YUSAK 1:2 - BALA LUK DO'

² “DemulunKu Musa pangeh naté. Nekini do' iko gugkang idi nalan amé' guta Abpa' Yarden ineh dengan amung lun Israil, idi amé' bang bawang luk barénKu nemuyuh.

YUSAK 1:2 Iomraidhean Croise

PUDUT 17:8

Idi kuanmu dengan inulmu Ui sikal maré tana' luk inanmu tudo nekini mepad kudeng sakai, ieh ineh amung tana' Kanaan mangun ku babpatmu macing ruked-ruked. Idi Ui mangun ku Allah kuandeh.”

NEHEMIA 9:23

Iko luk nemaré anak luk mepad kinula' gituen luk déi' langit, idi nemaré nedeh ngalap idi tudo bang bawang luk pijani'Mu miak barén kuan tepundeh.

AYUB 1:8

Kebala Tuhan, “Kali'mu demulunKu Ayub? Luun tana' ineh, seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat.”

YESAYA 42:1

Kebala Tuhan, “Ini DemulunKu luk uenKu ngetueh — Lun luk pinili'Ku luk inanKu mawang niat. Ui nemanu' Neneh ku laludKu; Ieh ngacing luk mesiri kuan amung pupu.

IAP 12:7

Iamo' demulunKu Musa baken nabi luk kudeng ineh. Iamo' ieh luk inanKu merapet bang ruma'Ku.

BADA' RATNAN UKUM 3:28

Do' maré kekamenmu kuan i Yusak, idi ngeletep idi ngeraben neneh. Ngaceku ieh luk miak guta pa atun pupu ini. Idi ieh teh miak nguyut nedeh ngalap tana' luk siniermu ineh.’

BADA' RATNAN UKUM 31:7

Idi Musa nenawar ni Yusak, kebalaneh neneh pa kiung amung lun Israil, “Do' iko metueh idi mekuu', ngaceku iko miak amé' dengan pupu ini bang bawang luk pangeh pijani' Tuhan nan tepunmu. Do' iko nguyut nedeh ngalap bawang ineh.

BADA' RATNAN UKUM 34:5

Idi Musa demulun Tuhan ineh naté su ineh déi' tana' Moab maya' kudeng bala Tuhan.

YUSAK 1:1

Kareb pangeh até Musa lun duken Tuhan ineh, idi Tuhan nepebala ni Yusak Nun, lun duken Musa ineh, kebalaNeh,

YUSAK 1:11

“Amé' muyuh arang lepo muyuh ineh idi ngecuk nelun mula' ineh kudeng ini, ‘Temina' nguit balu' muyuh. Kareb mabud teluh aco, idi amung muyuh miak guta Abpa' Yarden ini pad ngalap tana' luk biré Tuhan Allah muyuh ku babpat muyuh.’ ”