YUNUS 3:6 - BALA LUK DO'

⁶ Kareb raca' Ninewé nekali' bala ineh, idi ieh nudur ratnan kerusineh, idi nengelengu kuyu'neh, idi ieh nenacung idi netudo luun abuh.

YUNUS 3:6 Iomraidhean Croise

RACA'-RACA' LUK PUN-PUN 21:27

Idi kareb Akab neninger amung bala ini, idi ieh nenarak ayungneh. Idi ieh nengayung ku kibung guni ineh. Idi ieh na kuman. Idi ieh rudap dengan kibung guni ineh. Idi ieh nenalan dengan meberat niat.

AYUB 2:8

Idi Ayub iné' tudo iring aceh bubpun arap. Idi ieh nengalap aceh bila' sidangur pingukutneh puruhneh.

AYUB 42:6

idi ui migu' ngaceku amung luk bilaku, idi nekini ui uren tu-tu.

YESAYA 15:3

Lemulun luk maya' dalan nacung. Déi' luun natad bawang idi luun apo ruma'deh luk mebalad ideh temido idi nangi'.

YEREMIA 13:18

Kebala Tuhan ni Yeremia, “Do' ngecuk raca' idi tinanneh, temurun rat luun kerusideh, ngaceku patadeh luk pelaba do' pangeh nebpeh rat luun uluhdeh.

YEREMIA 36:13

Idi Mikaya nemada' nedeh ratnan amung bala luk bica' Baruk nelun mula'.

YEREMIA 36:24

Iamo' raca' idi lun rayehneh luk neninger bala surat ineh na matot idi na uren.

YEREMIA 6:26

Kebala Tuhan kuan pupuNeh, “Do' muyuh nacung idi telubid luun abuh. Idi temido mepad kudeng muyuh temido, kareb anak buleng muyuh luk deléi maté. Bunu' luk sikal ngaté nemuyuh miak macing denak-denak.

TIDO YEREMIA 2:10

Lun mengered rat Yerusalim tudo idi ungeng; idi nacung dengan abuh luun uluhdeh. Anak adi' decur munel idi nier i tana'.

TIDO YEREMIA 3:29

Aleg tau ngedureng, ngaceku inan teh rapet.

YEHISKIEL 26:16

Raca' amung pupu luk mileh maya' kapal déi' abpa' rayeh miak temurun rat luun kerusideh. Ideh miak ngelengu kuyu' raca'deh luk tibaruh, idi tudo luun tana' dengan megegker. Ideh pelaba tot ku ukummu, pad ideh na miak ugka' megegker.

DANIEL 9:3

Idi ui nesembayang inan Tuhan Allah, idi nemutuh rat Neneh, idi mawa' na kuman, idi nenacung, idi tudo luun abuh.

MIKA 1:10

Aleg mada' nelun Gat ratnan laya' tau. Aleg nima' nedeh nier nemuyuh nangi'. O muyuh lun Bait Lapra, do' muyuh siluti bang abuh.

MATIUS 11:21

“Mesusa' kuanmu Korasin! Mesusa' kuanmu Baitsaida! Ngaceku kudeng kekamen luk melalud pangeh inau' bang Sur idi Sidon, kudeng luk pangeh inau' bang nemedueh, kali' rungen ideh pangeh nacung idi nuren mon.

LUKAS 10:13

“Mesusa' kuanmu, O Korasin! Mesusa' kuanmu, O Baitsaida! Ngaceku kudeng kekamen luk melalud pangeh inau' bang bawang Sur idi Sidon, kudeng luk pangeh inau' bang nemedueh, kali' rungen ideh pangeh nuren mon dengan tudo bang abuh idi inayung ku guni.