YUNUS 2:8 - BALA LUK DO'

⁸ Ideh luk sembayang inan akangdeh luk na ulek, pangeh nenecan Namu,

YUNUS 2:8 Iomraidhean Croise

RACA'-RACA' LUK KEDUEH 17:15

Idi na ideh nemaya' balaNeh idi ideh nengedat pejani' luk pangeh inau' Tuhan kuan tepundeh ineh, idi amung bada' luk pangeh icing nedeh ineh idi ideh nemaya' akang luk na ulek, pad ideh pana' na ulek teh. Idi ideh nemaya' lawé amung pupu luk tudo libut-libutdeh ineh, ieh ineh luk bibpeng Tuhan na miak ruen.

NANI UBUR 142:4

Ui nier libutku na lemulun luk miak ngedengan negku; seburur pana' nateh luk matar idi méi' negku.

NANI UBUR 31:6

Iko megateh inan lemulun luk sembayang inan akang luk na ulek. Iamo' ui merapet inan Tuhan.

NANI UBUR 69:14

Ngulun negku pad ui na mened bang buri ini; idi muit negku ratnan bunu'ku, idi rat bang abpa' luk medalem.

YEREMIA 10:8

Amung-amung lun mileh arangdeh mebacé. Miakké akang kayuh mada' nedeh ratnan anun-anun?

YEREMIA 16:19

O Tuhan, Iko luk matar negku, idi maré tueh kuanku. Iko megéi' ngedengan negku kareb inan susa'. Amung pupu rat iring tana' miak amé' Namu idi pebala, “Tepun kai nesembayang inan allah luk mebalih mo', idi akang luk na ulek.

YEREMIA 2:13

PupuKu pangeh nenganau' dueh sala': ideh nenecan Negku, ieh ineh aceh bued abpa' luk do'; idi ideh nengukat tuda'-tuda' subuk, luk na inan abpa' mudeng.

MIKA 1:2

O amung pupu, ninger bala ini idi amung muyuh luk tudo bang tana' ini! Tuhan Allah miak mangun ku lun nekali' ratnan muyuh. Ninger! Tuhan pebala rat ruma'Neh luk déi' Surga.

SEMUIL LUK PUN-PUN 12:21

Aleg muyuh umai pian maya' allah luk mo'-mo' luk na ulek idi luk na miak ngedengan. Ngaceku mo'-mo' mo' ineh.