YUSAK 1:9 - BALA LUK DO'

⁹ Ngerawé bala Kini, “Do' iko metueh idi mekuu'. Idi aleg iko matot, idi merapang Ngaceku Tuhan Allahmu idi denganmu iapeh-iapeh luk ulekmu.’ ”

YUSAK 1:9 Iomraidhean Croise

PUDUT 28:15

Ngerawé do'-do', Ui idi denganmu, idi matar namu bang amung-amung lawému. Idi Ui miak ngelubed namu amé' bang bawang ini. Ui na necan namu pad Ui pangeh ngacing amung jani'Ku namu.”

PUDUT 39:2

Idi Tuhan nengedengan ni Yusup, pad ieh inan peruan bang luk amung-amung. Idi ieh tudo bang ruma' tuanneh luk lun Masir ineh.

PUDUT 39:3

Idi tuanneh nekali' idi Tuhan ngedengan ni Yusup, pad ieh inan peruan bang luk amung-amung.

SEMUIL LUK KEDUEH 13:28

Idi kebalaneh kuan lun dukenneh, “Matar do'-do' kareb Amnon mabuk. Kareb ui ngecuk, do' muyuh ngaté neneh. Aleg matot. Ngaceku ui sebuleng mabeh ineh. Do' muyuh metueh idi mekuu!”

INUL LUK PUN-PUN 28:20

Idi kebala Daud ni Selimun, anakneh ineh, “Do' iko metueh idi lutep niat, idi ngimun kekamen ini. Aleg iko matot. Idi aleg iko metalang niat, ngaceku Tuhan Allah, ieh ineh Allahku miak ngedengan namu. Na Ieh miak mado rat namu, idi na Ieh necan namu, pad iko mangeh amung kekamen mudut Ruma' Allah ineh.

INUL LUK KEDUEH 15:7

Iamo' do' muyuh metueh idi mekuu'. Ngaceku muyuh miak ngalap tabpar ratnan kekamen muyuh.”

NANI UBUR 46:7

Tuhan luk Melalud idi dengan tau' Allah Yakub ineh libung tau!

YESAYA 41:10

Aleg iko matot — Ui idi denganmu. Ui ini Allahmu, aleg iko merapang. Ui ngetueh namu idi ngedengan namu. Ui matar idi ngulun namu.

YESAYA 43:1

O Israil, kebala Tuhan luk nemudut namu, “Aleg matot — Ui matar namu. Ui neneten ngadanmu. Iko Ui kuan.

YESAYA 43:5

Aleg iko matot. Ui idi denganmu! “Rat mado pa busat aco idi pa acep aco Ui nguit pupumu muli'.

YESAYA 8:12

“Aleg iko semuet bang gayam lun mula', idi aleg merapang ku luk inandeh matot.

DANIEL 10:19

KebalaNeh, “Allah mawa namu, aleg megagau idi matot. Do' iko mekuu'.” Kareb Ieh pangeh nepebala, idi ui metueh, idi kebalaku, “O Tuhan, anunké luk belénMu. Ngaceku ui do' inau'Mu.”

HAGAI 2:4

Do' iko lutep nekini, O Serubabel, ngaceku Tuhan luk pebala. Idi do' iko mekuu', O Yosua Yosadak, luk Imam Rayeh. O lun muyuh luk bang bawang ini, do' muyuh mekuu'! Ngaceku Tuhan luk pebala. Do' muyuh ngakem! Ui idi dengan muyuh,

HAGAI 2:5

maya' kudeng jani'Ku nemuyuh kareb muyuh neremuat rat bang bawang Masir. Idi RohKu tudo arang muyuh. Aleg muyuh matot.

KEKAMEN RASUL-RASUL 4:19

Iamo' kebala Pétrus idi Yahya, “Do' muyuh ngerawé sapehké luk matu pa kiung Allah, maya' pian muyuh kian maya' pian Allah lek.

BADA' RATNAN UKUM 1:21

Tuhan Allah tepun muyuh pangeh nemaré tana' ineh kuan muyuh. Amé' tebawang su ineh, maya' kudeng luk icukNeh. Aleg muyuh matot idi merapang.’

BADA' RATNAN UKUM 20:1

“Kareb muyuh remuat sikal pebunu', idi muyuh nier kuda idi keréta, idi baweh luk metueh rat nemuyuh, aleg muyuh matot nedeh. Ngaceku Tuhan Allah muyuh idi dengan muyuh. Ieh ineh luk nenguit nemuyuh rat bawang Masir.

BADA' RATNAN UKUM 31:23

Idi Tuhan nengeletep ni Yusak Nun, kebalaNeh, “Do' iko metueh idi mekuu'. Ngaceku iko miak nguit nelun Israil semeut bang bawang luk pangeh pijani'Ku nedeh. Idi Ui pana' idi denganmu.”

BADA' RATNAN UKUM 31:28

Darin muyuh amung lun rayeh pupu ini idi amung lun luk ngimet ukum, pelé amung bala ini badénku pedingerendeh. Idi ui nawar langit idi tana' miak mangun ku luk maré kali' rat nedeh.

YUSAK 1:10

Muci ratnan ineh Yusak nengecuk amung lun rayeh pupu ineh, kebalaneh,

YUSAK 1:17

Mepad kudeng kai pangeh nemaya' bala Musa kudeng ineh teh kai maya' balamu, kudeng Tuhan Allahmu miak ngedengan namu, mepad kudeng Ieh nengedengan ni Musa.

YUSAK 1:18

Idé luk na sikal maya' balamu idi luk ngelaba balamu bang anun-anun luk dukenmu nedeh, ieh ineh pitayen. Do' iko metueh idi mekuu' teh.”

YUSAK 10:25

Idi kebala Yusak nedeh, “Aleg muyuh mator idi megegker. Do' muyuh metueh idi mekuu'. Ngaceku kudeng ineh ayu kekamen Tuhan muci kuan amung bunu' muyuh.”

YUSAK 10:8

Idi kebala Tuhan ni Yusak, “Aleg iko matot nedeh, ngaceku ideh pangeh biréKu namu. Idi seburur pana' nateh metueh rat namu.”

YUSAK 3:7

Idi kebala Tuhan ni Yusak, “Aco sini Ui pian ngimun ngerayeh namu pa kiung amung lun Israil, pelé ideh kali', mepad kudeng Ui nengedengan ni Musa atun, kudeng ineh teh Ui ngedengan namu.

YUSAK 6:27

Idi Tuhan idi dengan Yusak. Idi ngadanneh nebala bang aput-aput bawang.

YUSAK 8:1

Kebala Tuhan ni Yusak, “Aleg iko matot, idi aleg megegker, lapenmu amung lun pebunu' idi nalan amé' bawang Ai. Ui maré raca' Ai idi amung anak itinneh, bawangneh, idi tana'neh kuanmu.

LUN LUK NGUYUT 6:14

Idi Tuhan nengecuk neneh, kebalaNeh, “Amée' iko dengan amung tueh luk namu, idi muit nelun Israil rat nelun Midian. Ui ini luk ngecuk namu.”

SEMUIL LUK PUN-PUN 10:7

Kareb amung tanu' ini pangeh mangun, do' iko nganau' anun-anun luk badén Allah miak ruenmu.