YUSAK 11:20 - BALA LUK DO'

²⁰ Tuhan pangeh nengetueh niatdeh pad ideh nengerieng nelun Israil bang bunu', pad ideh sebuleng pinaté dengan na inan éi' kuandeh, ieh ineh maya' kudeng luk bila Tuhan ni Musa.

YUSAK 11:20 Iomraidhean Croise

SEMUIL LUK KEDUEH 17:14

Idi kebala Absalom idi amung lun Israil ineh, “Bala Usai ineh meluun do' ratnan bala Ahitopel.” Iamo' Tuhan pangeh nengeletep kudeng ineh, ngaceku Ieh pian ngisu' bala Ahitopel luk do' ineh pad Tuhan ngacing dereh kuan Absalom.

RACA'-RACA' LUK PUN-PUN 12:15

Idi na raca' neninger bala lun mula' ineh. Ngaceku isu' ini icing Tuhan, pad Ieh ngacing amung luk pangeh bilaNeh kuan Yerebom Nibat dengan tang Ahiya.

INUL LUK KEDUEH 22:7

Iamo' Allah nenima' ni Ahasia amé' matun Yoram, pad ieh miak ngaté ni Ahasia. Kareb ieh idi déi' idi ieh nemaya' ni Yoram sikal amé' matun Yihu Nimsi, luk pangeh pinili' Tuhan pad ieh ngaté amung inul Akab.

INUL LUK KEDUEH 25:16

Iamo' laba' lun ineh pebala-pebala neneh, idi raca' nepebala, “Pangehké iko kinikit mangun ku lun pegayam inan raca'? Pirud iko pad iko na pitayenku!” Idi nabi ineh pirud. Iamo' kebalaneh teh, “Nekini ui kali' idi Allah pangeh nengeletep niatNeh sikal ngaté namu, ngaceku iko nenganau' kudeng ini, idi teh ngaceku iko na ninger balaku.”

PURA' 10:1

Kebala Tuhan ni Musa, “Amé' iko papu' raca'. Ui pangeh nengetueh niatneh idi niat amung lun tarehneh pana', pad Ui miak nganau' tanu'Ku ini arangdeh,

PURA' 11:10

Musa idi Arun pangeh nenganau' mula' tanu' luk melalud pa kiung raca', iamo' Tuhan nengetueh niatneh pad ieh na nemaré nelun Israil remuat rat bang bawangneh.

PURA' 14:17

Iamo' Ui ngetueh niat lun Masir, pad ideh miak ngerada' nelun Israil, idi ngelaya' raca' Masir idi amung bawehneh, kerétaneh, idi lunneh luk maya' kuda.

PURA' 14:4

Ui ngetueh niat raca' pad ieh miak ngerada' nedeh, idi Ui ngelaya' neneh idi amung bawehneh. Ui sikal ngegala' laludKu, pad lun Masir ineh kali' Ui ini Tuhan.” Idi lun Israil nenganau' maya' kudeng luk bila Tuhan.

PURA' 14:8

Idi Tuhan nengetueh niat raca' Masir, pad ieh nengerada' nelun Israil, kareb ideh nepura' maya' kuyut Tuhan.

PURA' 4:21

Idi kebala Tuhan ni Musa, “Kareb iko lemubed amé' bawang Masir, do' iko nganau' tanu' luk pangeh biréKu namu pa kiung raca'. Iamo' Ui ngetueh niatneh pad ieh na maré pupu ini nalan.

PURA' 9:12

Iamo' Tuhan nengetueh niat raca', pad ieh na ninger bala didueh, maya' kudeng luk bila Tuhan ni Musa.

PURA' 9:16

Iamo' Ui nima' namu mulun, pad iko nier tuehKu, pelé ngadanKu tetanen aput tana' ini.

YESAYA 14:24

Tuhan luk Melalud pangeh nepebulung, “Luk pangeh litepKu miak mangun, idi luk tirawéKu miak ruenKu.

YESAYA 34:2

Tuhan museh nan amung pupu idi amung bawehdeh. Ieh pangeh nengukum nedeh macing maté.

SURAT LUK BIRE PAULUS KUAN LUN RUM 9:18

Ngaceku ineh Allah méi' kuan idé-idé luk pianNeh, idi Ieh ngetueh niat idé-idé luk pianNeh.

BADA' RATNAN UKUM 2:30

“Iamo' Raca' Sihon na nemaré netau lemaba bawangneh. Ngaceku Tuhan Allah muyuh nengetueh niatneh, pad Ieh nemaré neneh bang palad muyuh mepad kudengluk pangeh mangun nekini.

BADA' RATNAN UKUM 7:16

Idi muyuh miak ngabud amung pupu luk barén Tuhan Allah muyuh nemuyuh. Aleg muyuh méi' nedeh. Idi aleg muyuh sembayang nan allahdeh. Ngaceku ieh ineh mangun ku aceh abpung kuan muyuh.

LUN LUK NGUYUT 14:4

Idi taman-tinanneh na kali' Tuhan luk nenguyut Samson nganau' kudeng ineh, ngaceku Tuhan nenakap dalan pebunu' nelun Pilistin. Ngaceku bang kareb ineh lun Pilistin luk nengimet nelun Israil.

SEMUIL LUK PUN-PUN 2:25

Kudeng seburur lemulun mesala' nelun denganneh kali' rungen Allah mutut ukum. Iamo kudeng seburur lemulun mesala' inan Tuhan idéké mangun ku gatum arang didueh?” Iamo' na didueh neninger bala taman didueh. Ngaceku pian Tuhan ngaté nedidueh.