YUSAK 10:8 - BALA LUK DO'

⁸ Idi kebala Tuhan ni Yusak, “Aleg iko matot nedeh, ngaceku ideh pangeh biréKu namu. Idi seburur pana' nateh metueh rat namu.”

YUSAK 10:8 Iomraidhean Croise

RACA'-RACA' LUK PUN-PUN 20:13

Idi inan aceh nabi luk iné' matun ni Akab raca' lun Israil, kebalaneh, “Kudeng ini bala Tuhan, ‘Aleg matot ku baweh luk rayeh ineh. Ngaceku aco sini teh Ui maré nedeh bang paladmu, pad iko kali' Ui ini mo' Tuhan.’ ”

SURAT LUK BIRE PAULUS KUAN LUN RUM 8:31

Ngaceku ineh anunké luk belén tau nekini? Kudeng Allah ngedengan netau, idéké luk miak metueh rat netau?

BADA' RATNAN UKUM 3:2

Iamo' kebala Tuhan negku, ‘Aleg iko matot neneh, ngaceku Ui pangeh nemaré neneh bang paladmu perapu amung anak itinneh, idi amung bawangneh teh. Idi do' iko ngaté neneh mepad kudeng iko nengaté ni Sihon, raca' lun Amori, luk tudo déi' Hesbon.’

BADA' RATNAN UKUM 7:24

Idi raca'-raca'deh ineh miak barén bang palad muyuh, idi muyuh pana' miak nala' ngadandeh rat pa liang langit. Seburur pana' nateh miak tuman pa kiung muyuh, pad muyuh ngaté amungdeh.

YUSAK 10:25

Idi kebala Yusak nedeh, “Aleg muyuh mator idi megegker. Do' muyuh metueh idi mekuu'. Ngaceku kudeng ineh ayu kekamen Tuhan muci kuan amung bunu' muyuh.”

YUSAK 10:9

Idi Yusak nenalan rat Gilgal kedangan-kedangan ineh iné' ngedenak nedeh.

YUSAK 11:6

Idi kebala Tuhan ni Yusak, “Aleg iko matot nedeh, ngaceku pekak nebpa bang kareb luk kudeng ini Ui ngaté amungdeh ineh kuan lun Israil. Do' iko narad urat tumid amung kudadeh, idi ngeseb amung kerétadeh.”

YUSAK 8:1

Kebala Tuhan ni Yusak, “Aleg iko matot, idi aleg megegker, lapenmu amung lun pebunu' idi nalan amé' bawang Ai. Ui maré raca' Ai idi amung anak itinneh, bawangneh, idi tana'neh kuanmu.

LUN LUK NGUYUT 6:16

Idi kebala Tuhan neneh, “Iko miak nganau' kudeng ineh, ngaceku Ui miak ngedengan namu. Iko miak ngelaya' nelun Midian, mepad kudeng ngelaya' seburur lemulun.”

LUN LUK NGUYUT 7:9

Idi bang dacem ineh teh kebala Tuhan ni Gidion, “Tumui iko, idi amée' ngerieng baweh ineh. Ngaceku Ui pangeh nemarée nedeh bang paladmu.

SEMUIL LUK PUN-PUN 17:47

Idi amung lemulun ini miak kali' kudeng apeh lawé Tuhan ngedengan pupuNeh, baken dengan pelapet, idi baken dengan busu, iamo' bunu' ineh Tuhan kuan. Idi Ieh teh miak maré nemuyuh bang palad kai.”