YUNUS 2:4 - BALA LUK DO'

⁴ Kebalaku, “Ui pangeh tila' rat pa kiungMu, kudeng apeh ui miak nier ruma'Mu luk meligan ineh teh.

YUNUS 2:4 Iomraidhean Croise

RACA'-RACA' LUK PUN-PUN 8:48

Idi kudeng ideh uren matu-matu bang bawang ineh idi sembayang Namu sium pa bawang luk pangeh biréMu kuan tepundeh, ieh ineh bawang luk pinili'Mu, idi Ruma' ini luk pinudutku kuanMu,

RACA'-RACA' LUK PUN-PUN 9:7

kali' rungen Ui nala' nelun Israil rat bang bawang luk pangeh biréKu kuandeh, idi Ruma' ini luk pangeh liniganKu mangun ku luk inan sembayang Negku, pad lun pupu baken miak situnga nan Israil aput-aput tana'.

INUL LUK KEDUEH 6:38

Kudeng ideh uren matu-matu bang bawang ineh, pad ideh sembayang Namu sium pa bawang ini luk biréMu kuan tepun kai, ieh ineh bawang luk pinili'Mu ineh, idi Ruma' ini luk pinudutku kuanMu,

NANI UBUR 31:22

Ui matot idi nepebala, “Ui pangeh tila' rat pa kiungMu.” Iamo' Iko neninger tawarku, kareb ui nenawar Namu mutuh pedengan.

NANI UBUR 42:8

Do' Tuhan ngegala' awaNeh luk lutep anid-anid aco, pad ui menani anid-anid alem, idi sembayang nan Allah luk kuan ulunku.

NANI UBUR 5:7

Ngaceku awaMu luk rayeh, ui miak semuet bang ruma'Mu, idi sembayang bang Ruma'Mu luk meligan idi munel pa kiungMu dengan tot.

NANI UBUR 88:6

Iko nenala' negku bang su luk inan até', idi lubang luk pelaba dalem idi medacem teh.

NANI UBUR 88:7

UsehMu pelaba berat kuanku, ui lélé mekarem ku ributneh.

YESAYA 38:17

Susa' niatku miak misu' ku awang. Iko ngulun negku ratnan amung dereh; Iko maré do' ratnan amung sala'ku.

YESAYA 49:14

Iamo' kebala lun Yerusalim, “Tuhan pangeh nenecan netau! Ieh nekelupan netau.”

YEREMIA 15:1

Kebala Tuhan negku, “O Yeremia, sagan pana' Musa idi Semuil tuped ieni, idi mutuh rat Negku, idi Ui na miak méi' kuan pupu ini. Ngecuk nedeh buro rat pa kiungKu.

YEREMIA 7:15

Ui miak masut nemuyuh rat pa kiungKu, mepad kudeng luk inau'Ku kuan pupu muyuh lun Epraim.”

TIDO YEREMIA 3:54

Abpa' temubu', idi ui ngerawé maté.

YEHISKIEL 37:11

Kebala Allah negku, “O lemulun, lun Israil mepad kudeng tulang ini. Kebaladeh, ‘Kai tekering, idi na luk inan merapet, idi na kekiped kai.’

DANIEL 6:10

Kareb Daniel nekali' idi ukum ineh pangeh pinutut, idi ieh nuli'. Idi déi' bang parung ruma'neh inan teluh tabuk luk petutup bawang Yerusalim. Idi déi' bang parung ruma'neh inan teluh tabuk luk petutup bawang Yerusalim. Idi ieh netekeradung munung tabuk luk mukab ineh idi nesembayang pa kiung Allah teluh kua' seaco mepad kudeng luk pekalai.

YUNUS 2:7

Kareb niatku lélé meputut, idi ui nengerawé Namu O Tuhan, idi sembayangku nacing Namu, bang Ruma'Mu luk meligan.