YUNUS 3:10 - BALA LUK DO'

¹⁰ Allah nenier luk inau'deh, idi nekali' nedeh nenecan kekamendeh luk dat. Idi Ieh nenginuud idi na nengacing susa' luk pangeh bilaNeh atun.

YUNUS 3:10 Iomraidhean Croise

INUL LUK PUN-PUN 21:15

Idi Allah nengecuk aceh melaikat amé' déi' Yerusalim pad ieh ngusag bawang ineh. Iamo' Tuhan nenginuud; idi kebalaNeh kuan melaikat ineh, “Pangeh petap ineh peh. Ngeluut ticu'mu nekini.” Idi melaikat Tuhan ineh netuped iring su inan Arauna lun Yebusi rumik ineh.

PURA' 32:14

Idi Tuhan nenginuud ratnan dat luk Ieh pian ngacing kuandeh.

BALE' 28:13

Na iko uen ngeperuan kudeng iko ngalum sala'mu. Do' ngamo idi uren, pad Allah méi' namu.

YESAYA 30:18

Iamo' Tuhan temina' méi' nemuyuh. Idi Ieh pian ngegala' katuNeh nemuyuh, ngaceku Ieh megéi' nganau' luk matu. Awang macing kuan lemulun luk merapet inan Tuhan.

YEREMIA 18:7

Kudeng idan-idan Ui pebala, Ui sikal mubput, ngaro, idi ngusag aceh pupu idi aceh bawang,

YEREMIA 18:8

idi pupu ineh uren ratnan amung-amung datdeh, idi Ui miak ngisu' terawéKu, pad Ui na miak nganau' luk bilaKu.

YEREMIA 36:3

Kian, kareb lun Yahuda ninger ratnan amung-amung susa' luk ruenKu ngacing nedeh, idi ideh miak teketed ratnan kekamendeh luk dat lek. Idi Ui miak maré do' ratnan datdeh idi sala'deh.”

YEREMIA 42:10

‘Kudeng muyuh pian tudo bang bawang ini, idi Ui ngeletep nemuyuh idi na Ui ngedereh nemuyuh. Ui miak nibu nemuyuh idi na Ui mubput nemuyuh. Ui mesusa' niat ngaceku dereh luk icingKu nemuyuh.

YOEL 2:13

Nima' niat muyuh luk meberat ngegala' susa' muyuh, aleg narak kuyu' muyuh sebuleng mo'.” Lemubed amé' inan Tuhan Allah muyuh. Ieh do' niat idi panu' ku éi'. Ieh mulai niat idi maya' jani'Neh. Ieh pian maré do' idi na sikal ngukum.

AMOS 7:3

Idi Tuhan nenginuud, kebalaNeh, “Luk siniermu ineh na mangun.”

AMOS 7:6

Idi Tuhan nenginuud, kebalaNeh, “Luk siniermu ini pana' na mangun.”

YUNUS 4:11

Meluun teh Ui méi' kuan bawang Ninewé luk rayeh ineh dengan meratu dueh ngepulu' ribu mela anak luk na mesala' idi aya'deh luk mula' teh!”

YUNUS 4:2

Idi ieh nesembayang inan Tuhan, kesembayangneh, “O Tuhan, kareb nateh ui nenalan ui pangeh kali' Iko miak nganau' kudeng ini. Idi punneh ui pian buro amé' Spaniol. Ui kali' Iko Allah luk mawa idi méi', idi megéi' mulai niat, idi mekatu, idi megéi' nginuud pad Iko na ngukum.

LUKAS 11:32

Kareb Aco Ngukum lun Ninewé miak tumui pad-pad dengan inul ini idi ngesala' neneh; ngaceku ideh nuren ku bada' Yunus, idi inan tungé' seburur lemulun luk meluun rayeh ratnan Yunus.

LUKAS 15:20

Idi ieh nenalan idi iné' inan tamanneh. “Iamo' kareb ieh mado, tamanneh pangeh nekali' neneh, idi niatneh sigio ngaceku méi' neneh, idi tamanneh nupun nengapel dierneh idi nemuen neneh.