YUNUS 3:4 - BALA LUK DO'

⁴ Kareb Yunus pangeh nenalan, seaco kinioneh bang bawang ineh, ieh nemada' nedeh, keburi'neh, “Apat ngepulu' aco teh rat aco sini bawang Ninewé ini miak uen ngusag!”

YUNUS 3:4 Iomraidhean Croise

RACA'-RACA' LUK KEDUEH 20:1

Kareb ineh Hesekia mebura' ét lélé maté. Idi Nabi Yesaya Amos iné' neneh, kebalaneh, “Kudeng ini bala Tuhan, Periteteng iko kuan uang tetek ruma'mu, ngaceku iko lélé maté. Ngaceku na ét mini amé' do'.”

RACA'-RACA' LUK KEDUEH 20:6

Ui miak ngekadang ulunmu pulu' limeh lak baruh. Idi Ui miak muit namu idi bawang Yerusalim rat bang palad raca' Asur. Idi Ui miak nginita bawang ini, ngaceku ngadanKu idi ngaceku jani'Ku kuan demulunKu Daud.”

YESAYA 30:18

Iamo' Tuhan temina' méi' nemuyuh. Idi Ieh pian ngegala' katuNeh nemuyuh, ngaceku Ieh megéi' nganau' luk matu. Awang macing kuan lemulun luk merapet inan Tuhan.

YEREMIA 42:10

‘Kudeng muyuh pian tudo bang bawang ini, idi Ui ngeletep nemuyuh idi na Ui ngedereh nemuyuh. Ui miak nibu nemuyuh idi na Ui mubput nemuyuh. Ui mesusa' niat ngaceku dereh luk icingKu nemuyuh.

YUNUS 3:10

Allah nenier luk inau'deh, idi nekali' nedeh nenecan kekamendeh luk dat. Idi Ieh nenginuud idi na nengacing susa' luk pangeh bilaNeh atun.

MATIUS 12:41

Lemulun rat bawang Ninewé sikal tumui kareb Aco Ngukum peranga' dengan inul ini, idi ideh miak ngesala' inul ini, ngaceku ideh nuren ngaceku ratnan bada' Yunus; idi inan tungé' Seburur Lemulun luk meluun rayeh ratnan Yunus.

LUKAS 11:30

Mepad kudeng Yunus mangun ku aceh tanu' kuan lun Ninewé, kudeng ineh teh Anak-lemulun mangun ku tanu' kuan inul ini.

LUKAS 11:32

Kareb Aco Ngukum lun Ninewé miak tumui pad-pad dengan inul ini idi ngesala' neneh; ngaceku ideh nuren ku bada' Yunus, idi inan tungé' seburur lemulun luk meluun rayeh ratnan Yunus.

BADA' RATNAN UKUM 18:22

Kareb aceh nabi pebala dengan ngadan Tuhan, idi luk bida'neh ineh na mangun, ieh ineh baken bala Tuhan. Idi nabi ineh pangeh pebala dengan dita' niatneh. Aleg iko matot neneh.