YUSAK 1:17 - BALA LUK DO'

¹⁷ Mepad kudeng kai pangeh nemaya' bala Musa kudeng ineh teh kai maya' balamu, kudeng Tuhan Allahmu miak ngedengan namu, mepad kudeng Ieh nengedengan ni Musa.

YUSAK 1:17 Iomraidhean Croise

SEMUIL LUK KEDUEH 14:17

Idi keterawéku, ‘Bala raca' miak ngawang niatku'; ngaceku iko mepad kudeng seburur melaikat Allah miak kali' do' idi dat. Do' Tuhan Allahmu ngedengan namu!”

RACA'-RACA' LUK PUN-PUN 1:37

Idi mepad kudeng Tuhan pangeh nengedengan namu, kudeng ineh teh do' Ieh ngedengan ni Selimun, idi nganau' imetneh meluun rayeh ratnan imetmu ineh.”

INUL LUK PUN-PUN 28:20

Idi kebala Daud ni Selimun, anakneh ineh, “Do' iko metueh idi lutep niat, idi ngimun kekamen ini. Aleg iko matot. Idi aleg iko metalang niat, ngaceku Tuhan Allah, ieh ineh Allahku miak ngedengan namu. Na Ieh miak mado rat namu, idi na Ieh necan namu, pad iko mangeh amung kekamen mudut Ruma' Allah ineh.

NANI UBUR 20:1

Do' Tuhan ngua' putuhmu bang kareb susa'! Do' Allah Yakub ngelibung namu!

NANI UBUR 20:4

Do' Ieh maré anun luk pianmu, idi ngeperuan amung-amung luk ruenmu.

NANI UBUR 20:9

O Tuhan, maré tueh kuan raca'; do' Iko ngor kareb kai nawar!

IAP 27:18

Idi kebala Tuhan ni Musa, “Ngalap ni Yusak Nun, luk inan Roh bang niatneh, idi ngerareng ticu'mu luunneh.

IAP 27:20

Idi maré sebuang laludmu neneh, pad amung lun Israil miak maya' balaneh.

MATIUS 21:9

Idi lun mula' luk nenalan pa atunNeh idi pa ketedNeh nengitang, keburi'deh, “Ngubur Anak Daud! Samal kuanNeh luk macing bang ngadan Tuhan! Ngubur Allah!”

BADA' RATNAN UKUM 34:9

Idi Yusak Nun ineh, mepanu' ku Roh ileh, ngaceku Musa pangeh nengerareng ticu'neh luunneh. Idi amung lun Israil pana' nemaya' balaneh, idi nemaya' kudeng luk icuk Tuhan ni Musa.

YUSAK 1:16

Idi ideh nengor bala Yusak ineh, kebaladeh, “Amung luk icukmu nekai ineh pian kai maya', idi iapeh-iapeh pana' iko ngecuk nekai, kai pana' amé' teh.

YUSAK 1:18

Idé luk na sikal maya' balamu idi luk ngelaba balamu bang anun-anun luk dukenmu nedeh, ieh ineh pitayen. Do' iko metueh idi mekuu' teh.”

YUSAK 1:5

Seburur pana' nateh luk miak ngelaya' namu, ruked ulunmu. Mepad kudeng Ui idi dengan Musa, kudeng ineh teh Ui miak ngedengan namu. Na ui miak necan namu.

YUSAK 1:9

Ngerawé bala Kini, “Do' iko metueh idi mekuu'. Idi aleg iko matot, idi merapang Ngaceku Tuhan Allahmu idi denganmu iapeh-iapeh luk ulekmu.’ ”

YUSAK 4:14

Idi kareb aco sineh teh Tuhan nengerayeh ni Yusak pa kiung amung lun Israil. Idi ideh matot neneh, mepad kudeng ideh matot ni Musa atun.

SEMUIL LUK PUN-PUN 17:37

Idi teh kebala Daud, “Tuhan luk pangeh nemuit negku ratnan kerakem balang idi beruang ineh, Ieh teh miak muit negku muci rat bang palad lun Pilistin ineh.” Idi kebala Saul ni Daud, “Amé' iko, idi Tuhan miak ngedengan namu!”

SEMUIL LUK PUN-PUN 20:13

Idi kudeng tamanku pian nganau' luk dat, idi Tuhan miak ngukum negku kudeng na ui maré kali' namu, idi nima' namu nalan dengan do'. Idi do' Tuhan idi denganmu, mepad kudeng ieh nengedengan tamanku atun.