YUNUS 3:5 - BALA LUK DO'

⁵ Idi lun Ninewé nemanu inan bala Allah. Idi ideh nengecuk amung-amung lun bang bawang ineh mawa' na kuman. Idi ideh nenacung mangun ku tanu'deh pangeh nuren, do' lun dat idi lun do' pana'.

YUNUS 3:5 Iomraidhean Croise

RACA'-RACA' LUK KEDUEH 19:1

Kareb Raca' Hesekia neninger baladeh, idi ieh nengerarak ayungneh ku susa' niatneh. Idi ieh nenacung idi iné' bang Ruma' Allah.

INUL LUK KEDUEH 20:3

Yosapat matot, idi ieh nesembayang idi nenakap Tuhan. Idi ieh nengecuk lun aput bawang Yahuda mawa'.

ESRA 8:21

Idi ui nengeletep aco luk inan mawa' i tangeb Abang Ahaba, pad kai ngebeneh burur kai pa kiung Allah kai, idi pad mutuh Neneh nguyut nekai maya' dalan idi matar nekai, dengan anak-anak, aya', idi binaweh kai.

ESTER 4:1

Kareb Mordekai nekali' bala ineh, ieh nengerarak ayungneh ku susa' niatneh. Idi ieh nenacung idi lawé-lawé bang bawang dengan pelaba tangi',

PURA' 33:6

Idi kareb lun Israil nenalan rat Pegkung Sinai, na ideh nengayung ku ayung amas.

YEREMIA 31:34

Idi na ideh megéi' mada' nelun dengandeh, idi pebala inan kinanak-kinanakdeh, ‘Do' muyuh miti Tuhan,’ ngaceku amung-amungdeh miak miti Negku, anak-anak idi lun rayeh pana'. Ui miak maré do' ratnan sala'deh idi na ngerawé kekamendeh luk dat teh. Ui ini Tuhan pangeh nepebala.”

YEREMIA 36:9

Bang bulan iwa', lak luk kelimeh kareb Raca' Yoyakim ngimet Yahuda, ideh nenganau' aco luk inan mawa' na kuman pa kiung Tuhan. Idi amung lun Yerusalim idi lemulun luk nacing rat bawang-bawang Yahuda nemaya' aco ineh.

YEREMIA 42:1

Idi amung lun rayeh baweh dengan Yohanan Karia idi Asaria Hosaya nacing dengan anak itindeh, lun do' idi lun dat pana'.

YEREMIA 42:8

Idi Yeremia nengamung Yohanan Karia dengan amung lun rayeh baweh luk idi denganneh, idi anak itindeh, lun do' idi lun dat pana'.

DANIEL 9:3

Idi ui nesembayang inan Tuhan Allah, idi nemutuh rat Neneh, idi mawa' na kuman, idi nenacung, idi tudo luun abuh.

YOEL 1:14

Do' ngecuk mawa' na kuman, idi nganau' aceh tebubpun sembayang; do' ngamung amung lun rayeh luk nguyut, idi amung pupu Yahuda bang Ruma' Tuhan Allah muyuh, idi nawar Neneh.

YUNUS 3:7

Idi ieh nemaré kali' kuan amung lun Ninewé: “Ini aceh ukum ratnan raca' idi lun rayeh-rayeh teh: Seburur pana' nateh miak kuman anun-anun; do' lemulun, idi sapi', idi dumba pana', na miak kuman idi ngirup.

MATIUS 12:41

Lemulun rat bawang Ninewé sikal tumui kareb Aco Ngukum peranga' dengan inul ini, idi ideh miak ngesala' inul ini, ngaceku ideh nuren ngaceku ratnan bada' Yunus; idi inan tungé' Seburur Lemulun luk meluun rayeh ratnan Yunus.

LUKAS 11:32

Kareb Aco Ngukum lun Ninewé miak tumui pad-pad dengan inul ini idi ngesala' neneh; ngaceku ideh nuren ku bada' Yunus, idi inan tungé' seburur lemulun luk meluun rayeh ratnan Yunus.

KEKAMEN RASUL-RASUL 27:25

Ngaceku ineh, O lun muyuh, lutep mo' niat muyuh ngaceku ui manu inan Allah, idi mepad kudeng bala luk biréNeh kuanku, ieh ineh teh luk miak mangun.

KEKAMEN RASUL-RASUL 8:10

Idi amung lun luk bang bawang ineh, do' lun dat idi lun do' pana' neninger balaneh idi nepebala, “Lun ini, ieh ineh lalud Allah luk titen Lalud Rayeh ineh.”

IBERANI 11:1

Idi anu, ieh ineh lutep ratnan amung-amung luk inan merapet, idi gala' ratnan amung-amung luk na siren.

IBERANI 11:7

Ratnan anu teh, Noh neninger bada' Allah ratnan luk miak mangun, sagan pana' ineh na miak sirenneh. Idi ieh nenganau' temina' aceh alud rayeh pad miak ngulun amung uang tetek ruma'neh. Dengan luk kudeng ineh Noh nengesala' tana' ini, idi ieh nengalap ratnan Allah babpat luk matu luk macing ratnan anu ineh.

BALA LUK LINIO 11:3

Idi Ui miak maré dueh lun nekali' Negku mada' pad macing 1,260 aco kinioneh, idi didueh miak ngayung ku kibung guni.”