YUSAK 1:7 - BALA LUK DO'

⁷ Do' iko metueh idi mekuu', idi mekél maya' amung ukum luk bida' demulunKu Musa namu. Aleg iko umai ratnan ineh, pelé iko inan peruan iapeh-iapeh su luk ulekmu muci.

YUSAK 1:7 Iomraidhean Croise

RACA'-RACA' LUK PUN-PUN 2:2

“Tarekku pangeh nacing. Ngaceku ineh do' iko lutep idi mekuu',

RACA'-RACA' LUK PUN-PUN 2:3

idi nganau' amung luk duken Tuhan Allahmu idi maya' amung bala idi ukumNeh, petulu ku amung-amung luk inayud bang Surat Ukum Musa, pad iko uen ngeperuan bang amung-amung luk ruenmu, idi amung lawému,

RACA'-RACA' LUK KEDUEH 22:2

Idi Yosia nenganau' luk matu pa kiung Tuhan. Idi ieh nemaya' lawé Raca' Daud tepunneh dengan na umai.

INUL LUK PUN-PUN 22:13

Kudeng iko maya' amung ukum luk bida' Tuhan ni Musa kuan lun Israil kali' rungen iko inan peruan. Do' iko metueh idi mekuu'. Aleg iko matot idi megegker.

INUL LUK KEDUEH 15:7

Iamo' do' muyuh metueh idi mekuu'. Ngaceku muyuh miak ngalap tabpar ratnan kekamen muyuh.”

INUL LUK KEDUEH 26:5

Idi ieh metueh nakap Allah ruked ulun Sekaria luk nemada' neneh ratnan matot inan Allah. Idi seruked ieh nakap Tuhan, Allah pana' nengeperuan neneh.

AYUB 1:8

Kebala Tuhan, “Kali'mu demulunKu Ayub? Luun tana' ineh, seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat.”

NANI UBUR 80:19

Nguit nekai lemubed, O Tuhan Allah luk Melalud! Mada' awaMu nekai, pad kai miak mulun.

BALE' 4:27

Buro ratnan luk dat idi petacu nalan. Idi aleg umai ratnan dalan luk matu.

BALE' 8:20

Ui maya' dalan luk matu, idi teh dalan luk mesiri.

DANIEL 10:19

KebalaNeh, “Allah mawa namu, aleg megagau idi matot. Do' iko mekuu'.” Kareb Ieh pangeh nepebala, idi ui metueh, idi kebalaku, “O Tuhan, anunké luk belénMu. Ngaceku ui do' inau'Mu.”

IAP 27:23

Idi ieh nengerareng ticu'neh luun ulun Yusak. Idi ieh nengikit neneh maya' kudeng luk bila Tuhan neneh.

BADA' RATNAN UKUM 11:8

“Do' muyuh maya' amung ukum luk bida'ku nemuyuh aco sini, pad muyuh metueh idi semuet bang bawang luk inan muyuh miak tebawang.

BADA' RATNAN UKUM 12:32

“Do' maya' amung luk bida'ku nemuyuh.Aleg muyuh ngeluun, idi aleg muyuh ngurang bala ineh.

BADA' RATNAN UKUM 28:14

iamo' aleg iko umai ratnan amung bada' luk bida'ku namu bang aco sini, idi aleg maya' allah baken idi sembayang nedeh.

BADA' RATNAN UKUM 29:8

Idi tau nengaro tana'deh. Idi tau nemaré ineh kuan lun Rubin, lun Gad, idi sebuang inul Manasé.

BADA' RATNAN UKUM 29:9

Idi ngaceku ineh do' muyuh nginita amung bala pejani' ini, pad muyuh ngalap peruan bang amung-amung luk ruen muyuh.

BADA' RATNAN UKUM 31:7

Idi Musa nenawar ni Yusak, kebalaneh neneh pa kiung amung lun Israil, “Do' iko metueh idi mekuu', ngaceku iko miak amé' dengan pupu ini bang bawang luk pangeh pijani' Tuhan nan tepunmu. Do' iko nguyut nedeh ngalap bawang ineh.

BADA' RATNAN UKUM 4:2

Idi aleg muyuh ngeluun aceh bila' balaku ini. Idi aleg muyuh ngurang ineh. Iamo' nginita amung ukum Tuhan Allah muyuh luk bida'ku nemuyuh.

BADA' RATNAN UKUM 5:32

“Idi matar do'-do', pad muyuh maya' amung-amung luk icuk Tuhan Allah nemuyuh. Idi aleg ngebala balaNeh.

YUSAK 1:1

Kareb pangeh até Musa lun duken Tuhan ineh, idi Tuhan nepebala ni Yusak Nun, lun duken Musa ineh, kebalaNeh,

YUSAK 1:8

Aleg tu-tu iko kelupan surat Ukum ini, iamo' maca' ineh kareb macang idi medacem, pelé iko mekél maya' amung luk inayud bang ineh. Ngaceku kudeng ineh iko uen ngeperuan.

YUSAK 1:9

Ngerawé bala Kini, “Do' iko metueh idi mekuu'. Idi aleg iko matot, idi merapang Ngaceku Tuhan Allahmu idi denganmu iapeh-iapeh luk ulekmu.’ ”

YUSAK 11:15

Idi maya' kudeng luk bila Tuhan ni Musa, demulunNeh, kudeng ineh teh luk inau' Yusak. Sebuleng pana' nateh luk linaba ratnan amung bala Tuhan luk ni Musa.

YUSAK 23:6

Ngaceku ineh do' muyuh maya' idi nganau' anun-anun luk inayud bang surat Ukum Musa, idi aleg ngelaba ineh,