YUNUS 4:2 - BALA LUK DO'

² Idi ieh nesembayang inan Tuhan, kesembayangneh, “O Tuhan, kareb nateh ui nenalan ui pangeh kali' Iko miak nganau' kudeng ini. Idi punneh ui pian buro amé' Spaniol. Ui kali' Iko Allah luk mawa idi méi', idi megéi' mulai niat, idi mekatu, idi megéi' nginuud pad Iko na ngukum.

YUNUS 4:2 Iomraidhean Croise

RACA'-RACA' LUK PUN-PUN 19:4

Iamo' Elia sebuleng iné' déi' su luk ali-ali, kiado delanin seaco. Idi ieh netudo iang kayuh aru'. Idi ieh nesembayang mutuh Tuhan ngalap niatneh, kesembayangneh, “Petap derehku nekini, O Tuhan! Ngalap mo' niatku. Meluun do' ui maté!”

NANI UBUR 103:8

Tuhan mepanu' ku éi' idi awa, idi mulai niat, idi mepanu' ku awa luk lutep.

NANI UBUR 145:8

Tuhan mawa idi méi', Ieh mulai niat, idi panu' ku awa luk lutep.

NANI UBUR 78:38

Iamo' Allah méi' kuan pupuNeh. Ieh nemaré do' ku sala'deh, idi na nengaté nedeh. Megéi' Ieh ugka' ratnan usehNeh, idi ratnan gatehNeh.

NANI UBUR 86:15

O Tuhan, Iko Allah luk méi' idi mawa, idi luk na malé useh, idi megéi' mekatu idi lutep maya' jani'.

NANI UBUR 86:5

O Tuhan, Iko luk do' idi luk maré do', idi luk mepanu' ku awa luk lutep kuan amung lemulun luk sembayang Namu.

NANI UBUR 90:13

Tuda' io teh idi Iko ugka' ratnan usehMu? Do' méi' kuan demulun-demulunMu!

PURA' 32:14

Idi Tuhan nenginuud ratnan dat luk Ieh pian ngacing kuandeh.

YEREMIA 18:8

idi pupu ineh uren ratnan amung-amung datdeh, idi Ui miak ngisu' terawéKu, pad Ui na miak nganau' luk bilaKu.

YEREMIA 20:7

Tuhan, Iko nenaluk negku, idi ui pangeh sinaluk. Iko meluun tueh rat negku, idi Iko nengelaya' negku. Amung lemulun situnga negku, idi meriruh negku tebaco-tebaco.

YEREMIA 26:13

Do' muyuh ngisu' lawé muyuh idi kekamen muyuh, idi maya' bala Tuhan Allah muyuh, pad Ieh miak ngisu' terawéNeh ratnan ukum luk miak uenNeh ngacing kuan muyuh.

YEREMIA 42:10

‘Kudeng muyuh pian tudo bang bawang ini, idi Ui ngeletep nemuyuh idi na Ui ngedereh nemuyuh. Ui miak nibu nemuyuh idi na Ui mubput nemuyuh. Ui mesusa' niat ngaceku dereh luk icingKu nemuyuh.

AMOS 7:3

Idi Tuhan nenginuud, kebalaNeh, “Luk siniermu ineh na mangun.”

AMOS 7:6

Idi Tuhan nenginuud, kebalaNeh, “Luk siniermu ini pana' na mangun.”

YUNUS 1:3

Iamo' Yunus neburo rat pa kiung Tuhan amé' Tarsis. Idi kareb ieh nacing Yopa, idi inan aceh kapal; luk lélé nalan amé' Spaniol. Idi ieh nemayar tabangneh idi ieh iné' maya' ineh, ngaceku ieh pian buro, pad ieh mado ratnan Tuhan.

YUNUS 3:10

Allah nenier luk inau'deh, idi nekali' nedeh nenecan kekamendeh luk dat. Idi Ieh nenginuud idi na nengacing susa' luk pangeh bilaNeh atun.

YUNUS 3:9

Kian lek Allah miak nginuud idi ugka' ratnan usehNeh pad tau na miak maté!”

MIKA 7:18

O Tuhan, na luk idi Allah luk mepad kudeng Iko. Iko maré do' ratnan sala' lemulun luk ketecan. Idi na Iko museh kidi-kidi, iamo' Iko lutep bang awaMu.

LUKAS 10:29

Iamo' guru Ukum ineh sikal ngamo bururneh mesiri, idi keburi'neh kuan Yésus, “Idéké lun denganku ineh?”

BADA' RATNAN UKUM 4:31

Idi Tuhan Allah muyuh ineh Allah luk méi'. Na Ieh miak necan nemuyuh, idi na Ieh ngedat nemuyuh, idi na Ieh kelupan pejani'Neh luk pangeh pijani'Neh kuan tepun muyuh.