YUNUS 3:8 - BALA LUK DO'

⁸ Do' amung lemulun idi aya' pana' nacung. Do' anid burur sembayang inan Allah dengan niat luk matu, idi necan kekamenneh luk dat idi sala' luk pangeh inau'neh.

YUNUS 3:8 Iomraidhean Croise

AYUB 16:17

iamo' nateh ui nengedereh nelun, idi sembayangku pa kiung Allah matu.

AYUB 36:10

Ieh mada' nedeh pad ideh ninger, idi teketed ratnan datdeh.

YESAYA 58:6

“Kudeng ini lawéneh mawa' luk pianKu: Neka kaling dereh idi paga' ukum luk na mesiri; idi muit lemulun luk pidereh.

YEREMIA 18:11

Ngaceku ineh do' mada' nelun Yahuda idi lun Yerusalim, kebalamu, ‘Ui ini Tuhan luk mileh mipi' kuden. Ui temina' ku ukum kuan muyuh. Do' muyuh uren ratnan kekamen muyuh luk dat idi ngisu' lawé idi kekamen muyuh.’

YEREMIA 25:5

Ideh nengecuk nemuyuh lumi ratnan lawé idi kekamen muyuh luk dat, pad muyuh miak tudo bang bawang luk biré Tuhan nemuyuh idi inan tepun muyuh mangun ku babpat muyuh luk meruked.

YEREMIA 26:3

Kian, lemulun ineh miak ninger idi necan kekamendeh luk dat lek. Kudeng pieh kudeng ineh Ui miak ngisu' terawéKu ratnan ukum luk uenKu ngacing kuandeh ngaceku kekamendeh luk dat ineh.”

YEREMIA 36:3

Kian, kareb lun Yahuda ninger ratnan amung-amung susa' luk ruenKu ngacing nedeh, idi ideh miak teketed ratnan kekamendeh luk dat lek. Idi Ui miak maré do' ratnan datdeh idi sala'deh.”

YEHISKIEL 33:11

Mada' nedeh, Ui ini Tuhan Allah luk mulun na sikal nier lun luk mesala' maté. Ui pian nier neneh uleg ratnan sala' idi mulun. O Israil, ugka' nganau' kekamen luk dat. Ngudehké iko sikal maté?

DANIEL 4:27

Ngaceku ineh, O raca', do' iko maya' bada'ku. Ugka' nganau' sala', idi nganau' luk matu; méi' kuan lun masi', pad iko uren ratnan amung-amung dat luk pangeh inau'mu, idi iko miak uen ngeperuan peh.”

YOEL 1:14

Do' ngecuk mawa' na kuman, idi nganau' aceh tebubpun sembayang; do' ngamung amung lun rayeh luk nguyut, idi amung pupu Yahuda bang Ruma' Tuhan Allah muyuh, idi nawar Neneh.

YUNUS 1:14

Idi ideh nengitang nawar Tuhan, kesembayangdeh, “O Tuhan, kai mutuh Namu, aleg nima' nekai maté, ngaceku kai nala' lemulun ini. Aleg ngukum nekai mepad kudeng lun luk ngaté; ngaceku iko, O Tuhan luk nemada' nekai ratnan luk miak ruen kai.”

YUNUS 1:6

Idi lun luk ngimet kapal ineh iné' neneh, idi keburi'neh neneh, “Ngudeh iko rudap? Tumui iko idi nawar allahmu mutuh pedengan; kian lek ieh miak méi' netau, pad tau na maté.”

MATIUS 3:8

Do' muyuh ngeruat bua' luk petulu dengan uren.

KEKAMEN RASUL-RASUL 26:20

Ui nemada' atun déi' Damsik idi déi' Yerusalim idi muci libut-libut tana Yudia, idi arang lun pupu baken, pad ideh uren, idi lumi inan Allah dengan nganau' kekamen luk petulu dengan uren ineh.

KEKAMEN RASUL-RASUL 3:19

Ngaceku ineh do' muyuh uren idi lumi inan Allah pad Ieh ngiu' sala' muyuh,

BALA LUK LINIO 11:3

Idi Ui miak maré dueh lun nekali' Negku mada' pad macing 1,260 aco kinioneh, idi didueh miak ngayung ku kibung guni.”