YUSAK 1:6 - BALA LUK DO'

⁶ Do' iko metueh idi mekuu', ngaceku iko miak nguyut pupu ini ngalap tana' ini luk pangeh pijani'Ku kuan tepundeh.

YUSAK 1:6 Iomraidhean Croise

PUDUT 12:7

Idi Tuhan nesilagan ni Abram, kebalaNeh, “Ui maré tana' ini kuan inulmu.” Idi su ineh Abram nemudut aceh bubpun kuan Tuhan luk pangeh nesilagan neneh.

PUDUT 26:3

Do' iko tudo segageh bang bawang ini, idi Ui sikal ngedengan namu idi ngeperuan namu; Ui maré amung tana' ini kuanmu idi kuan inulmu. Ui miak ngeletep jani'Ku luk pijani'Ku ni Ibrahim, tamanmu ineh.

SEMUIL LUK KEDUEH 10:12

Do' tau mekuu' pebunu' kuan pupu tau, idi kuan amung bawang Allah tau, pad Tuhan nganau' anun luk do' pa kiungNeh.”

RACA'-RACA' LUK PUN-PUN 2:2

“Tarekku pangeh nacing. Ngaceku ineh do' iko lutep idi mekuu',

INUL LUK PUN-PUN 22:13

Kudeng iko maya' amung ukum luk bida' Tuhan ni Musa kuan lun Israil kali' rungen iko inan peruan. Do' iko metueh idi mekuu'. Aleg iko matot idi megegker.

INUL LUK PUN-PUN 28:10

Ngerawé do'-do', idi pangeh Tuhan nemili' namu, pelé iko mudut aceh Ruma' ku aceh su luk meligan. Lutep niatmu, idi nganau' kekamen ineh.”

INUL LUK PUN-PUN 28:20

Idi kebala Daud ni Selimun, anakneh ineh, “Do' iko metueh idi lutep niat, idi ngimun kekamen ini. Aleg iko matot. Idi aleg iko metalang niat, ngaceku Tuhan Allah, ieh ineh Allahku miak ngedengan namu. Na Ieh miak mado rat namu, idi na Ieh necan namu, pad iko mangeh amung kekamen mudut Ruma' Allah ineh.

INUL LUK KEDUEH 15:7

Iamo' do' muyuh metueh idi mekuu'. Ngaceku muyuh miak ngalap tabpar ratnan kekamen muyuh.”

INUL LUK KEDUEH 20:11

Idi nekini ideh ngua' nekai dengan luk dat, idi pian ngusu nekai ratnan babpat luk pangeh biréMu kuan kai.

INUL LUK KEDUEH 20:7

Iko ineh Allah kai, Iko luk pangeh nengusu amung lun bang bawang ini rat pa kiung pupuMu lun Israil. Idi pangeh Iko nemaré bawang ini kuan inul Ibrahim luk rurumMu macing ruked-ruked.

NANI UBUR 27:14

Merapet inan Tuhan! Manu idi aleg merapang. Merapet inan Tuhan!

DANIEL 10:19

KebalaNeh, “Allah mawa namu, aleg megagau idi matot. Do' iko mekuu'.” Kareb Ieh pangeh nepebala, idi ui metueh, idi kebalaku, “O Tuhan, anunké luk belénMu. Ngaceku ui do' inau'Mu.”

HAGAI 2:4

Do' iko lutep nekini, O Serubabel, ngaceku Tuhan luk pebala. Idi do' iko mekuu', O Yosua Yosadak, luk Imam Rayeh. O lun muyuh luk bang bawang ini, do' muyuh mekuu'! Ngaceku Tuhan luk pebala. Do' muyuh ngakem! Ui idi dengan muyuh,

SEKARIA 8:9

“Do' muyuh mekuu'! Nekini muyuh ninger bala nabi-nabi luk bila kareb ideh nengimun mudut Ruma'Ku baruh.

IAP 26:53

“Tana' ineh uen mabpat kuandeh maya' kinula'deh.

IAP 33:53

Idi do' muyuh ngalap tana' ineh idi tudo déi'. Ngaceku tana' ineh pangeh biréKu nemuyuh.

