YUSAK 10:20 - BALA LUK DO'

²⁰ Yusak idi amung lun Israil nengaté nedeh, idi amung lemulun luk na pinaté ineh neburo idi nesemuet bang libung bawang.

YUSAK 10:20 Iomraidhean Croise

SEMUIL LUK KEDUEH 20:6

Idi kebala Daud ni Abisai, “Nekini Siba Bikri ineh miak nganau' dat kuan tau meluun ratnan Absalom. Lapenmu amung lun dukenku idi ngerada' neneh, pelé ieh na miak ngala bawang luk linibung meraben, idi nganau' dereh kuan tau.”

RACA'-RACA' LUK PUN-PUN 20:21

Idi raca' Akab pana' neremuat, idi nengalap kuda idi kerétadeh. Idi ieh nengelaya' nelun Siria ineh.

INUL LUK KEDUEH 13:17

Idi Abia idi bawehneh ineh nengelaya' nedeh. Idi 500,000 lun Israil luk mesangit pinatédeh.

YEREMIA 4:5

Nateg tawak muyuh, anid-anid bawang! Idi nawar dengan rayeh arod! Ngecuk nelun Yahuda buro amé' bawang luk meraben libung, idi lun Yerusalim buro amé' Pegkung Sion.

YEREMIA 8:14

“Ngudeh tau ungeng?” Kebala pupu Allah, “Do' tau miket amé' bawang luk linibung pad maté déi'. Tuhan Allah tau pangeh nemaré ukum maté kuan tau. Ieh pangeh nemaré abpa' luk megalih rupen tau, ngaceku tau nenganau' sala' pa kiungNeh.

BADA' RATNAN UKUM 20:16

“Iamo' bang bawang pupu ini luk barén Tuhan Allah nemuyuh, do' muyuh ngaté anun-anun luk nginiat.

YUSAK 10:10

Idi Tuhan nengagau nedeh pa kiung amung lun Israil, pad mula' rat arangdeh pinaté déi' Gibion, idi ideh pirada' seruked dalan uké Bait Haran, idi lun Israil nengaté nedeh pad macing déi' Aseka idi déi' Makeda.

YUSAK 10:19

Iamo' aleg muyuh nganér su ineh. Do' ngerada bunu' muyuh, idi ngerieng nedeh. Aleg maré nedeh semuet bang bawangdeh. Ngaceku Tuhan Allah muyuh pangeh nemaré nedeh kuan muyuh.

YUSAK 10:21

Idi baweh ineh nelemubed dengan do' iné' su luk inandeh nelupo matun ni Yusak déi' Makeda. Idi seburur pana' nateh mekuu' ngedat seburur pana' rat arang amung lun Israil.

YUSAK 11:12

Idi amung bawang raca'-raca' ineh ilap Yusak. Idi amung raca'deh pana' tibanneh. Idi ieh nengaté nedeh maya' kudeng luk bila Musa demulun Tuhan ineh.

YUSAK 11:8

Idi Tuhan nemaré nedeh bang palad lun Israil. Idi ideh nengelaya' idi nengerada' nedeh macing déi' Sidon, idi Misrepot Maim pa busat aco, idi déi' Mispa pana'. Idi ideh nepebunu' nedeh, pad seburur pana' nateh luk mulun.

YUSAK 8:24

Idi lun Israil nengaté amung lun bang bawang Ai luk mado déi' su luk ali-ali su luk inandeh nengerada' nedeh ineh. Idi amung lun Israil nelemubed iné' bawang Ai, idi nengaté lun bang bawang ineh.