YUNUS 2:2 - BALA LUK DO'

² “O Tuhan, bang susa'ku ui nenawar Namu, idi Iko nengua' sembayangku. Rat bang su luk inan até ui nenawar mutuh pedengan, idi Iko neninger tawarku,

YUNUS 2:2 Iomraidhean Croise

INUL LUK KEDUEH 33:12

Iamo' bang derehneh ieh mebeneh niat, pad ieh nemutuh pedengan ratnan Tuhan Allahneh.

NANI UBUR 116:3

Até nemicet abetneh libutku, idi rapang até nacing negku; idi ui mepanu' ku tot idi dereh.

NANI UBUR 120:1

Kareb ui inan susa' ui nenawar Tuhan, idi Ieh nengua' tawarku.

NANI UBUR 16:10

Ngaceku Iko matar negku ratnan lalud até', idi na Iko nima' lemulun luk inanMu mawa amé' su luk inan até.

NANI UBUR 22:24

Na Ieh kelupan dereh lun masi', Ieh megéi' nginita nedeh. Na Ieh mado rat nedeh, iamo' Ieh ngor kareb ideh nawar mutuh pedengan.”

NANI UBUR 34:6

Lemulun luk inan susa' nawar Tuhan, idi Ieh ngua' kuandeh; Ieh muit nedeh ratnan amung susa'deh.

NANI UBUR 4:1

Ngua' kuanku kareb ui nawar, O Allah, Batu Libungku! Kareb ui bang susa', Iko ngedengan negku. Méi' negku idi ninger sembayangku!

NANI UBUR 61:2

Kareb ui bang susa' mado rat ruma', ui nawar Namu! Nguit negku amé' nan Libung Batu luk do',

NANI UBUR 65:2

Ngaceku Iko luk ngua' sembayangdeh. Amung-amung lemulun miak amé' Namu,

NANI UBUR 86:13

Pelaba rayeh awaMu luk lutep kuanku! Iko pangeh nengulun negku ratnan até.

YESAYA 14:9

“Su luk inan até netemina' ngalap raca' Babil. Roh lemulun luk inan lalud bang tana' ini sigio su ineh. Roh raca'-raca' tumui rat luun kerusideh.

TIDO YEREMIA 3:55

“Ui nenawar Namu O Tuhan rat bang lubang ineh.

YEHISKIEL 26:20

Ui maré namu semuet bang su luk inan até, pad iko perurum nelun luk mulun bang kareb luk mon. Ui ngecuk namu tudo meparud pa liang tana' arang usag luk meruked dengan lun naté. Iko na miak lemubed rat ieneh, pad tudo bang tana' lun luk mulun.

YEHISKIEL 31:14

Idi rat pad sini sebuleng kayuh pana' na miak amé' medita' pad macing nan laput, sagan tu pana' uen mubpur. Amung-amungdeh pana' miak maté mepad kudeng lemulun, idi amé' perurum nedeh bang su luk inan até.”

MATIUS 12:40

Ngaceku mepad kudeng Yunus netudo teluh aco idi teluh dacem kinioneh bang batek lawid rayeh, kudeng ineh teh Anak-Lemulun miak tudo bang lubang tana' teluh aco idi teluh dacem kinioneh.

LUKAS 11:10

Ngaceku anid-anid lemulun luk mutuh miak ngalap; idi lemulun luk nakap miak kali', idi kuan lemulun luk nateg, tanga' ineh miak kabin.

LUKAS 22:44

Dengan pelaba dereh Ieh meluun tueh sembayang, pad panaNeh mangun kudeng dara' temepek luun tana'.

KEKAMEN RASUL-RASUL 2:27

ngaceku na Iko maré niatku bang su inan até; idi na Iko maré DemulunMu luk meligan ruen melu.

IBERANI 5:7

Kareb Yésus mulun bang tana' ini, Ieh pana' nesembayang idi nemutuh dengan rayeh arod idi tangi' pa kiung Allah luk melalud ngulun Neneh ratnan até. Idi sembayang Yésus pangeh pindenger Allah ngaceku Ieh nengebeneh bururNeh pa kiung Allah.

SEMUIL LUK PUN-PUN 1:16

Aleg iko ngerawé negku seburur decur luk dat. Ui sembayang kudeng ini ngaceku ui pelaba susa' niat.”

SEMUIL LUK PUN-PUN 30:6

Idi Daud pelaba dereh, ngaceku lun mula' ineh pegayam sikal mitung neneh ku batu, ngaceku ideh mét niat ku anakdeh luk tiban ineh. Iamo' Tuhan Allahneh nengeletep niat Daud pad ieh mekuu'.