YUSAK 10:13 - BALA LUK DO'

¹³ Idi mateh aco pana' nugka' idi bulan pana' lutep, pad lun mula' ineh pangeh nengua' kuan bunu'deh. Bakenké dalan ini inayud bang Surat Yasar? Idi mateh aco pana' nugka' uned langit, idi ieh na macep ruked aco ineh.

YUSAK 10:13 Iomraidhean Croise

SEMUIL LUK KEDUEH 1:18

Idi ieh nengecuk nedeh mada' tido ineh kuan lun Yahuda. (Idi nani ineh inayud bang Surat Yasar.)

RACA'-RACA' LUK KEDUEH 20:10

Idi kebala Hesekia, “Malé mo' aca' ineh amé' pa atun pulu' ngakang. Aleg nganau' kudeng ineh. Iamo' do' aca' ineh lemubed amé' pa puet pulu' ngakang.”

ESTER 8:13

Ineh ginala' mangun ku ukum bang anid-anid babpat, pelé lun Yahudi temina' matar bururdeh ratnan bunu'deh bang aco sineh.

AYUB 9:7

Allah miak mebpeng aco pad ieh na masat, idi gituen pana' pad ideh na merasat.

NANI UBUR 148:3

Ngubur Neneh, O aco idi bulan, ngubur Neneh, O gituen luk merasat!

NANI UBUR 19:4

Iamo' baladeh mepiar aput-aput tana'. Allah nemudut lepo kuan aco déi' langit,

YESAYA 24:23

Bulan amé' medacem, idi mateh aco na macang peh, ngaceku Tuhan luk Melalud mangun ku raca'. Ieh miak ngimet déi' Yerusalim luun Pegkung Sion idi lun rayeh-rayeh pupuNeh miak kali' uburNeh.

YESAYA 38:8

Idi Tuhan miak ngelubed aca amé' pulu' ngakang pa puet luun luk ku etu lawé aco luk inau' Akas. Idi Tuhan nengelubed aca' ineh amé' pulu' ngakang.

YOEL 2:10

Tana' idi langit megegker pa atundeh . Aco idi bulan medacem, idi gituen pana' na macang.

YOEL 2:31

Aco miak medacem, idi bulan mesia' kudeng dara', kareb nateh aco Tuhan luk rayeh luk inan matot ineh macing.

YOEL 3:15

Aco' idi bulan medacem, idi gituen pana' na macang.

HABAKUK 3:11

Kareb ilebMu mesilo, idi busuMu merasat, aco idi bulan nungeng.

IAP 21:14

Ini punneh pangeh bida' bang Surat Bunu' Tuhan, ratnan “Waheb déi' Supa idi Abpa' Arnon

IAP 31:2

“Ngua' dereh lun Israil luk inau' lun Midian. Pangeh ineh idi iko miak maté.”

MATIUS 24:29

“Idi kareb pangeh dereh ineh, petacu mateh aco medacem, bulan pana' na maré acangneh, gituen-gituen merurug rat bang langit, idi amung-amung lalud luk déi' langit ineh pana' mebubuh teh.

MATIUS 5:45

pad muyuh mangunk u anak-anak Taman muyuh luk bang surga. Ngaceku Ieh maré acoNeh merasat kuan lemulun luk dat idi luk do', idi Ieh maré udan kuan lemulun luk matu idi lemulun luk na matu teh.

LUKAS 18:7

Naké Allah miak, ngedengan anid-anid lemulun luk pinili'Neh luk nawar Neneh tebaco kedangan? Miakké Ieh nginiuk ngedengan nedeh?

KEKAMEN RASUL-RASUL 2:20

mateh aco mangun medacem, idi bulan mesia' kudeng dara', kareb nateh Aco Tuhan macing, ieh ineh aco luk rayeh idi luk meligan teh.

YUSAK 10:11

Kareb ideh upun matot nelun Israil, maya' dalan luk musul rat Bait Horon amé' Aseka, idi Tuhan nemaré udan batu, pad ideh naté. Idi lun luk naté neketukan udan batu ineh meluun ula' ratnan lun luk pinaté lun Israil ku pelapet.

YUSAK 10:14

Idi na luk idi aco kudeng ineh atun idi muci, kareb Tuhan nemaya' bala selemulun kudeng ineh, ngaceku Tuhan pebunu' libal lun Israil.

BALA LUK LINIO 21:23

Idi bawang ineh na makai mateh aco idi bulan pana', ngaceku rasat Allah luk ngacang neneh, idi Anak Dumba ineh mangun ku lapungneh.

BALA LUK LINIO 6:10

Ideh nengitang, kebaladeh, “O Tuhan luk Melalud, meligan idi matu! Tuda' io teh kareb nateh Iko ngelio lemulun bang tana' ini idi ngukum nedeh ngaceku ideh nengaté nekai?”

BALA LUK LINIO 6:12

Idi ui nenier Anak Dumba nengukab etu luk keanem ineh. Idi inan ruyuh tana' luk rayeh, idi mateh aco pana' mangun mitem, mepad kudeng kibung guni luk mekara urat, idi bulan mangun mesia' mepad kudeng dara'.

BALA LUK LINIO 8:12

Idi melaikat luk keapat ineh nengiup serupitneh, idi sebabpat ratnan teluh babpat mateh aco bibpet, idi sebabpat ratnan teluh babpat bulan, idi sebabpat ratnan teluh babpat gituen-gituen, pad sebabpat ratnan teluh babpat ineh medacem peh, pad sebabpat ratnan teluh babpat acang aco ineh na luk idi acang, idi dacem pana' kudeng ineh teh.

LUN LUK NGUYUT 16:28

Idi Samson nesembayang, kesembayangneh, “O Tuhan Allah, do' ngerawée negku, idi ngetueh negku sekua' ini mo', O Allahku, pad ui miak ngua' kuan lun Pilistin ku ideh nenakul matehku.”

LUN LUK NGUYUT 5:2

“Ngubur Tuhan! Lun rayeh Israil geregan pebunu'; idi anak itin pana' inée' dengan mawang niat!