YUNUS 1:4 - BALA LUK DO'

⁴ Iamo' Tuhan nemaré aceh barui luun abpa' ineh; idi ribut pelaba rayeh, pad kapal ineh lélé mebila' ku ribut ineh.

YUNUS 1:4 Iomraidhean Croise

NANI UBUR 135:6

Ieh miak nganau' anun-anun luk pianNeh bang langit idi bang tana', idi bang amung-amung abpa' pana'.

NANI UBUR 135:7

Ieh nguit laput rat iring tana'; idi nganau' kilep ku barui, idi nguit bui rat bang lubangneh.

NANI UBUR 148:8

kilep idi udan batu, salju idi laput, id barui luk maya' balaNeh!

PURA' 10:13

Idi Musa nengegenang rukudneh pa luun bawang Masir. Idi Tuhan nengacing aceh barui rat pa busat aco bang bawang Masir seaco idi sedacem kinioneh. Idi pekak uka-uka bui nemalid amung-amung kato.

PURA' 10:19

Idi Tuhan nenurun bui rat pa acep aco luk pelaba tueh. Idi amung kato ineh pinalidneh idi nebpeh bang Abpa' Pisui. Sebuleng kato pana' nateh luk neketecan aput bawang Masir.

PURA' 14:21

Musa nengegenang ticu'neh pa luun abpa'. Idi Tuhan nengelubed abpa' ineh ku aceh bui luk metueh rat pa busat aco kedangen-kedangen ineh. Idi abpa' pana' nepatad.

PURA' 15:10

Iamo' Iko nemebper buiMu, pad lun Masir ineh nened. Ideh neturem mepad kudeng semara' bang lipak luk rayeh.

YEREMIA 51:16

Maya' ukumNeh inan uni lalam déi' langit, idi Ieh nguit laput rat iring tana'. Ieh nganau' kilep dengan udan, idi maré bui rat su inanNeh.

AMOS 4:13

Allah luk nemudut pegkung idi bui. Ieh ngegala' terawéNeh kuan lemulun; idi ngisu' acang mangun ku dacem. Ieh ineh Raca' aput-aput tana'. Idi ngadanNeh ineh Tuhan Allah luk Melalud!

IAP 11:31

Idi inan aceh bui ratnan Tuhan luk nenguit tuda'-tuda' suit tetibung rat pa acep aco, idi ideh temulud su luk inan lun Israil nelupo, idi kiado inandeh temulud miak delanin bang seaco, idi kidita' tuluddeh rat luun tana' teluh kaki.