YUSAK 10:30 - BALA LUK DO'

³⁰ Idi Tuhan nemaré bawang ineh dengan raca'neh kuan lun Israil. Idi ideh nengaté amung lun luk mudeng bang bawang ineh. Idi Yusak nenganau' kuan raca' Libna mepad kudeng tau'neh kuan raca' Yeriko.

YUSAK 10:30 Iomraidhean Croise

RACA'-RACA' LUK KEDUEH 10:11

Idi Yihu nengaté amung pupu Akab luk tudo déi' Yesril, idi amung tarehneh, amung rurumneh, idi amung imamneh, pad seburur pana' nateh luk ketecan.

IAP 32:22

Idi kudeng bawang ineh pangeh linaya' tu-tu pa kiung Tuhan, pangeh ineh idi teh muyuh miak lemubed, idi muyuh mepuit ratnan jani' muyuh inan Tuhan idi nelun Israil. Idi tana' ini pana' miak mangun ku babpat muyuh pa kiung Tuhan.

BADA' RATNAN UKUM 2:33

Idi Tuhan Allah tau nemaré neneh bang palad tau. Idi tau nengaté ni Sihon, idi anak-anakneh idi amung anak itinneh.

BADA' RATNAN UKUM 7:2

Idi kareb Tuhan Allah muyuh pangeh nemaré nedeh bang palad muyuh, idi muyuh pangeh nengelaya' nedeh, do' muyuh ngaté amungdeh. Aleg muyuh pejani' nedeh. Idi aleg muyuh méi' nedeh.

YUSAK 10:28

Idi aco sineh teh Yusak nengaro bawang Makeda, idi ieh nengaté raca' idi lun luk bang bawang ineh. Idi seburur pana' nateh luk mulun. Idi ieh nenganau' kuan raca' Makeda ineh mepad kudeng luk inau'neh kuan raca' Yeriko.

YUSAK 10:29

Idi Yusak petacu nenalan rat Makeda iné' Libna. Idi amung lun Israil teh nemaya' neneh, idi ideh nengerieng nelun Libna.

YUSAK 10:31

Pangeh ineh Yusak nenalan rat Libna iné' Lakis. Idi amung lun Israil teh nemaya' neneh, idi nengelibut bawang ineh, idi ideh nemunu' nedeh.

YUSAK 11:12

Idi amung bawang raca'-raca' ineh ilap Yusak. Idi amung raca'deh pana' tibanneh. Idi ieh nengaté nedeh maya' kudeng luk bila Musa demulun Tuhan ineh.

YUSAK 12:15

raca' Libna, raca' Adulam,

YUSAK 8:24

Idi lun Israil nengaté amung lun bang bawang Ai luk mado déi' su luk ali-ali su luk inandeh nengerada' nedeh ineh. Idi amung lun Israil nelemubed iné' bawang Ai, idi nengaté lun bang bawang ineh.

YUSAK 8:29

Idi ieh nengekito raca' Ai ineh nan sepekatu kayuh macing kareb malem. Kareb aco macep Yusak nengecuk ngerurut butungneh ratnan kayuh ineh. Idi butung ineh pipetdeh pa atun tanga' bawang ineh. Idi ideh nenaped pa luunneh aceh perupun batu luk rayeh luk idi su ineh macing aco sini.

YUSAK 9:3

Kareb lun bawang Gibion kali' ratnan luk inau' Yusak déi' Yeriko idi bawang Ai,