YUSAK 1:8 - BALA LUK DO'

⁸ Aleg tu-tu iko kelupan surat Ukum ini, iamo' maca' ineh kareb macang idi medacem, pelé iko mekél maya' amung luk inayud bang ineh. Ngaceku kudeng ineh iko uen ngeperuan.

YUSAK 1:8 Iomraidhean Croise

PUDUT 24:63

Idi Isak pana' neremuat sikal nalan-nalan déi' natad kareb malem aco, idi ieh netukag idi nenier tuda'-tuda' unta macing.

INUL LUK KEDUEH 26:5

Idi ieh metueh nakap Allah ruked ulun Sekaria luk nemada' neneh ratnan matot inan Allah. Idi seruked ieh nakap Tuhan, Allah pana' nengeperuan neneh.

NANI UBUR 119:11

Ui ngimet ukumMu bang niatku, pad ui na nganau' sala' pa kiungMu.

NANI UBUR 119:15

Ui ngerawé balaMu; idi ngimet bada'Mu.

NANI UBUR 119:97

Ui mawa ku balaMu, idi ngerawé neneh tebaco-tebaco!

NANI UBUR 119:99

Ui pelaba do' ileh kali', meluun ratnan amung guruku, ngaceku ui ngerawé bada'Mu.

NANI UBUR 19:14

Nima' balaku idi terawéku petulu maya' pinianMu, O Tuhan, Batu Libungku luk nguli' negku!

NANI UBUR 40:10

Na ui ngalum bala ratnan ulunMu. Megéi' ui mada' ratnan Iko ngedengan idi Iko lutep maya' jani'. Ui na ungeng ratnan éi' idi awaMu luk lutep, bang tebubpun pupuMu luk rayeh.

BALE' 3:1

O anakku, aleg iko mekelupan luk badénku namu. Megéi' ngerawé luk dukenku namu.

YESAYA 59:21

Idi Ui pejani' nemuyuh: RohKu luk tudo luun muyuh idi balaKu luk inau'Ku luun bibir muyuh, na miak buro ratnan tang muyuh macing inan inul-inul muyuh, rat nekini macing ruked-ruked. Tuhan pangeh nepebala.”

MATIUS 12:35

Lemulun luk do' ngeruat anun-anun luk do' ratnan binaweh luk do', idi lemulun luk dat ngeruat anun-anun luk dat ratnan binaweh luk dat.

MATIUS 28:20

Idi mada' nedeh pad ideh maya' amung-amung bala luk icukKu nemuyuh. Idi Ui ngedengan nemuyuh ruked-ruked pad macing kekipedneh.”

MATIUS 7:21

“Baken anid-anid lemulun luk pebala Negku, ‘Tuhan, Tuhan,’ miak semuet bang Imet surga; iamo' lemulun luk maya' pian TamanKu luk bang surga.

MATIUS 7:24

“Ngaceku ineh anid-anid lemulun luk ninger balaKu ini, idi maya' ineh, ieh mepad kudeng lun mileh luk nemudut ruma'neh luun batu.

LUKAS 11:28

Iamo' kebala Yésus, “Meluun teh, samal kuan lemulun luk ninger bala Allah idi ngimet neneh.”

YAHYA 13:17

Kudeng muyuh kali' amung-amung ini, samal kuan muyuh kudeng muyuh nganau' ineh.

YAHYA 14:21

“Kudeng idé-idé luk gimet idi maya' amung ukumKu, ieh ineh luk mawa Negku. Idi lemulun luk mawa Negku, idi Taman pana' mawa neneh, idi Ui teh mawa neneh idi ngegala' bururKu kuanneh.”

EPESUS 4:29

Aleg ngeruat bala luk dat, iamo' ngeruat bala luk do' idi luk petulu pad ngacing peruan kuan lemulun luk ninger bala muyuh ineh.

BADA' RATNAN UKUM 29:8

Idi tau nengaro tana'deh. Idi tau nemaré ineh kuan lun Rubin, lun Gad, idi sebuang inul Manasé.

BADA' RATNAN UKUM 29:9

Idi ngaceku ineh do' muyuh nginita amung bala pejani' ini, pad muyuh ngalap peruan bang amung-amung luk ruen muyuh.

BADA' RATNAN UKUM 30:14

Iamo' bala ineh meluun muneng namu. Ieh ineh bang tangmu, idi bang niatmu, pad iko miak maya' ineh.

BADA' RATNAN UKUM 31:11

Kareb amung lun Israil amé' pa kiung Tuhan Allah muyuh, su luk pilinNeh, do' muyuh maca' Ukum ini pedingeren amung lun Israil.

BADA' RATNAN UKUM 31:24

Kareb Musa pangeh nengayud amung bala Ukum ini bang aceh surat macing abudneh,

BADA' RATNAN UKUM 5:1

Idi Musa nengamung amung lun Israil, idi kebalaneh nedeh, “Ninger muyuh, O lun Israil, amung bada' ratnan ukum luk belénku nemuyuh aco sini. Idi do' muyuh nginita amung ineh idi maya' ineh.

BADA' RATNAN UKUM 5:29

Idi meluun do' ideh megéi' matot Negku idi nginita amung balaKu, pad ideh idi anak-anakdeh do' udeng macing ruked-ruked!

BADA' RATNAN UKUM 5:32

“Idi matar do'-do', pad muyuh maya' amung-amung luk icuk Tuhan Allah nemuyuh. Idi aleg ngebala balaNeh.

KOLOSE 3:16

Idi do' bala Keristus ineh tudo bang nemuyuh dengan mela, dengan amung-amung ileh. Idi mada' idi periteteng arang muyuh sebuleng, dengan nani ubur idi ubur-ubur idi nani luk ratnan Roh. Idi do' menani dengan maré ubur kuan Allah bang niat muyuh.

YUSAK 1:7

Do' iko metueh idi mekuu', idi mekél maya' amung ukum luk bida' demulunKu Musa namu. Aleg iko umai ratnan ineh, pelé iko inan peruan iapeh-iapeh su luk ulekmu muci.

YUSAK 8:34

Idi Yusak nemaca' amung bala Ukum peruan idi kediman petulu ku amung luk inayud bang surat Ukum ineh.

BALA LUK LINIO 22:14

Samal kuan lemulun luk maru' kuyu'deh, pad ideh ngalap lalud amé' matun lawa ulun ineh, idi semuet bang bawang ineh maya' tanga'neh.