YUSAK 11:23 - BALA LUK DO'

²³ Idi amung bawang ineh linaya' Yusak, maya' kudeng luk icuk Tuhan ni Musa. Idi Yusak nemaré tana' ineh kuan lun Israil mangun ku babpatdeh maya' inul pupudeh. Idi ideh nugka pebunu' peh.

YUSAK 11:23 Iomraidhean Croise

NEHEMIA 9:24

Ideh nengalap tana' Kanaan, idi nengelaya' pupu bawang ineh. Iko nemaré lalud kuan pupuMu, pad ideh nenganau' luk piandeh kuan pupu idi raca' bawang Kanaan.

NANI UBUR 46:9

Ieh ngagka' bunu' aput-aput tana'; idi Ieh mutul amung gaman idi pelapet, idi ngeseb amung-amung utap!

PURA' 34:11

Do' iko ngimet amung ukum luk bida'Ku namu aco sini. Ui ngusu amung lun Amori, lun Kanaani, lun Hiti, lun Prisi, lun Hiwi, idi lun Yebusi rat pa kiungmu.

YEHISKIEL 45:8

Tana' ini mangun ku babpat lun luk ngimet bang bawang Israil, pad ieh na ngedereh nelun mula' teh, iamo' ieh nima' tana' luk baken mangun ku babpat pupu-pupu Israil.

BADA' RATNAN UKUM 1:38

Iamo' Yusak Nun luk ngedengan namu, miak semuet bang bawang ineh. Do' iko ngetueh neneh, ngaceku ieh luk miak nguyut nelun Israil, pad ideh tebawang su ineh.’

BADA' RATNAN UKUM 25:19

Idi kareb Tuhan Allah muyuh pangeh nengelaya' amung bunu' luk libut-libut muyuh, bang bawang luk barén Tuhan Allah muyuh nemuyuh, idi do' muyuh ngaté amung lun Amalek. Aleg muyuh mekelupan!

YUSAK 11:18

iamo' tuda'-tuda' io ieh nemunu' nedeh.

YUSAK 12:7

Yusak idi lun Israil nengelaya' amung raca' pa acep aco Abpa' Yarden, rat Baal Gad luk luun raked lebanon macing pegkung Halak, luk muneng ku Edom. Yusak nemaré ineh kuan amung inul lun Israil ku babpatdeh maya' inul pupudeh.

YUSAK 18:10

Idi Yusak nenala' udi ngaceku ideh déi' Silo pa kiung Tuhan. Idi tana' ineh teh bibpat Yusak kuan anid-anid pupu lun Israil.

YUSAK 22:4

Idi nekini Tuhan Allah muyuh pangeh nemaré pedo' kuan amung kinanak muyuh, maya' kudeng amung bala Tuhan nedeh. Ngaceku ineh do' muyuh muli' nekini amé' lepo muyuh idi babpat muyuh luk pangeh biré Musa lun duken Tuhan ineh kuan muyuh dipar Abpa' Yarden.

YUSAK 23:1

Mio pangeh ineh, kareb Tuhan Allah pangeh nemaré kuan lun Israil pedo' ratnan amung bunu'deh pekelibut, idi Yusak pana' mengered.