YUSAK 1:5 - BALA LUK DO'

⁵ Seburur pana' nateh luk miak ngelaya' namu, ruked ulunmu. Mepad kudeng Ui idi dengan Musa, kudeng ineh teh Ui miak ngedengan namu. Na ui miak necan namu.

YUSAK 1:5 Iomraidhean Croise

PUDUT 39:2

Idi Tuhan nengedengan ni Yusup, pad ieh inan peruan bang luk amung-amung. Idi ieh tudo bang ruma' tuanneh luk lun Masir ineh.

RACA'-RACA' LUK PUN-PUN 1:37

Idi mepad kudeng Tuhan pangeh nengedengan namu, kudeng ineh teh do' Ieh ngedengan ni Selimun, idi nganau' imetneh meluun rayeh ratnan imetmu ineh.”

RACA'-RACA' LUK PUN-PUN 11:38

Kudeng iko maya' amung balaKu, idi lutep maya' ukumKu, idi nganau' luk petulu maya' pinianKu mepad kudeng demulunKu Daud, kali' rungen Ui idi denganmu idi miak ngeletep kuanmu aceh imet luk meruked, mepad kudeng luk pangeh litepKu kuan Daud. Idi Ui miak maré nelun Israil ineh kuanmu.

RACA'-RACA' LUK PUN-PUN 6:13

Idi Ui miak tudo bang Ruma' ini arang pupuKu lun Israil. Idi na Ui necan nedeh.”

RACA'-RACA' LUK PUN-PUN 8:57

Do' Tuhan Allah idi dengan kai mepad kudeng Ieh nengedengan tepun kai atun. Aleg Ieh necan nekai.

INUL LUK PUN-PUN 28:20

Idi kebala Daud ni Selimun, anakneh ineh, “Do' iko metueh idi lutep niat, idi ngimun kekamen ini. Aleg iko matot. Idi aleg iko metalang niat, ngaceku Tuhan Allah, ieh ineh Allahku miak ngedengan namu. Na Ieh miak mado rat namu, idi na Ieh necan namu, pad iko mangeh amung kekamen mudut Ruma' Allah ineh.

NANI UBUR 46:11

Tuhan luk Melalud idi dengan tau, Allah Yakub ineh libung tau.

PURA' 3:12

Idi kebala Tuhan, “Ui ngedengan namu. Idi ini miak mangun ku tanu' kuanmu, ratnan tawarKu namu. Kareb pupuKu inuitmu remuat rat bang bawang Masir, idi muyuh miak sembayang inan Allah luun surud ini.”

YESAYA 42:16

“Ui nguyut pupuKu luk mebuser, maya' dalan luk na nedalandeh. Ui ngisu' dacemdeh mangun ku acang, idi ngebalad tana' luk metekura'. Kali' rungen Ui nganau' luk kudeng ineh.

YEREMIA 1:8

Aleg matot nedeh, ngaceku Ui idi denganmu idi matar namu. Ui ini Tuhan luk pebala namu!”

DANIEL 11:16

Bunu' ineh miak nganau' luk pianneh dengan na sabeng. Ieh miak tuped luun Tana' luk Pijani' ineh idi ngalap lalud pa luunneh.

MATIUS 28:20

Idi mada' nedeh pad ideh maya' amung-amung bala luk icukKu nemuyuh. Idi Ui ngedengan nemuyuh ruked-ruked pad macing kekipedneh.”

SURAT LUK BIRE PAULUS KUAN LUN RUM 8:31

Ngaceku ineh anunké luk belén tau nekini? Kudeng Allah ngedengan netau, idéké luk miak metueh rat netau?

SURAT LUK BIRE PAULUS KUAN LUN RUM 8:37

Na, iamo bang amung-amung ini tau meluun tueh ngaceku Ieh luk mawa netau.

BADA' RATNAN UKUM 20:1

“Kareb muyuh remuat sikal pebunu', idi muyuh nier kuda idi keréta, idi baweh luk metueh rat nemuyuh, aleg muyuh matot nedeh. Ngaceku Tuhan Allah muyuh idi dengan muyuh. Ieh ineh luk nenguit nemuyuh rat bawang Masir.

