YUNUS 4:8 - BALA LUK DO'

⁸ Idi kareb aco masat Allah nemaré aceh bui luk melau' rat pa busat aco, idi Yunus lélé nelepu ku ét idang. Idi ieh pian maté. Kebalaneh, “Meluun do' ui maté.”

YUNUS 4:8 Iomraidhean Croise

PUDUT 41:6

idi muci tudu' runguh luk mekarang ku bui luk melau' rat pa busat aco.

RACA'-RACA' LUK PUN-PUN 19:4

Iamo' Elia sebuleng iné' déi' su luk ali-ali, kiado delanin seaco. Idi ieh netudo iang kayuh aru'. Idi ieh nesembayang mutuh Tuhan ngalap niatneh, kesembayangneh, “Petap derehku nekini, O Tuhan! Ngalap mo' niatku. Meluun do' ui maté!”

RACA'-RACA' LUK PUN-PUN 21:4

Idi Akab nuli' dengan mét niat ngaceku bala Nabot ineh. Idi ieh netelubid idi nesemingun na nekuman.

AYUB 2:10

Idi kebala Ayub, “Mebacé bala mineh! Kareb Allah maré luk do' kuan tau, tau ngalap ineh. Ngudehké tau medureng kareb Ieh maré susa' kuan tau.” Bang amung-amung susa' ineh pana', Ayub na nengedat Allah.

AYUB 7:15

pad ui pian uen lun ngabet dier, pelé ui maté, idi na medereh.

NANI UBUR 121:6

Aco na miak ngurat namu kareb macang, idi bulan na ngurat namu kareb medacem.

NANI UBUR 39:9

Ui miak ungeng, idi na pebala anun-anun, ngaceku ini tau'Mu negku.

LUN LUK MADA' 7:9

Aleg malé museh. Lemulun luk mebacé mo' luk mét niat.

NANI SELIMUN 1:6

Aleg ngerawé negku dat ku ui mitem, ngaceku ét idang luk nengitem negku. Kinanak-kinanakku luk deléi museh negku, idi ideh nengecuk negku ngakem bang kabun anggur, pad na inan karebku ngerawé bururku sebuleng.

YESAYA 49:10

na ideh melau idi meparing. Na ideh medereh ku ét idang idi bui luk melau', ngaceku ideh kiuten Lun luk mawa nedeh. Ieh nguyut nedeh macing inan bued abpa'.

YEHISKIEL 19:12

Iamo' ieh binubput ku gateh idi talan luun tana'. Bui rat pa busat aco nengekering bua'neh. Angatneh pana' tinutu' pad ideh tekering idi sabpen.

HOSIA 13:15

Sagan tu pana' Israil temubu' mepad kudeng uduh, Ui miak maré bui luk melau' rat pa busat aco, pad arur idi bued abpa'deh mekeket, idi amung-amung luk meraga miak uenneh ngusag.

UKUM 10:3

Idi kebala Musa ni Arun, “Ini luk pangeh bida' Tuhan, kebalaNeh, ‘Ui pian mada' liganKu siren lemulun luk muneng Negku, idi Ui pian uen ngerayeh pa kiung amung-amung lemulun.’ ” Idi Arun pirud.

YUNUS 1:17

Idi Tuhan nengecuk aceh lawid luk rayeh nelen ni Yunus; idi kinio Yunus bang batek lawid ineh teluh aco idi teluh dacem.

YUNUS 1:4

Iamo' Tuhan nemaré aceh barui luun abpa' ineh; idi ribut pelaba rayeh, pad kapal ineh lélé mebila' ku ribut ineh.

YUNUS 4:3

O Tuhan, do' ngalap niatku nekini, ngaceku meluun do' ui maté.”

YUNUS 4:9

Iamo' kebala Allah neneh, “Ngudeh iko pelaba useh ku tabuh ineh!” Idi Yunus nengor balaneh, “Kali' rungen ui pelaba useh, ngaceku ui geregan ku tabuh ineh!”

MATIUS 20:12

keburi'deh, ‘Lun ini luk muci nengakem dengan segageh mo' kinioneh, idi iko nemaré tabpardeh mepad kudeng kai teh luk nengakem tebaco-tebaco kareb pelaba ét edang.’

BALA LUK LINIO 3:19

Idi tuda'-tuda' lemulun luk inanKu mawa Ui mada' idi ngukum nedeh. Ngaceku ineh do' mekél idi uren.

BALA LUK LINIO 7:16

Na ideh miak melau idi meparing teh, idi na ideh ketukan lau' mateh aco idi anun-anun luk melau' pana'.

SEMUIL LUK PUN-PUN 3:18

Idi Semuil nemada' amung bala ineh neneh. Sebila' bala pana' nateh inalumneh. Idi kebala Eli neneh, “Ieh ineh Tuhan. Nima' Neneh nganau' anun-anun luk do' pa kiungNeh.”