YUSAK 10:39 - BALA LUK DO'

³⁹ Idi ideh nengaro bawang ineh idi nengaté raca'neh idi amung lun bang bawang ineh, idi luk muneng ku bawang ineh teh. Seburur pana' nateh luk mulun déi' Debir mepad kudeng luk pangeh inau' Yusak kuan Hebron idi Libna dengan raca'deh.

YUSAK 10:39 Iomraidhean Croise

RACA'-RACA' LUK KEDUEH 10:11

Idi Yihu nengaté amung pupu Akab luk tudo déi' Yesril, idi amung tarehneh, amung rurumneh, idi amung imamneh, pad seburur pana' nateh luk ketecan.

OBADIA 1:18

“Pupu Yakub idi Yusup mepad kudeng apui; ideh miak ngaté nelun pupu Esau, mepad kudeng apui luk ngeseb geramih. Seburur pana' rat arang inul Esau nateh luk mulun. Ui ini Tuhan luk pangeh nepebala.

BADA' RATNAN UKUM 3:3

“Idi Tuhan Allah tau nemaré Og, raca' Basan, idi amung anak itinneh pana' bang palad tau. Idi tau nepebunu' nedeh, pad seburur pana' nateh luk neketecan.

YUSAK 10:33

Idi kareb ineh nacing Horam, raca' Giser ineh, pian ngedengan lakis, Iamo' Yusak nengelaya' neneh idi anak itinneh, pad seburur pana' nateh luk mulun.

YUSAK 10:37

Idi ideh nengaro bawang ineh idi nengaté raca'neh idi amung lun bang bawang ineh, idi amung luk muneng ku bawang ineh teh. Seburur pana' nateh luk mulun, mepad kudeng luk inau' Yusak kuan Eglon.

YUSAK 10:38

Idi Yusak dengan bawehneh nelemubed iné' Debir, idi ideh nengerieng nedeh.

YUSAK 10:40

Idi Yusak nengaro amung bawang ineh, do' luk luun pegkung, idi luk déi' Negeb, idi luk luun raked, idi luk iang pegkung pana'. Idi ieh nengaté raca'deh dengan amung lun luk bang bawang-bawang ineh. Seburur pana' nateh luk mulun, mepad kudeng luk icuk Tuhan Allah lun Israil ineh.

YUSAK 11:8

Idi Tuhan nemaré nedeh bang palad lun Israil. Idi ideh nengelaya' idi nengerada' nedeh macing déi' Sidon, idi Misrepot Maim pa busat aco, idi déi' Mispa pana'. Idi ideh nepebunu' nedeh, pad seburur pana' nateh luk mulun.

YUSAK 12:13

raca' Debir, raca' Geder,

SEMUIL LUK PUN-PUN 15:3

Idi nekini do' iko amé' ngelaya' nelun Amalek ineh, idi ngaté amung-amung luk nedeh, idi aleg méi' nedeh. Do' ngaté amung-amung deléi, decur, do' anak isuut idi anak luk niti' pana', sapi' idi amék, unta idi keladai.”

SEMUIL LUK PUN-PUN 15:8

Idi ieh nenganep ni Agag raca' lun Amalek ineh mulun, iamo' amung bawehneh pinatédeh.