YUSAK 11:15 - BALA LUK DO'

¹⁵ Idi maya' kudeng luk bila Tuhan ni Musa, demulunNeh, kudeng ineh teh luk inau' Yusak. Sebuleng pana' nateh luk linaba ratnan amung bala Tuhan luk ni Musa.

YUSAK 11:15 Iomraidhean Croise

INUL LUK KEDUEH 30:12

Idi Allah nengegio niat lun Yahuda pad ideh sebuleng niat nganau' anun-anun luk icuk raca' idi amung lun rayeh, maya' kudeng luk bila Tuhan.

IAP 33:50

Idi kebala Tuhan ni Musa déi' raked Moab i tangeb Abpa' Yarden déi' Yeriko,

IAP 33:52

do' muyuh ngusu amung lun bang bawang ineh rat pa kiung muyuh idi mila' amung akangdeh luk ratnan batu, idi ngareg amung akangdeh luk inurai, idi ngusag amung su luk inandeh sembayang.

MATIUS 23:23

“Mesusa' kuan muyuh guru-guru Ukum idi lun Parisi! Lun luk siayu! Muyuh maré babpat pulu' ratnan bawing, bua' ladeh, idi kulit kayuh luk mén; iamo' luk meluun rayeh ratnan Ukum Musa, ieh ineh ukum luk matu, éi, idi anu, tican muyuh. Ini luk petulu ruen muyuh, iamo' luk baken ineh pana' aleg necan.

LUKAS 11:42

“Mesusa' kuan muyuh, O lun Parisi! Muyuh maré babpat pulu' ratnan bawing idi karid pét, idi amung-amung irin pana', iamo' muyuh pangeh nengelaba ukum idi awa Allah. Petulu muyuh nganau' amung ineh, iamo' aleg necan luk baken.

KEKAMEN RASUL-RASUL 20:20

Muyuh kali' ratnan ui na nengalum anun-anun luk petulu badén kuan muyuh, kareb ui nemada' idi ngubuk nemuyuh pa kiung lun mula' idi bang ruma'-ruma' muyuh.

KEKAMEN RASUL-RASUL 20:27

Ngaceku na ui nengalum anun-anun, iamo' ui nemada' kuan muyuh amung-amung luk pian Allah.

BADA' RATNAN UKUM 12:32

“Do' maya' amung luk bida'ku nemuyuh.Aleg muyuh ngeluun, idi aleg muyuh ngurang bala ineh.

BADA' RATNAN UKUM 31:3

Idi Tuhan Allah muyuh luk, miak guta pa atun muyuh. Idi Ieh pana' miak ngaté amung pupu ini pa atun muyuh, pad muyuh ngalap bawangdeh. Idi Yusak miak guta pa atun muyuh petulu ku bala Tuhan.

BADA' RATNAN UKUM 31:5

Idi Tuhan miak maré nedeh bang palad muyuh. Idi muyuh pana' miak nganau' kuandeh petulu ku amung ukum luk pangeh bida'ku nemuyuh.

BADA' RATNAN UKUM 31:7

Idi Musa nenawar ni Yusak, kebalaneh neneh pa kiung amung lun Israil, “Do' iko metueh idi mekuu', ngaceku iko miak amé' dengan pupu ini bang bawang luk pangeh pijani' Tuhan nan tepunmu. Do' iko nguyut nedeh ngalap bawang ineh.

BADA' RATNAN UKUM 4:2

Idi aleg muyuh ngeluun aceh bila' balaku ini. Idi aleg muyuh ngurang ineh. Iamo' nginita amung ukum Tuhan Allah muyuh luk bida'ku nemuyuh.

BADA' RATNAN UKUM 4:5

“Idi ui pangeh nemada' nemuyuh amung ukum maya' kudeng luk icuk Tuhan Allahku negku, pad muyuh miak nganau' luk matu, kareb muyuh semuet bang bawang luk inan muyuh miak tebawang.

BADA' RATNAN UKUM 7:2

Idi kareb Tuhan Allah muyuh pangeh nemaré nedeh bang palad muyuh, idi muyuh pangeh nengelaya' nedeh, do' muyuh ngaté amungdeh. Aleg muyuh pejani' nedeh. Idi aleg muyuh méi' nedeh.

YUSAK 1:7

Do' iko metueh idi mekuu', idi mekél maya' amung ukum luk bida' demulunKu Musa namu. Aleg iko umai ratnan ineh, pelé iko inan peruan iapeh-iapeh su luk ulekmu muci.

YUSAK 11:12

Idi amung bawang raca'-raca' ineh ilap Yusak. Idi amung raca'deh pana' tibanneh. Idi ieh nengaté nedeh maya' kudeng luk bila Musa demulun Tuhan ineh.

YUSAK 11:14

Idi amung binaweh bawang ineh idi amung aya'deh inaro lun Israil kuandeh. Iamo' amung lemulun ineh pinatédeh, pad seburur pana' nateh luk mulun.

YUSAK 11:16

Idi Yusak nengelaya' amung bawang ineh, ieh ineh pegkung-pegkung, maput Negeb, idi maput bawang Gosen, idi amung tana', raked, idi Raked Yarden, idi pegkung-pegkung Israil, idi amung tana'deh luk mebeneh,

SEMUIL LUK PUN-PUN 15:11

“Ui nginuud ngaceku i Saul pangeh kinikitKu ku raca'. Ngaceku ieh nelemubed rat Negku, idi na maya' balaKu.” Idi Semuil pelaba susa' niat. Idi ieh nengitang nawar Tuhan kedangan-kedangan ineh.