YUSAK 10:40 - BALA LUK DO'

⁴⁰ Idi Yusak nengaro amung bawang ineh, do' luk luun pegkung, idi luk déi' Negeb, idi luk luun raked, idi luk iang pegkung pana'. Idi ieh nengaté raca'deh dengan amung lun luk bang bawang-bawang ineh. Seburur pana' nateh luk mulun, mepad kudeng luk icuk Tuhan Allah lun Israil ineh.

YUSAK 10:40 Iomraidhean Croise

RACA'-RACA' LUK PUN-PUN 15:29

Idi ieh petacu nengaté amung lun bang tetek ruma' Yerebom. Seburur pana' nateh inulunneh ratnan amung lun Yerebom ineh, maya' kudeng bala Tuhan luk pangeh bida' dengan tang demulunNeh, Nabi Ahiya lun Silo ineh.

NEHEMIA 9:24

Ideh nengalap tana' Kanaan, idi nengelaya' pupu bawang ineh. Iko nemaré lalud kuan pupuMu, pad ideh nenganau' luk piandeh kuan pupu idi raca' bawang Kanaan.

NANI UBUR 9:17

Kekiped lemulun luk dat, ieh ineh até, ngaceku ideh ara' inan Allah.

PURA' 34:12

Aleg perurum nelun luk bang bawang luk ulek muyuh ineh, pad ideh na mangun ku aceh abpung kuanmu.

IAP 13:17

Kareb Musa nengecuk nedeh nalan, idi kebalaneh nedeh, “Do' muyuh nalan rat ieni amé' Negeb idi uké pegkung,

BADA' RATNAN UKUM 1:7

Idi do' muyuh nalan rat ieni amé luun pegkung lun Amori, idi amé' dengandeh luk tudo déi' luun Raked Yarden, do' luk luun raked, do' luk luun pegkung idi luk déi' Negeb, idi luk tudo déi' tangeb Abpa' Rayeh, ieh ineh amung tana' lun Kanaani idi Lebanon, macing abpa' luk rayeh, ieh ineh Abpa' Pirat.

BADA' RATNAN UKUM 2:34

Kareb ineh tau nengalap amung bawangneh. Idi tau nengusag amung bawangdeh idi nengaté amung lun deléi idi decur, idi amung anakdeh. Seburur pana' nateh neketecan.

BADA' RATNAN UKUM 7:24

Idi raca'-raca'deh ineh miak barén bang palad muyuh, idi muyuh pana' miak nala' ngadandeh rat pa liang langit. Seburur pana' nateh miak tuman pa kiung muyuh, pad muyuh ngaté amungdeh.

YUSAK 10:35

Idi ideh nengelaya' bawang ineh kareb aco sineh teh. Idi ideh nengaté amung lun luk tudo bang bawang ineh, mepad kudeng amung luk inau' Yusak déi' Lakis.

YUSAK 10:37

Idi ideh nengaro bawang ineh idi nengaté raca'neh idi amung lun bang bawang ineh, idi amung luk muneng ku bawang ineh teh. Seburur pana' nateh luk mulun, mepad kudeng luk inau' Yusak kuan Eglon.

YUSAK 10:39

Idi ideh nengaro bawang ineh idi nengaté raca'neh idi amung lun bang bawang ineh, idi luk muneng ku bawang ineh teh. Seburur pana' nateh luk mulun déi' Debir mepad kudeng luk pangeh inau' Yusak kuan Hebron idi Libna dengan raca'deh.

YUSAK 11:16

Idi Yusak nengelaya' amung bawang ineh, ieh ineh pegkung-pegkung, maput Negeb, idi maput bawang Gosen, idi amung tana', raked, idi Raked Yarden, idi pegkung-pegkung Israil, idi amung tana'deh luk mebeneh,

YUSAK 12:8

Tana' luk bibpat Yusak, ieh ineh pegkung-pegkung, tana' raked, Raked Yarden, iang pegkung-pegkung, su luk ali-ali, idi Negeb. Tana' ini, ieh ineh bawang lun Hiti, lun Amori, lun Kanaani, lun Prisi, lun Hiwi, idi lun Yebusi.

YUSAK 18:21

Idi bawang-bawang inul Beniamin maya' tetek ruma'deh, ieh ineh Yeriko, Bait Hogla, Emek Kasis,

YUSAK 6:17

Idi bawang ineh uen ngusag ngaceku Tuhan, do' bawangdeh idi amung luk bang ineh. Iamo' do' Rahab, decur luk mesawa' ineh dengan lun luk bang tetek ruma'neh uen ngulun. Ngaceku ieh nengapung lun luk iné' nier luk pangeh icuk tau.

YUSAK 8:2

Do' iko nganau' kuan bawang Ai idi kuan raca'neh mepad kudeng luk inau'mu kuan bawang Yeriko idi kuan raca'neh. Iamo' binaweh luk inaro idi amung aya'deh pana' miak iko ngaro kuan burur muyuh. Do' iko ngecuk tuda'-tuda' lun temina' ngabang pa keted bawang ineh.”

YUSAK 8:27

Iamo' amung pung idi repapeh binaweh bawang ineh inaro lun Israil kuandeh, maya' kudeng luk bila Tuhan ni Yusak.

YUSAK 9:24

Idi kebala lun Gibion ineh ni Yusak, “O tuan, kai nenganau' kudeng ineh ngaceku kai nesibada' ratnan bala Tuhan Allah muyuh ni Musa, ratnan Ieh pian maré aput tana' ini nemuyuh, idi pian ngaté amung lun luk mudeng bang bawang ini pa kiung muyuh, pad kai pelaba tot pitayen muyuh.