YUSAK 10:1 - BALA LUK DO'

¹ Idi Adonisadak, raca' Yerusalim, nekali' idi bawang Ai pangeh inaro idi inusag Yusak, idi raca'neh pangeh pinaté, mepad kudeng luk inau' kuan Yeriko idi kuan raca'neh. Idi teh ieh nekali' amung lun Gibion pangeh nepedo' nelun Israil, idi ideh tudo arangdeh.

YUSAK 10:1 Iomraidhean Croise

PUDUT 14:18

Idi Melkisadak raca' Salem nenguit ruti idi abpa' anggur kuan Abram, ngaceku ieh ineh imam Allah luk Meluun Dita'.

IBERANI 7:1

Melkisedek ineh raca' Salem idi imam Allah luk Meluun Dita'. Ieh nepapu' ni Ibrahim kareb Ibrahim nuli' ratnan ngelaya' raca'-raca', idi Melkisedek nengeperuan neneh.

YUSAK 10:3

Ngaceku ineh Adonisadak, raca' Yerusalim ineh, nengecuk Hoham, raca' Hebron, Piram, raca' Yarmut, Yapia, raca' Lakis, idi Debir, raca' Eglon,

YUSAK 6:21

Idi ideh nengaté amung-amung luk bang bawang ineh, do' deléi idi decur, do' anak baruh idi lun merar, amung sapi, dumba, idi keladai pana'.

YUSAK 8:2

Do' iko nganau' kuan bawang Ai idi kuan raca'neh mepad kudeng luk inau'mu kuan bawang Yeriko idi kuan raca'neh. Iamo' binaweh luk inaro idi amung aya'deh pana' miak iko ngaro kuan burur muyuh. Do' iko ngecuk tuda'-tuda' lun temina' ngabang pa keted bawang ineh.”

YUSAK 8:21

Kareb Yusak idi lun denganneh nenier idi amung lun Israil luk ngabang ineh pangeh nesemuet bang bawang, idi teh ideh nenier rabpun bawang ineh, idi ideh nelemubed idi nengaté nelun bang bawang Ai.

YUSAK 9:3

Kareb lun bawang Gibion kali' ratnan luk inau' Yusak déi' Yeriko idi bawang Ai,