YUSAK 10:24 - BALA LUK DO'

²⁴ Kareb ideh pangeh nenguit raca'-raca' ineh remuat amé' ni Yusak, idi Yusak nenawar amung lun Israil tebubpun. Idi kebalaneh kuan amung lun rayeh lun pebunu' luk pangeh nenalan maya' neneh, “Amé' muyuh ngerareng kukud muyuh luun batang dier raca'-raca' ini.” Idi ideh nenganau' kudeng ineh.

YUSAK 10:24 Iomraidhean Croise

SEMUIL LUK KEDUEH 22:39

Ui narad idi ideh na miak tumui, pad ideh telubid iring kukudku.

SEMUIL LUK KEDUEH 22:41

Iko ngusu bunu'ku rat negku. Ui ngaté lemulun luk megateh negku.

NANI UBUR 107:40

idi Ieh nengegala' gatehNeh kuan lemulun luk ngedereh nedeh, idi nenganau' nedeh meraruh déi' su luk ali-ali.

NANI UBUR 110:1

Kebala Tuhan kuan Raca'ku, “Tudo pa tinuehKu, pad Ui nganau' bunu'Mu pa liang kukudMu.

NANI UBUR 110:5

Tuhan ineh pa tinuehMu; idi Ieh miak ngelaya' amung raca' kareb Ieh museh.

NANI UBUR 18:40

Iko ngusu bunu'ku rat negku, ui ngaté lemulun luk megateh negku.

NANI UBUR 91:13

Iko miak ngeradu' balang luk mesangit, idi menipeh luk megalih ticuk.

YESAYA 51:23

Ui maré ineh kuan lemulun luk ngedereh nemuyuh, idi luk nenganau' nemuyuh telubid iring dalan idi luk nengeradu' nemuyuh mepad kudeng abuh.”

MALAKI 4:3

Muyuh miak metueh ratnan lemulun luk dat; ideh mepad kudeng abuh riduen muyuh kareb aco luk inanKu ngacing ukum.

SURAT LUK BIRE PAULUS KUAN LUN RUM 16:20

Idi Allah, luk lawa awang ineh, sikal ngeradu' Sétan ineh dengan mesaget pa liang lengayan kukud muyuh. Idi do' katu Tuhan tau Yésus Keristus ngedengan nemuyuh.

BADA' RATNAN UKUM 33:29

O Israil iko pelaba samal! Idé luk mepad kudeng iko? Iko aceh pupu luk inuli' Tuhan. Ieh ineh utap luk ngedengan namu, idi pelapet luk maré namu metueh! Amung bunu'mu miak ngebeneh bururdeh namu, idi iko miak ngeradu' suruddeh luk medita'.

IBERANI 1:13

Melaikat sapehké luk inanNeh nepebala, “Tudo Iko pa tinuehKu, pad Ui ngebeneh bunu'-bunu'Mu mangun ku tapin kukudMu?”

LUN LUK NGUYUT 8:20

Idi keburi' Gidion ni Yeter, anak deléeineh luk rayeh, “Amée' iko ngatée nedidueh.” Iamo' anak ineh matot ngangat pelapetneh ngaceku ieh isuut.