUK PUN-PUN 11:9

Idi kebaladeh nelun luk icuk luk pangeh nacing ineh, “Do' muyuh mada' pupu muyuh, pekak nebpa kareb pun mét idang muyuh miak uen ngedengan.” Kareb lun Yabis neninger bala ineh, idi ideh pelaba awang niat.