YUNUS 1:5 - BALA LUK DO'

⁵ Amung-amung lun luk ngakem bang kapal ineh matot, idi anid-anid bururdeh nengitang nawar allahdeh, idi ideh nenala' amung binaweh luk inuitdeh, pad kapal ineh meran. Iamo' Yunus iné' déi' dalem idi nerudap.

YUNUS 1:5 Iomraidhean Croise

RACA'-RACA' LUK PUN-PUN 18:26

Idi ideh nengalap sebuleng sapi' deléi luk inuit kuandeh. Idi ideh netemina' ku ineh. Idi ideh nengitang nawar ngadan Baal rat pekak macing muned aco, kebaladeh, “O Baal, maré or kuan kai!” Iamo' sebila' bala pana' nateh inorneh. Idi ideh uput-uput libut bubpun luk pangeh inau'deh ineh.

AYUB 2:4

Kebala Sétan, “Seburur lemulun miak maré luk amung-amung pad ieh mulun.

NANI UBUR 107:25

Ieh nepebala, idi inan bui luk metueh, luk nenganau' ribut luk rayeh.

NANI UBUR 148:8

kilep idi udan batu, salju idi laput, id barui luk maya' balaNeh!

LUN LUK MADA' 3:6

Ieh ngeletep kareb nakap idi kareb nutu'; inan kareb nganug idi inan kareb nala';

YESAYA 45:20

Kebala Tuhan, “O amung pupu, do' muyuh mepamung, amung lun luk ketecan kareb imet Babil inusag. Do' muyuh amé' besara'! Lemulun luk pekarur dengan akang kayuhdeh, idi luk sembayang inan akang luk na ngulun nedeh, na kali' anun-anun!

YEREMIA 2:28

“Iapehké amung allah luk inau' midi? Kareb iko inan susa', nima' nedeh ngulun namu, kudeng mo' ideh miak! O Yahuda, allahmu mepad kinula' bawangmu.

HOSIA 7:14

Ideh na sembayang dengan matu-matu pa kiungKu. Ideh siluka' idi temido mepad kudeng lun luk na manu. Ideh sikal metueh rat Negku!

YUNUS 1:14

Idi ideh nengitang nawar Tuhan, kesembayangdeh, “O Tuhan, kai mutuh Namu, aleg nima' nekai maté, ngaceku kai nala' lemulun ini. Aleg ngukum nekai mepad kudeng lun luk ngaté; ngaceku iko, O Tuhan luk nemada' nekai ratnan luk miak ruen kai.”

YUNUS 1:16

Idi lun luk ngakem bang kapal ineh matot inan Tuhan, pad ideh nemaré aceh baré idi nepejani' maya' Neneh.

YUNUS 1:6

Idi lun luk ngimet kapal ineh iné' neneh, idi keburi'neh neneh, “Ngudeh iko rudap? Tumui iko idi nawar allahmu mutuh pedengan; kian lek ieh miak méi' netau, pad tau na maté.”

MATIUS 25:5

Deléi ineh mio macing, pad maung-amungdeh medacep mateh idi rudap.

MATIUS 26:43

Idi sekua' teh Ieh nelemubed, idi Ieh nenier nedeh uned rudap, ngaceku ideh pelaba dacep mateh.

MATIUS 26:45

Idi Ieh iné' matun anak-anak sekola'Neh, idi keburi'Neh nedeh, “Do' muyuh rudap nekini idi ngato erur muyuh. Siruh, karebneh malé macing idi Anak-Lemulun miak barén bang palad lun mesala'.

KEKAMEN RASUL-RASUL 27:38

Kareb amung-amung kai pangeh mebor, idi ideh nenala' padé bang abpa' rayeh, pad kapal ineh meran.

LUN LUK NGUYUT 16:19

Idi Delila nenaso ni Samson bang abinneh pad ieh nerudap. Idi ieh nenawar seburur inée' muting abpukneh. Idi ieh nenutun ngalat neneh. Iamo' tuehneh pangeh neburo rat neneh.

SEMUIL LUK PUN-PUN 24:3

Idi ieh nacing déi' libung dumba luk iring dalan idi inan aceh lubang batu. Idi Saul nesemuet bang ineh sikal bubpa'. Idi Daud idi amung lun denganneh teh tudo bang lubang batu ineh su luk medalem.