1 KORINTUS 16:13

Kekipedneh, matar do'-do', idi tuped meraben bang anu muyuh. Do' muyuh mekuu' idi metueh.

EPESUS 6:10

Idi kekipedneh, do' muyuh mangun metueh bang Tuhan idi dengan tueh laludNeh ineh.

BADA' RATNAN UKUM 1:21

Tuhan Allah tepun muyuh pangeh nemaré tana' ineh kuan muyuh. Amé' tebawang su ineh, maya' kudeng luk icukNeh. Aleg muyuh matot idi merapang.’

BADA' RATNAN UKUM 1:8

Ieh ineh tana' luk Ui ini Tuhan nepejani' maré kuan tepun muyuh, ieh ineh Ibrahim, Isak, Yakub, idi inuldeh. Amé' muyuh tebawang su ineh.’ ”

BADA' RATNAN UKUM 11:8

“Do' muyuh maya' amung ukum luk bida'ku nemuyuh aco sini, pad muyuh metueh idi semuet bang bawang luk inan muyuh miak tebawang.

BADA' RATNAN UKUM 31:23

Idi Tuhan nengeletep ni Yusak Nun, kebalaNeh, “Do' iko metueh idi mekuu'. Ngaceku iko miak nguit nelun Israil semeut bang bawang luk pangeh pijani'Ku nedeh. Idi Ui pana' idi denganmu.”

2 TIMOTIUS 2:1

Ratnan iko ini, O anakku, do' iko metueh bang katu luk bang Keristus Yésus.

YUSAK 1:18

Idé luk na sikal maya' balamu idi luk ngelaba balamu bang anun-anun luk dukenmu nedeh, ieh ineh pitayen. Do' iko metueh idi mekuu' teh.”

YUSAK 1:7

Do' iko metueh idi mekuu', idi mekél maya' amung ukum luk bida' demulunKu Musa namu. Aleg iko umai ratnan ineh, pelé iko inan peruan iapeh-iapeh su luk ulekmu muci.

YUSAK 1:9

Ngerawé bala Kini, “Do' iko metueh idi mekuu'. Idi aleg iko matot, idi merapang Ngaceku Tuhan Allahmu idi denganmu iapeh-iapeh luk ulekmu.’ ”

YUSAK 10:25

Idi kebala Yusak nedeh, “Aleg muyuh mator idi megegker. Do' muyuh metueh idi mekuu'. Ngaceku kudeng ineh ayu kekamen Tuhan muci kuan amung bunu' muyuh.”

YUSAK 13:6

Idi Ui miak ngusu amung lun luk tudo luun pegkung rat Lebanon, macing déi' Misrepot Maim, idi teh amung lun Sidoni ratnan babpatdeh pa kiung amung lun Israil. Iko miak mabpat babpat ineh maya' kudeng bala Tuhan namu.

YUSAK 18:3

Idi kebala Yusak nelun Israil, “Tuda' ioké muyuh na iné' ngalap tana' ineh ku babpat muyuh luk pangeh biré Tuhan Allah tepun muyuh nemuyuh?

YUSAK 21:43

Kudeng ineh ayu Tuhan maré kuan Israil amung tana' luk pangeh pijani'Neh kuan tepundeh ineh, idi ideh pana' nengalap ineh idi tebawang su ineh.

YUSAK 5:6

Ngaceku apat ngepulu' lak kinioneh, amung lun Israil nalan déi' su luk ali-ali, pad lun luk pebunu' luk nenalan rat Masir nabud naté ngaceku ideh na sikal ninger bala Tuhan. Idi Tuhan nemada' nedeh, ratnan kudeng apeh ideh na miak nier tana' luk mebaleng luk pangeh pijani' Tuhan kuan tepundeh.

SEMUIL LUK PUN-PUN 4:9

O lun Pilistin! Do' muyuh metueh idi mekuu', pelé muyuh na meperieng lun Iberani ineh, mepad kudeng muyuh metueh pebunu' kudeng deléi luk mesangit.”