YUNUS 3:9 - BALA LUK DO'

⁹ Kian lek Allah miak nginuud idi ugka' ratnan usehNeh pad tau na miak maté!”

YUNUS 3:9 Iomraidhean Croise

SEMUIL LUK KEDUEH 12:22

Idi kebala raca', “Mo, inan peh ui mawa' idi nangi' kareb anak ineh mulun, keterawéku, ‘Idé kali', kian Tuhan méi' negku idi ngulun anak ineh baruh lek?’

NANI UBUR 106:45

Kareb Ieh nengerawé jani'Neh nedeh, idi Ieh nenginuud, ngaceku awaNeh luk rayeh.

NANI UBUR 85:3

Iko nugka' museh nedeh, idi na megateh nedeh peh.

NANI UBUR 90:13

Tuda' io teh idi Iko ugka' ratnan usehMu? Do' méi' kuan demulun-demulunMu!

YEREMIA 26:13

Do' muyuh ngisu' lawé muyuh idi kekamen muyuh, idi maya' bala Tuhan Allah muyuh, pad Ieh miak ngisu' terawéNeh ratnan ukum luk miak uenNeh ngacing kuan muyuh.

DANIEL 4:27

Ngaceku ineh, O raca', do' iko maya' bada'ku. Ugka' nganau' sala', idi nganau' luk matu; méi' kuan lun masi', pad iko uren ratnan amung-amung dat luk pangeh inau'mu, idi iko miak uen ngeperuan peh.”

AMOS 5:15

Do' megateh inan luk dat, mawa ku luk do', idi mutut ukum luk mesiri bang besara'. Kian, Tuhan Allah luk Melalud miak méi' nan sebuang pupu luk ketecan ini lek.

YUNUS 1:15

Idi ideh nengakem ni Yunus idi nemala' neneh bang abpa', idi petacu ribut ineh nugka'.

YUNUS 1:6

Idi lun luk ngimet kapal ineh iné' neneh, idi keburi'neh neneh, “Ngudeh iko rudap? Tumui iko idi nawar allahmu mutuh pedengan; kian lek ieh miak méi' netau, pad tau na maté.”

YUNUS 4:2

Idi ieh nesembayang inan Tuhan, kesembayangneh, “O Tuhan, kareb nateh ui nenalan ui pangeh kali' Iko miak nganau' kudeng ini. Idi punneh ui pian buro amé' Spaniol. Ui kali' Iko Allah luk mawa idi méi', idi megéi' mulai niat, idi mekatu, idi megéi' nginuud pad Iko na ngukum.

SEPANIA 2:3

O amung muyuh lun luk mebeneh niat bang bawang ini, luk maya' ukumNeh, do' amé' inan Tuhan. Do' nganau' luk matu dengan mebeneh niat, pad muyuh mepuit lek kareb aco luk inan Tuhan ngegala' usehNeh.

SEMUIL LUK PUN-PUN 6:5

Do' muyuh nganau' ayu kimuh idi ayu labo luk ngedat bawang muyuh, idi ngamo sala' muyuh pa kiung Allah lun Israil. Kian Ieh ugka' ngukum nemuyuh, akang muyuh, idi tana' muyuh lek.