YUNUS 2:7 - BALA LUK DO'

⁷ Kareb niatku lélé meputut, idi ui nengerawé Namu O Tuhan, idi sembayangku nacing Namu, bang Ruma'Mu luk meligan.

YUNUS 2:7 Iomraidhean Croise

INUL LUK KEDUEH 30:27

Amung imam idi lun Liwi nemutuh peruan Tuhan kuan lun mula' ineh. Idi putuhdeh pindenger Tuhan déi' bang surga.

NANI UBUR 11:4

Tuhan idi bang ruma'Neh luk meligan; idi kerusiNeh bang surga. Ieh nier amung-amung lemulun, idi kali' anun luk ruendeh.

NANI UBUR 142:3

Kareb ui pelaba laya', Iko kali' luk miak ruenku. Bunu'ku pangeh netumen abpung su dalanku.

NANI UBUR 143:5

Ui ngerawé aco luk pangeh nepelaba, idi amung luk pangeh inau'Mu, idi kekamenMu luk inan mawa.

NANI UBUR 18:6

Idi bang susa'ku ui nenawar Tuhan. Ui nenawar Allahku mutuh pedengan. Bang ruma'Neh Ieh neninger tawarku. Ieh neninger tawarku mutuh pedengan.

NANI UBUR 20:7

Sebuangdeh merapet ku keréta belawan, idi sebuang merapet ku kuda; iamo' tau merapet ku lalud Tuhan Allah tau!

NANI UBUR 22:14

Tuehku nabud, mepad kudeng abpa' luk inutat. Amung-amung bukuh tulangku pekisu'; idi niatku mepad kudeng ulih luk remuno.

NANI UBUR 27:13

Ui manu ui miak mulun idi nier do' Tuhan negku.

NANI UBUR 42:11

Ngudeh ui pelaba dat niat lek? Ngudeh ui pelaba susa'? Ui miak merapet inan Allah, idi sekua' teh ui miak ngubur Neneh, Lun Nengulun negku idi Allahku.

NANI UBUR 42:5

Ngudeh ui pelaba dat niat lek? Ngudeh ui pelaba susa'? Ui miak merapet inan Allah, idi sekua' teh ui miak ngubur Neneh, Lun Nengulun negku idi Allahku.

NANI UBUR 43:5

Ngudeh ui pelaba dat niat lek? Ngudeh ui pelaba susa'? Ui miak merapet inan Allah, idi sekua' teh ui miak ngubur Neneh, Lun Nengulun negku idi Allahku.

NANI UBUR 65:4

Samal kuan lemulun luk pilinMu, idi luk itenMu tudo bang su inan luk meligan! Kai miak mebor ku amung luk do' bang ruma'Mu, idi peruan luk bang ruma'Mu luk meligan!

YESAYA 38:17

Susa' niatku miak misu' ku awang. Iko ngulun negku ratnan amung dereh; Iko maré do' ratnan amung sala'ku.

YESAYA 50:10

O lun muyuh luk matot nan Tuhan, idi luk maya' bala DemulunNeh — Kareb muyuh maya' dalan luk medacem, do' manu inan Tuhan idi merapet inan Allah muyuh.

YUNUS 2:4

Kebalaku, “Ui pangeh tila' rat pa kiungMu, kudeng apeh ui miak nier ruma'Mu luk meligan ineh teh.

MIKA 1:2

O amung pupu, ninger bala ini idi amung muyuh luk tudo bang tana' ini! Tuhan Allah miak mangun ku lun nekali' ratnan muyuh. Ninger! Tuhan pebala rat ruma'Neh luk déi' Surga.

HABAKUK 2:20

Tuhan idi bang Ruma'Neh luk meligan. Do' amung lemulun bang tana' ini pirud pa kiungNeh.

IBERANI 12:3

Do' muyuh ngerawé Neneh luk pangeh nedereh ku gateh niat lemulun luk mesala', pad muyuh na musam idi metalang niat.

SEMUIL LUK PUN-PUN 30:6

Idi Daud pelaba dereh, ngaceku lun mula' ineh pegayam sikal mitung neneh ku batu, ngaceku ideh mét niat ku anakdeh luk tiban ineh. Iamo' Tuhan Allahneh nengeletep niat Daud pad ieh mekuu'.