YUSAK 10:32 - BALA LUK DO'

³² Idi Tuhan nemaré' Lakis teh kuan lun Israil. Idi Yusak nengelaya' nedeh bang aco luk kedueh. Ieh nemunu' nedeh idi nengaté amung lun luk mudeng bang bawang ineh, mepad kudeng amung luk pangeh inau'neh kuan Libna.

YUSAK 10:32 Iomraidhean Croise

PURA' 17:13

Idi Yusak nengelaya' nelun Amalek.

YESAYA 37:8

Kareb lun rayeh rat Asur ineh neninger bala ratnan raca' Asur pangeh nenalan rat Lakis idi pebunu' muneng ku bawang Libna, idi ieh iné' ngitun neneh.

BADA' RATNAN UKUM 7:2

Idi kareb Tuhan Allah muyuh pangeh nemaré nedeh bang palad muyuh, idi muyuh pangeh nengelaya' nedeh, do' muyuh ngaté amungdeh. Aleg muyuh pejani' nedeh. Idi aleg muyuh méi' nedeh.

YUSAK 10:28

Idi aco sineh teh Yusak nengaro bawang Makeda, idi ieh nengaté raca' idi lun luk bang bawang ineh. Idi seburur pana' nateh luk mulun. Idi ieh nenganau' kuan raca' Makeda ineh mepad kudeng luk inau'neh kuan raca' Yeriko.

YUSAK 10:31

Pangeh ineh Yusak nenalan rat Libna iné' Lakis. Idi amung lun Israil teh nemaya' neneh, idi nengelibut bawang ineh, idi ideh nemunu' nedeh.

YUSAK 10:33

Idi kareb ineh nacing Horam, raca' Giser ineh, pian ngedengan lakis, Iamo' Yusak nengelaya' neneh idi anak itinneh, pad seburur pana' nateh luk mulun.

YUSAK 11:12

Idi amung bawang raca'-raca' ineh ilap Yusak. Idi amung raca'deh pana' tibanneh. Idi ieh nengaté nedeh maya' kudeng luk bila Musa demulun Tuhan ineh.