BADA' RATNAN UKUM 20:4

Ngaceku Tuhan Allah muyuh idi dengan muyuh, idi Ieh maré nemuyuh metueh.’

BADA' RATNAN UKUM 31:23

Idi Tuhan nengeletep ni Yusak Nun, kebalaNeh, “Do' iko metueh idi mekuu'. Ngaceku iko miak nguit nelun Israil semeut bang bawang luk pangeh pijani'Ku nedeh. Idi Ui pana' idi denganmu.”

BADA' RATNAN UKUM 4:31

Idi Tuhan Allah muyuh ineh Allah luk méi'. Na Ieh miak necan nemuyuh, idi na Ieh ngedat nemuyuh, idi na Ieh kelupan pejani'Neh luk pangeh pijani'Neh kuan tepun muyuh.

BADA' RATNAN UKUM 7:24

Idi raca'-raca'deh ineh miak barén bang palad muyuh, idi muyuh pana' miak nala' ngadandeh rat pa liang langit. Seburur pana' nateh miak tuman pa kiung muyuh, pad muyuh ngaté amungdeh.

2 TIMOTIUS 4:17

Iamo' Tuhan nengedengan negku idi nengetueh negku, pad ui miak mada' Bala luk Do' ineh, idi amung-amung lun pupu baken miak ninger. Idi ui mepuit ratnan tang balang ineh.

IBERANI 13:5

Do' muit burur muyuh ratnan mawa ku usin, idi do' muyuh mawang niat ratnan anun-anun luk inan bang palad muyuh; ngaceku Allah pangeh pebala, “Idi na tu-tu Ui miak nima' namu, idi na tu-tu Ui miak necan namu.”

YUSAK 1:17

Mepad kudeng kai pangeh nemaya' bala Musa kudeng ineh teh kai maya' balamu, kudeng Tuhan Allahmu miak ngedengan namu, mepad kudeng Ieh nengedengan ni Musa.

YUSAK 1:9

Ngerawé bala Kini, “Do' iko metueh idi mekuu'. Idi aleg iko matot, idi merapang Ngaceku Tuhan Allahmu idi denganmu iapeh-iapeh luk ulekmu.’ ”

YUSAK 10:8

Idi kebala Tuhan ni Yusak, “Aleg iko matot nedeh, ngaceku ideh pangeh biréKu namu. Idi seburur pana' nateh metueh rat namu.”

YUSAK 21:44

Idi Tuhan nemaré pedo' kuandeh aput bawang ineh, maya' kudeng luk pijani'Neh kuan tepundeh ineh. Idi ratnan amung bunu'deh seburur pana' nateh miak metueh rat nedeh. Amung bunu' ineh pangeh biré Tuhan bang paladdeh.

YUSAK 3:7

Idi kebala Tuhan ni Yusak, “Aco sini Ui pian ngimun ngerayeh namu pa kiung amung lun Israil, pelé ideh kali', mepad kudeng Ui nengedengan ni Musa atun, kudeng ineh teh Ui ngedengan namu.

YUSAK 6:27

Idi Tuhan idi dengan Yusak. Idi ngadanneh nebala bang aput-aput bawang.

LUN LUK NGUYUT 2:18

Idi kareb Tuhan pangeh nemarée lun luk nguyut nedeh, Tuhan miak ngedengan neneh, idi miak muit pupu ineh ratnan bunu'deh ruked ulun lun luk nguyut ineh. Tuhan méei' nedeh ngaceku ideh nengarod ku susa' idi derehdeh.

LUN LUK NGUYUT 6:16

Idi kebala Tuhan neneh, “Iko miak nganau' kudeng ineh, ngaceku Ui miak ngedengan namu. Iko miak ngelaya' nelun Midian, mepad kudeng ngelaya' seburur lemulun.”

SEMUIL LUK PUN-PUN 10:7

Kareb amung tanu' ini pangeh mangun, do' iko nganau' anun-anun luk badén Allah miak ruenmu.