YUNUS 3:7 - BALA LUK DO'

⁷ Idi ieh nemaré kali' kuan amung lun Ninewé: “Ini aceh ukum ratnan raca' idi lun rayeh-rayeh teh: Seburur pana' nateh miak kuman anun-anun; do' lemulun, idi sapi', idi dumba pana', na miak kuman idi ngirup.

YUNUS 3:7 Iomraidhean Croise

INUL LUK KEDUEH 20:3

Yosapat matot, idi ieh nesembayang idi nenakap Tuhan. Idi ieh nengecuk lun aput bawang Yahuda mawa'.

ESRA 8:21

Idi ui nengeletep aco luk inan mawa' i tangeb Abang Ahaba, pad kai ngebeneh burur kai pa kiung Allah kai, idi pad mutuh Neneh nguyut nekai maya' dalan idi matar nekai, dengan anak-anak, aya', idi binaweh kai.

YOEL 1:18

Idi amung dumba idi sapi' pana' muni ku laudeh! Idi dawa' sapi' megagau, ngaceku na uduh kenendeh. Idi dawa' dumba pana' medereh teh.

YUNUS 3:5

Idi lun Ninewé nemanu inan bala Allah. Idi ideh nengecuk amung-amung lun bang bawang ineh mawa' na kuman. Idi ideh nenacung mangun ku tanu'deh pangeh nuren, do' lun dat idi lun do' pana'.