YUNUS 4:6 - BALA LUK DO'

⁶ Idi Tuhan Allah nenganau' aceh tabuh mulun iring ducungneh, pad ieh na medereh ku ét idang. Idi Yunus pelaba awang niat ku tabuh ineh.

YUNUS 4:6 Iomraidhean Croise

ESTER 5:9

Kareb Haman muli' ratnan irau ineh, ieh mawang niat. Iamo' kareb ieh nekali' Mordekai munung tanga' ruma' raca' ineh, idi Mordekai na nudur idi na nengedita' neneh kareb ieh lemaba, idi Haman pelaba useh neneh.

AYUB 7:2

mepad kudeng lun tebarin luk pian ku su luk melungung, idi mepad kudeng lemulun luk nganét tabparneh.

BALE' 23:5

Usinmu saget mabud, idi temulud mepad kudeng kanui.

YESAYA 39:2

Idi Hesekia nenganak lun luk duken ineh, idi nemada' sirendeh amung binawehneh, ieh ineh amas idi pirak, remumu' umau luk do' buen, idi teh repapeh pebunu'. Idi bang ruma'neh idi bang aput imetneh, sebuleng pana' nateh luk na bida' Raca' Hesekia nedeh.

AMOS 6:13

Muyuh mawang niat ku luk na ulek, idi pebala dengan medita' niat, “Kai metueh ngaceku lalud kai sebuleng.”

YUNUS 1:17

Idi Tuhan nengecuk aceh lawid luk rayeh nelen ni Yunus; idi kinio Yunus bang batek lawid ineh teluh aco idi teluh dacem.

YUNUS 4:5

Idi Yunus neremuat rat bang bawang ineh idi netudo pa busat aco. Idi ieh nenganau' aceh ducung inanneh tudo nganét luk mangun bang bawang ineh.

YUNUS 4:7

Iamo' kenebpa kareb nateh aco masat, Allah nenganau' aceh uled kuman tabuh ineh pad ieh naté.

LUKAS 10:20

Iamo' aleg muyuh mawang niat ngaceku amung-amung ada' maya' ukum muyuh, iamo' do' muyuh mawang niat ngaceku ngadan muyuh pangeh inayud déi' surga.”

1 KORINTUS 7:30

idi lemulun luk nangi' mepad kudeng lemulun luk na nangi', lemulun luk meriruh, mepad kudeng lemulun luk na mawang niat, lemulun luk pebelih, mepad kudeng lemulun luk na binaweh;