YUSAK 10:10 - BALA LUK DO'

¹⁰ Idi Tuhan nengagau nedeh pa kiung amung lun Israil, pad mula' rat arangdeh pinaté déi' Gibion, idi ideh pirada' seruked dalan uké Bait Haran, idi lun Israil nengaté nedeh pad macing déi' Aseka idi déi' Makeda.

YUSAK 10:10 Iomraidhean Croise

SEMUIL LUK KEDUEH 22:15

Ieh nemayung busu-busuNeh, pad bunu'Neh neburo, idi Ieh nengeruat kilep taca-taca, pad bunu' ineh nepatad.

RACA'-RACA' LUK PUN-PUN 9:17

Idi Raca' Selimun nemudut Giser baruh.) Selimun nemudut Bait Horon luk pa lod ineh teh,

INUL LUK KEDUEH 14:12

Idi Tuhan nengelaya' nelun Sudan ineh pa kiung Asa, idi lun Yahuda, pad lun Sudan ineh neburo.

INUL LUK KEDUEH 25:13

Iamo' amung lun Israil luk pangeh icuk Amasia lemubed ineh, pelé ideh na maya' neneh amé' pebunu', ideh nemunu' tuda'-tuda' bawang Yahuda, rat Samaria macing déi' Bait Horon, idi ideh nengaté 3,000 burur. Idi ideh nenaban mula' binaweh.

NANI UBUR 18:14

Ieh nemayung gaman-gamanNeh, idi bunu'Neh neburo, idi Ieh nengeruat kilep taca-taca pad bunu'Neh nepatad.

NANI UBUR 44:3

Na ideh nengaro bawang ineh ku pelapetdeh, idi na nengalap neneh dengan tuehdeh sebuleng, iamo' dengan lalud idi tuehMu, idi ngaceku ideh kali' pedengan idi awaMu nedeh.

NANI UBUR 68:14

Kareb Allah luk Melalud nengatad amung raca' luun Pegkung Salmon, Ieh nemaré salju nebpeh su ineh.

NANI UBUR 78:55

Ieh nengusu lun luk bang bawang ineh, kareb pupuNeh nacing; Ieh nemabpat tana' ineh kuan amung pupu lun Israil, idi nenima' nedeh tebawang déi'.

YESAYA 28:21

Tuhan miak munu' mepad kudeng luk inau'Neh déi' Pegkung Perasim idi déi' luun Raked Gibion; pad ngacing luk pianNeh, pelé lemulun miak mawa nier kekamenNeh. Ieh miak ngeriput kekamenNeh. Idi kekamenNeh ineh baken ratnan luk pekalai.

YESAYA 30:30

Tuhan miak nima' amung lemulun ninger arodNeh luk buren, idi kali' tueh usehNeh. Inan budung apui, libuleh, udan batu, idi udan luk mula'.

YEREMIA 34:7

kareb baweh raca' Babil uned ngerieng bawang ineh idi bawang Lakis idi bawang Aseka, ieh ineh dueh bawang Yahuda luk ketecan luk linibung teh.

SEKARIA 14:3

Idi Tuhan miak amé' munu' amung pupu ineh, maya' kudeng luk inau'Neh rat mon.

BADA' RATNAN UKUM 7:23

Iamo' Tuhan miak maré bunu' ineh bang palad muyuh, idi ngagap nedeh pad ideh mabud maté.

YUSAK 10:11

Kareb ideh upun matot nelun Israil, maya' dalan luk musul rat Bait Horon amé' Aseka, idi Tuhan nemaré udan batu, pad ideh naté. Idi lun luk naté neketukan udan batu ineh meluun ula' ratnan lun luk pinaté lun Israil ku pelapet.

YUSAK 10:28

Idi aco sineh teh Yusak nengaro bawang Makeda, idi ieh nengaté raca' idi lun luk bang bawang ineh. Idi seburur pana' nateh luk mulun. Idi ieh nenganau' kuan raca' Makeda ineh mepad kudeng luk inau'neh kuan raca' Yeriko.

YUSAK 10:9

Idi Yusak nenalan rat Gilgal kedangan-kedangan ineh iné' ngedenak nedeh.

YUSAK 11:8

Idi Tuhan nemaré nedeh bang palad lun Israil. Idi ideh nengelaya' idi nengerada' nedeh macing déi' Sidon, idi Misrepot Maim pa busat aco, idi déi' Mispa pana'. Idi ideh nepebunu' nedeh, pad seburur pana' nateh luk mulun.

YUSAK 12:16

raca' Makeda, raca' Baitel,

YUSAK 15:35

Yarmut, Adulam, Soko, Aseka,

YUSAK 15:41

Gederot, Bait Dagon, Naama, idi Makeda: Amung bawang ineh pulu' anem perapu ku babpatdeh.

YUSAK 16:3

idi amé pa acep aco lemaba tana' lun Yapleti macing pa lod Bait Horon, idi lemaba Giser, idi kekiped lakan ineh pa Abpa' Rayeh.

YUSAK 16:5

Idi ini lakan tana' inul Epraim maya' tetek ruma'deh: lakan tana' luk pa busat aco, ieh ineh Atarot Adar macing déi' Bait Horon pa dayeh.

YUSAK 21:22

Kibsaim, idi Bait Horon perapu ku laman, ieh ineh apat bawang.

LUN LUK NGUYUT 4:15

Kareb Barak idi bawehneh nacing, idi Tuhan nengagau ni Sisera dengan bawehneh idi keréetaneh, idi Sisera netemurun rat bang keréetaneh, idi nupun buro.

LUN LUK NGUYUT 4:16

Idi Barak nengerada' amung keréeta idi bawehneh ineh macing déei' Haroset Bawang Lun Pupu Baken. Idi amung baweh Sisera ineh pinatée, pad seburur pana' nateh luk ketecan.

LUN LUK NGUYUT 5:20

Idi gituen pana' nepebunu' ni Sisera rat déei' langit.

SEMUIL LUK PUN-PUN 13:18

Idi aceh babpat nemaya' dalan amé' Bait Horon. Idi aceh babpat nemaya' dalan amé' lakan bawang luk petutup Ruan Seboim déi' su luk ali-ali.

SEMUIL LUK PUN-PUN 17:1

Idi lun Pilistin nepamung sikal pebunu' déi' Suko luk bang babpat Yahuda. Idi ideh nelupo arang Suko dengan Aseka, ieh ineh Lakan Dara'.