YUNUS 1:9 - BALA LUK DO'

⁹ Idi keburi' Yunus, “Ui ini lun Iberani, ui sembayang inan Tuhan Allah déi' Surga, luk nenganau' abpa' idi tana'.”

YUNUS 1:9 Iomraidhean Croise

PUDUT 1:10

Idi Allah neneten su luk tekering ineh “Tana'”, idi abpa' luk nepamung ineh titenNeh “Abpa' Rayeh.” Idi Allah nenier amung luk inau'Neh idi Ieh mawang niat.

PUDUT 14:13

Idi seburur lun luk nepuit nupun nemada' bala ineh ni Abram, lun Iberani ineh, luk tudo muneng ku lawa kayuh Mamré luk meraben. Mamré ineh seburur lun Amori, luk kinanak Eskol idi Aner, ieh ineh lun luk megéi' ngedengan ni Abram.

PUDUT 24:7

Tuhan Allah luk kuan langit nenguit negku rat bang ruma' tamanku idi rat bang bawang luk inanku tinganak. Idi Ieh nepejani' maré tana' ini kuan anak inulku. Ieh miak ngecuk melaikatNeh amé pa atunmu, pad iko ngalap seburur decur ku awan anakku rat déi'.

PUDUT 39:14

Idi ieh nenawar amung lun duken luk bang ruma'neh idi kebalaneh nedeh, “Siruh, awanku nengalap seburur lun Iberani tudo dengan tau. Idi ieh sikal ngigu' netau, ngaceku ieh iné' negku sikal pamung negku, iamo' ui nengitang.

RACA'-RACA' LUK KEDUEH 17:25

Idi kareb ideh pun tudo déi' idi na ideh matot inan Tuhan, idi Tuhan nengecuk tuda'-tuda' balang amé' nedeh luk nengaté tuda'-tuda' rat arangdeh.

RACA'-RACA' LUK KEDUEH 17:28

Idi seburur imam rat nelun Israil luk pangeh inuitdeh rat bawang Samaria iné' tudo déi' Baitel. Idi ieh nemada' pupu ineh ratnan lawé sembayang inan Tuhan.

ESRA 1:2

“Kudeng ini bala Kores raca' Parsi: Tuhan Allah Surga pangeh nemaré negku amung imet luk luun tana'. Idi pangeh Ieh nengecuk negku mudut aceh Ruma' kuanNeh déi' Yerusalim luk bang tana' Yahuda.

ESRA 5:11

“Idi ideh nengor bala kai kudeng ini: ‘Kai ini lun duken Allah langit idi tana', idi kai mudut Ruma' ini luk pangeh pinudut seburu raca' Israil luk rayeh bang kareb luk mon.

NEHEMIA 1:4

Kareb ui neninger bala ini, idi ui netudo idi nenangi'. Idi ui netemido tuda'-tuda' aco. Idi ui mawa' na kuman idi nesembayang pa kiung Allah Surga,

NEHEMIA 2:4

Idi kebala raca' negku, “Anun luk pianmu negku?” Idi ui nesembayang inan Allah Surga.

NEHEMIA 9:6

Idi kudeng ini sembayangdeh: “O Tuhan, Iko sebuleng luk Tuhan; Iko nenganau' langit idi gituen. Iko nenganau' tana' idi abpa' rayeh. Idi teh Iko nenganau' amung-amung luk bang ineh. Iko nemaré ulun kuan luk amung-amung. Amung lalud luk bang langit netekeradung sembayang Namu.

AYUB 1:9

Kebala Sétan, “Miakké Ayub sembayang Namu, kudeng ieh na ngalap anun-anun rat Namu?

NANI UBUR 136:26

Maré ubur kuan Allah Surga; idi awaNeh meruked.

PURA' 1:15

Idi kebala raca' lun Masir nan bidan lun Iberani, ieh ineh Sipera idi Pua,

PURA' 2:13

Idi kenebpa ieh iné' baruh teh. Idi ieh nenier dueh lun Iberani uned pekedaluh. Idi kebalaneh kuan luk sala' ineh, “Dedatenmu ku anun lun denganmu?”

DANIEL 2:44

Idi kareb raca'-raca' ineh ngimet, Raca' Surga miak ngeletep aceh imet luk na kekipedneh. Imet ineh na miak uen ngelaya', iamo' ieh miak ngusag amung-amung imet luk baken. Idi ieh miak meraben macing ruked-ruked.

HOSIA 3:5

Muci lun Israil miak lumi inan Tuhandeh, idi Daud luk raca'deh. Kareb ineh, ideh miak matot inan Tuhan idi ngalap baré-baréNeh luk do'.

KEKAMEN RASUL-RASUL 14:15

kebala didueh, “O amung-amung muyuh, anunké punneh muyuh nganau' kudeng ini? Kai ini pana' lemulun teh mepad kudeng muyuh, idi kai nguit kuan muyuh Bala luk Do', pad muyuh miak teketed ratnan luk mo'-mo' ini idi lumi nan Allah luk mulun, idi luk nemudut langit, tana', idi abpa' rayeh dengan amung uangneh.

KEKAMEN RASUL-RASUL 27:23

Ngaceku malem ina aceh melaikat Allah luk inanku sembayang iné' negku,

PILIPI 3:5

Ui pangeh sinunat kareb aceh minggu ulunku. Ui ini lun Israil, ratnan babpat lun Beniamin. Idi ui ini lun Iberani idi inul lun Iberani pana'. Ratnan Ukum lun Yahudi ui ini lun Parisi.

BALA LUK LINIO 11:13

Kareb ineh teh mangun ruyuh tana' luk rayeh, pad sebabpat ratnan pulu' babpat bawang ineh netabpa, idi 7,000 lemulun naté bang ruyuh tana' ineh, idi luk ketecan ineh matot idi nengerayeh Allah luk déi' surga.

BALA LUK LINIO 15:4

Idéké luk na matot Namu, O Tuhan? Idéké luk ara' mada' rayehMu? Iko sebuleng mo' luk meligan. Amung-amung pupu miak amé' sembayang pa kiungMu, ngaceku kekamenMu luk matu pangeh megala'.

BALA LUK LINIO 16:11

idi ideh nenguyo Allah luk déi' surga ngaceku étdeh idi kimuhdeh ineh. Iamo' nateh ideh sikal uren ratnan kekamendeh ineh.